當彩虹牌遇著倒米大王靖天時…..

正所謂, 一滴奶時三滴血….. 呢一句說話, 盡顯彩虹牌既珍貴既地方…. 一罐奶粉, 貴極都係3-4百蚊…… 但係要儲一枝180ML既彩虹牌, 就有錢都未必造到~~~尤其是遇著我呢位窮媽媽, 要生產180ML既彩虹牌俾心肝, 都唔係一件易事……….

好羨慕身邊所認識既奶媽, 閒閒地就3-40安奶一日…… 真係得來從不費功夫…..!!!  亦有好多媽咪, 係多到要收起少少, 免得引發乳腺炎等病症……

相反, 我呢位無用媽咪, 最叻O個日都係得25安……所以每日都要補一餐半餐奶粉過靖天…..

不過只要心肝肯食, 就算幾辛苦, 手指幾痛, 都忍耐下去……….誰不知呢個幾星期, 靖天由一個乖BB, 變左做一隻惡魔~~~~~ 每餐就2-3安奶, 足足少左一半….. 然後就唔食, 一係就不停講野, 一係就喊… 再唔係就詐訓…..  暖起左既彩虹牌, 倒佢又唔係, 雪返入雪櫃又唔係….. 極度為難…..

靖天婆婆為免嘥左我既彩虹牌, 有時迫不得己就改為奶粉….. 因為奶粉倒左=無左錢, 但倒左我O的彩虹牌 = 割左我忽肉……….

搞搞下, 依家仲返而儲到儲備………

不過有儲備又點, 心肝又食….. 真係儲黎俾雪櫃托咩~  

唉….. 靖天靖天, 您幾時乖乖地, 變返個正常BB呀?!!!~~~~~~

(100)

Comments

comments