『咱們仨』的第一輯寫真 [率先看]
再睇再睇………. 確實係幾回味~~~~
原來今次影左五個系列, 本來可以再影一個造型, 但係因為時間問題, 所以無影到~~~~ 不過唔緊要啦, 5個造型都好好啊!!!
咱們仨篇
首先梗係著返個親子裝一齊影先啦……. 靖天既水手裝, 真係好鬼似校服~~~~ 第日讀書間學校既校服有咁靚, 就型爆咯!!!!
老虎仔篇
跟住就同靖天換返個老虎仔造型先……… 好鬼wild~~~~~
仲難得地影到佢咁好笑容, 真係無得頂呀!!! 
(不過原來係暴風浪既前夕……………)
光脫脫篇
跟住靖天就黎返個光脫脫look先啦……… 
不過都係露左兩點o者~~~~ 
影呢個look時, 靖天已經開始扭計, 真係要多謝牛妹妹借出麵包超人伙伴一個, 等靖天唔洗喊得咁勁…….. (佢竟然對麵包超人咁有好感喎, 難道佢又想整返隻?!
)
士多啤梨篇
跟住落黎就幫靖天變返個疏果 ——- 士多啤梨~~~~
影呢個造型係最最最辛苦, 因為靖天已經狂喊, 大叫, 唔到聲~~~~ 唯有俾o的玩具佢玩, 但玩左一陣都係喊, 都知佢扭眼訓架喇~~~~~
咁就唯有愛佢訓左一陣先啦…. 士多啤梨, 加頂彩虹帽, 放o係個士多啤梨cushion度, 好鬼死charm~~~ kekekekeke!!!!
運動篇
最後牛媽媽話要玩下燈光, 所以set左個好cool既佈景, 咁o岩我又幫靖天帶左件由HELEN姐姐早前送出既網球白色小裙一條, 嘩, 真係襯到絕呀!!!!!
靖天賴憂鬱既眼神, 加埋個咁"冷"既背景, 真係……. cool~~~~~~~
完結篇
最後我地黎返個大合照, 又會咁o岩, 牛家著白色, 咱們仨著藍色……… 
如果想睇更多……….
大家知"訂"架啦………. 
(238)
老虎仔好得意呀,佢又肯比你幫佢換咁多套衫嘅,真係乖呀
冇呀, 我又冇佢msn, pm又冇….
咁下次我話你知…………!!!!
老虎仔第一張同埋士多啤梨個look好可愛, 又唔叫我影呀, 一齊嘛
上面老虎仔篇既第一張, 靖天既笑容 + 加埋個造型, 好wild呀~
好溫馨既一輯相, 你哋既親子裝真係好正!! 羨慕中~
D相好靓呀!
老虎仔造型好攪鬼.兩個小寶寶一齊影嗰D好得意!
好kawaii呢
幾時得閒俾我影下靖天啊
bo: 你唔洗羨慕呀, 好快到你…… hehehe
boosaa: 係啊………. 謝謝你呀!
師姐叫到, 幾時都得?
你想邊度影幾時影?
聽聞kk好似send左message俾你架喎………
佢換到第3套, 已經勁喊喇