終於一嘗10分鐘煲好粥的滋味!!!!!

咁大個人, 連粥都唔識煲, 真係好失敗…….

之前未有靖天時, 成日想煲粥, 但一直都唔成功, 唔係太稀, 就連煲過龍連個煲都差o的要報銷…….

之前靖天學食粥仔, 都係由靖天婆婆代勞…….

難得今日我呢個媽咪放假, 我當然會再接再勵啦!!

之前經卜友介紹, 買左本講嬰兒食譜既書, 入面都有教點煲綿既白粥……..

佢有好多個方法, 但其實有幾個之前試左都唔成功…….

不過後尾見到一個方法係話將o的白米連熱水放入保暖杯入面過夜, 第2日o的粥就會煲得好綿, 呢個方面應該幾得架喎…… 一於試下!

浸左成晚, 攞出黎既時候, o的白已經發曬…….  (雖然仲係生)…..

跟住再用埋之前一個媽咪分享話放入雪櫃雪下佢, 咁又即管一試……

經過以前既教訓 (煲落左粥就走去上网, 過左時都唔記得搞到煲乾水), 到下午煲粥時, 決定全程睇實煲粥!!!!!, 一於不容有失!!!!

唔洗十分鐘, o的米已經煲到爛曬……..

我估呢o的都叫”綿”卦…….. 仲要無燶到…… 真係還得神落!!!!

十分鐘唔洗就煲起左煲粥, 實在要多謝KK媽咪同埋YUYU媽咪既分享!!!!!

(72)

Comments

comments