相識11載…….
唔經唔覺, 今年同c6拍拖已經11年喇…….
11年, 話長唔長話短唔短………
選擇左第10年結婚, 係c6對c9既一個承諾…….. 屈指一算, 當年, 佢都得16歲咋喎~ 
所以呢一日, 我地決定賣甩心肝…… 要享受下二人世界………半日咁多~ 
本來諗住返大陸, 好耐無返………. 點知又黑雨, 又病……. 都係算…… (好彩無返, 第2日睇報紙話深圳水浸到膝頭)
跟住又諗住去食buffet 點知太遲決定, 無位……… 
最後決定買o的海鮮, 靚牛扒, 返屋企DIY~~~~ 
CITYSUPER既麵包蟹…….. c6話好食架喎~
打開左, 嘩…….. 全部都係膏黎架!!!!
想食好耐既生蠔……… 有南非、美國、紐西蘭種
唔係講笑, 真係好味到唔捨得吞……..
美國巨蠔, 承惠30蚊隻…… 抵!
仲有凡立貝, 簡稱帶子粒!~~~
本來仲有牛扒同雜菜, 不過無影到…….. 
不過呢餐飯……. 除左貴, 就真係買得辛苦咯……… 
諗住會有o的蠔吧咁既物體, 咁買蠔應該平過city卦……. search完又search….. 終於搵到間o係荃灣 (大部份都o係港島區), 日本蠔16蚊只, 南非美國就26蚊只……. 以為好抵啦…..
點知去到citysuper….. 唔爭好多咋喎……. 本來諗住買日本蠔就算, 咁$16 vs $28, 可以食多幾只喎…… 不過為免去到間野貨不對辦, 都係o係citysuper買左幾隻保險o的……
呢度要多謝小謙子…….. n年前俾我既$100 coupon, 用得著喇!!!!! 
買完就拿拿臨落荃灣啦…….點知o係沙田走既已經落雨, 去到荃灣就落狗xxx; c6仲要唔識路 (佢渣車泊車技術真係一流, 不過睇路既技術就………….. 9流
) , 泊到無雷公咁遠…… 又落咁大雨….. 入到間舖頭已經濕曬…… 點知買完出黎, 仲大雨, 我地仲要行錯路入左o的橫街, o的水足足浸過曬我地對腳……. 
上到車, 有遮都變左落湯雞……..
跟住返屯門買埋牛扒, 就返屋企………. 不過已經8點幾…….
食埋餐飯洗埋, 已經10點半……… 然後就拿拿臨接返靖天, ………
雖然好攰, 好似好辛苦, 但多謝c6 做左一晚大廚, 出錢又出力……..
我艾屎你呀!!!!!
(195)
好溫馨啊！我同老公一齊就快12年多啦 (唔好問我幾多歲噃)！不過佢都無哂d浪漫嘢lu，唔得，搵日都要好似你哋咁，放低bb enjoy 吓自己o既日子先……
嘩…嘩… 你地兩公婆甜C 人啦﹗﹗﹗﹗
heheheheh~~~~
呵呵呵!!! 雖然好辛苦先買齊所有野去完成呢一餐飯! 但都係值得既! 起碼同你過左一晚既浪漫, 又難忘, 同濕淋淋既周年記念日! ^.^
我都”艾屎你”~~~~
好溫馨既一日~
仲有, 靖天爸個”10年承諾” 好sweet呀~
好浪漫既一餐呀!!雖然得一兩張相,但已經想像到當日有好多美味既送了~
嘩,你兩個想骨痺死人咩….
唔知o架~
“選擇左第10年結婚, 係c6對c9既一個承諾…….. 屈指一算, 當年, 佢都得16歲咋喎~ ” <== 我係從尼度估….靖天爸應承拍拖10年就同你結婚…..純粹猜度….
林師奶: 難道你知道”十年的承諾”既典故?
太陽 + 月亮 : 無餸飯………. XDXDXD
YY, 凍死你~~~ 嘻嘻!!!
係真係幾……sweet架~~~
你快o的同你個c6 sweet下啦~