捨不得你~~~~
唔經唔覺, 彩虹牌已經生產左5個半月……..
過去一個月, 產量實在係有如恒生指數…….. 升得快, 跌得快~~~~
感受過每日800既感覺, 感覺有如自己真係做左一個超級奶媽~~~~~ (雖然比我多既媽咪, 大有人在……………)
但因為心肝不愛魚翅愛粉絲, 高指數, 都係嘥……………
然後工作增加, 應酬變多 (唔係父親節, 就母親節, 再唔係99生日, 62生日, 再再唔係, 就係家庭聚會), 慢慢由一日4次, 變成一日3次, 接住當然就係……….好容易咁穿跌600水平, 心如刀割………..過去一個月, 就好似坐過山車咁, 開心, 唔開心, 壓力, 刺激~~~~
近呢一個月, 基本上每日都會聽到同一番說詁: 唔好再餵喇….. 都6個月咯, 咩都夠皮啦!!!
類似既說話, 卻偏偏出自在醫生, 健康院姑娘, 自己媽咪, 老公………既口中, 每一次, 我都會聽到唔同人同我講同類似說話, 當然講得最多, 莫過於照顧靖天既婆婆~~~~~ 唔止”夠皮”, 佢仲會不停講 “你都收緊奶”, “食奶粉有乜唔好”,…….. 如果每日一次, 今個月, 我已經聽過類似既說話, 19次~~~~~~
因為靖天既唔合作, 令我無意欲再去1日4次, 風雨不改 —- 曾幾何時因為想增量, 決心5點起身就開工;
因為靖天決心倒我o的奶, 變成奶粉fans, 令我無意志再繼續堅持下去 — 無數咁多次既手痛, 胸痛…….. 瘀痕累累, 大抵是用力不當吧?!
有時靖天唔要彩虹牌, 反而會覺得: 好丫, 咁我唔洗泵咁多, 慳返!
但當靖天食曬一枝無添加既彩虹牌時, 卻又後悔: 點解今日唔泵多轉~~~~~
矛盾, 大抵是女人既天性吧?!
仲有十幾日, 靖天就6個月, 彩虹牌生產到6個月, 相信絕不大問題;
問題係: 我仲應否繼續下去?!
心肝越黎越精靈, 越黎越大個, 真係好想教佢多o的野, 同佢傾多o的偈, 而唔係放工返黎就食飯沖涼餵奶跟住閂埋門去造彩虹牌, 到完事, 靖天已大覺訓………… 然後第2日就6點起身, 造彩虹牌, 餵奶, 送靖天俾婆婆, 返工………. 放工……..
但望住辛苦製造出黎既彩虹牌, 卻又有十萬個唔捨得……..
彩虹牌已經陪伴我走左6個月既路; 6個月, 絕對不是一個長時間; 但6個月, 已經將”造彩虹牌” 變成一個習慣~~~~~~ 如果有一日, 我唔再需要奶泵, 我個心, 會唔會囉囉亂, 訓唔著呢?!
十五十六, 餵與唔餵, 全在乎我一刻既決定…………
如果靖天好似以前咁, 乖乖咁食彩虹牌, 我估我死, 都會整俾佢…………
但每次都要花盡心思去餵佢, 係咪應該將呢份心思, 放o係”如何教育”佢方面嗎?
究竟………. 我想點?!
(165)
姑物論你選擇繼續餵人奶定放棄﹐最重要係唔好有太大既懮慮同壓力。
我曾經都係彩虹牌既中堅份子﹐實在太明白啦。做媽咪既﹐一定想俾最好既自己個心肝﹐但如果有太多因素令你有懮慮同困擾﹐咁做出黎既奶都唔會好(心理因素會好影響奶既質量同份量)。我就係因為自己奶唔夠﹐Bertin 個時食奶又唔乖(成日浪費﹗)﹐demand 少左supply 自然又少左﹐成日驚唔夠成日擔心﹐結果越黎越少… 後來唯有餵到四個月大就無在餵囉…。
如果你真係想繼續餵彩虹牌﹐又想有多D同靖天相處空間﹐不如你可以既時候﹐埋身餵囉。一來可以對多D 佢﹐增加親子時刻﹐二來可以新鮮俾佢食咪仲好﹐可以考慮呀﹗
真係好矛盾……bb厭奶起上嚟真係好難攪……
你如果用彩虹牌開糊仔靖天有無興趣食？
睇你之前個 post 發覺你其實係唔捨得多 d …… 我都替你感到矛盾啊！
哈哈, 你估中……..
琴日諗完又諗….. 明知唔餵既”好處”多過”唔好”, 但都堅持……… (呢o的咪執迷不悟囉…..)
我有用彩虹牌開糊仔俾靖天架, 不過佢都係so_so…….
你都係得把口0架啦, 唔餵?? 你會咩??
nonono,係我太了解你0者,hahaha
我只係講下我既睇法啫~最緊要你開開心心, 靖天又開開心心…
呵,你同我有相同的矛盾啊~
我都係全泵型, 每日由4次變3次 (因為米B都係厭奶). 同樣我媽咪,湊B個姨姨都叫我停, 但係…硬係覺得好唔抵咁囉! 咁辛苦餵左六個月, 點解唔堅持落去呢?
幸好米爸沒有叫我停, 所以一日有奶, 一日都會餵落去. 不過我set左個期限比自己: 我會餵到米B一歲. 一歲後, 應該可以戒奶啦卦?
而家多左果D奶, 我會儲起佢. D奶可以存放三個月, 即係話, 到米B九個月大, 我就(可能)可以大解放, 唔駛再泵lu~
大家都加油啦~
餵人奶當然最好啦!!!你好偉大啊~
我餵到放完產假就無餵lu~~~
不過如果bb已經對人奶意慾不大, 而你又覺得吃力, 咁其實停奶都無所謂既…
何況好似你話, 想同bb玩, 親子下, 教佢野都分配唔到時間…
你都唔需要擔心bb食奶粉會無人奶咁好既…宜家d奶粉, 營養果d已經好好, 好夠…同埋6個月開始仲可以食固體食物, 所以怕只怕會變肥妹大隻仔, 而唔駛慌會營養不良~
無論點決定, 都要開開心心, 因為靖天都想見到mami日日開心笑架嘛~~~
add oil!!!
白雪: 你既一番說話, 令我好感動, 你打左咁大段野俾我~~~ 真係好窩心…………..
我既情況, 似乎唔餵好過餵, 但我又放唔低……. (好似中左降頭咁)……
所以十五十六………….
yy好衰架…… 睇死我~
我真係會認真咁想下架喇………
乜大家似得咁交關………….
不過你還好, 有米爸支持, 我連c6都叫我停…….
有時, 係有點兒…….無奈~
QQ 媽咪 , 多謝你既鼓勵……….
可惜, 佢戒左埋身太耐, 依家唔識食喇…………