無奈減產~~~
o係靖天4個月零一個星期既呢一日……
唔知係咩原故, 彩虹牌指數由平均既700點, 跌到得返600點……. 係因為”每月之星”又黎探我? 還是老天爺決定要我放棄…….?!
雖然曾經誓言只要趟有一滴彩虹牌都會餵下去…….但每天花超過4小時, 就只為那點點的彩虹牌, 咁….. 又合唔合乎經濟原則呢?!
昨天跟靖天婆婆講起, 要多俾靖天一餐奶粉…… 仲同佢講唔知點解彩虹牌指數會下調得如此犀利…… 誰知靖天婆婆話已經好犀利, 都餵左4個月了…… 可以停了…… 那一刻, 我個心….. 好似俾利刀刺左一下咁……好痛…….. 好痛…….
.
原來, 唔係你話勤泵勤餵, 就可以源源不絕…… 
原來, 真係會有”突然乾塘”的一刻……..
望著靖天, 有萬分的歉意……. 抱歉不能餵她到6個月, 什至自然離乳…….
以為提早給靖天食糊仔, 可以減輕自己既負擔同壓力………
可惜, 似乎上天比我更快一步…….
既然每次都要花上個多小時, 為著那百多ml的彩虹牌…
..倒不如, 立心減產, 用多一點時間, 多一點陪住心肝, 教育她多一點…….
這…….. 會否是自私的行為?! 
(89)
你多d埋身餵會好d!我朋友話平日夜晚同六日埋身,一會多d,到五又會drop番!
如果我埋到身, 我都會囉!
靚媽, 其實你已經做得好好好好好x100 架啦!
你唔好俾咁大壓力自己啦, 靖天婆婆話你已經好架, 餵左4個月, 其實佢係讚緊你架喎, 點解入左你耳仔後會變成”插你一刀”既呢?
作為你身邊既親人, 老公我, 靖天既爺爺嫲嫲公公婆婆, 就算連爸B既同事, 都覺得你做得好稱職呀! 你已經做到唔係100分, 係200分添呀!
過去既靚媽係一個乜野性格既人, 同你熟既親人朋友都知道, 但而家你為靖天做既所有野, 都已經係”超乎”大家既相像般好呢!
老婆, 我知道大家每對你講一次”夠了, 可以停了”, 都只係出於錫你, 愛護你. 因為佢地都知道, 餵人奶係有幾辛苦, 大家都只係唔想你辛苦, 唔想你咁大壓力. (除左有些嫌辛苦就教唆人放棄既人)
希望你明白大家既一番好意說話, 並唔係想插你一刀. 只係大家都愛你, 不想你受苦, 也想你知道, “停” 不是一種自私既行為, 最重要係, 你出於乜野而”停”. 靖天同爸B我都會支持媽咪”呢(你)” 作任何一個決定!
We are so pound of you, Mammy!
知道你一向很努力比BB最好既, 追奶追得好辛苦, 又比好大壓力自己, 比起一D餵左2日就放棄既, 你已經好叻勁叻超叻, 好偉大. “每月之星”走左之後, 奶量會回復返, 我有個朋友又係追奶追得好辛苦, 把口話停, 但又唔捨得, 夠鐘又死死地氣攞起個PUMP! 真係好辛苦!
不過,你要知道”停”一定唔係自私既行為, BB大個左, 都一定會知道你為左佢D彩虹牌咁辛苦! 無論決定係點, 都支持你!
http://chai1026.spaces.live.com/