不會吃的靖天~~~
如果一個寶寶不再喝奶, 不愛食物, 只愛玩, 那她還算是一個寶寶嗎?
係因為食左藥既緣故? 雖然再三問過e生, 話食藥唔會影響, 但身邊識講野既人都會俾個藉口靖天, 話食左藥, 無胃口……….
無胃口, 但係就有心情o係度尖叫, o係度玩, o係度喊, o係度扭計…….. 
真的合理乎?
看住心肝由daily 30安, drop到25安, 然後20安, 到呢兩日既drop到得返17安…….
感覺著實係唔好受~~~ 
有人提議我同佢去見e生, 但上一次打針問過劉e生, 話bb唔食就由佢, 唔好迫佢, 我就知道, 俾錢換句咁既野, 唔化算~
繼而5個月時返健康院, o個位護士長可能身經百戰, 都係好求其咁話: 餓佢, 佢餓就食! 一餐唔食, 兩餐唔食, 第3餐佢餓就會食…
e生, 姑娘: 談何容易?! 佢唔係你親生, 你地梗係講得口爽……
今日打去book時間約打針, 就一問o個位小姐…… 答覆話佢可能出牙, 咁個咀磨到佢o的牙肉痛或者唔舒服, 佢咪唔食囉~ 但係佢又食奶咀?! 呢位小姐話食奶咀同食奶唔同喎….. 不過佢都話因為佢唔係專業, 註冊姑娘放大假, 叫我9號再打去; 咁佢都好好人叫我打針問下劉e生, 原來劉e生o係加拿大兒科專科e院駐診過……… 唔怪得個個都話佢係兒科啦~
跟住再的起心肝打俾健康院姑娘,…… 初頭以為佢地唔會電話解答, 什至會俾姑娘話我無謂….. 點知留言後隔左一陣真係打返俾我~~~ 可惜, 姑娘既一番說話, 令我失控咁
起上黎……..
姑娘: 係咪有咩問題
我 : 佢呢排食奶食得好曳, 依家1日食唔夠20安, 呢幾日得17安…… 咁…. 有無問題?
姑娘: 咁佢有無咩唔妥?
我 : 無呀, 好精靈, 訓到, 就係唔肯食~
姑娘: 無唔食就由佢啦, bb係好特別, 佢肚餓, 自然會食, 迫都迫唔黎; 你迫唔迫到佢食丫?
我 : (姑娘完全好似sense到我迫個女食奶) 迫唔到…..
姑娘: 係囉, 你自己放鬆o的先啦, 唔好下下餵奶都好似上戰場咁, 令到大家都咁緊張~
我 : (姑娘竟然又知道, 我已經將餵奶變成打仗?) …… (已經想喊) 但係佢依家25%條線, 咁佢唔食, 係咪都會drop 磅, 如果跌落左條線咁算?
[戲肉來了~~~~~]
姑娘: 其實bb可能出世時比夠重o的, 因為媽媽懷孕時俾左好足夠既營養佢, 但係可能佢天生就唔係呢個size, 咁長大左就會慢慢食返少o的, 去返屬於佢自己既生長線…
我 : 我bb出世得5磅半, 係3%, 咁佢第2個月已經追到25%, 依家佢唔肯食, 係咪即係佢會drop返落條線?
姑娘 : 會架, 因為佢出世只係3%, 可能佢天生就係3%, 佢之前食多左追得高左條線, 依家身體適應左, 就會回落返去佢出世o個條線…. 咁如果佢係細碼b, 自然容納唔到咁多奶, 咁食少左, 係好正常;
我 : (已經喊到收唔到聲)….. 可能好無謂, 但聽到姑娘咁講, 同靖天有病, 好返, 跟住e生同我講話佢個病翻發一樣….. 好難受….
姑娘: (估佢已經知道我喊緊…) 你放鬆o的啦, 只要bb健康咁成長, 細o的都無問題, 唔好迫佢食奶, 等佢自然成長, 你自己都唔會咁唔開心架, 係咪?
身邊10個有11個朋友都會安慰我: 唔食由佢啦, 迫唔黎~~~~ 細o的咪細o的囉, 佢咁精靈~~~~ bb女, 細粒o的惹人憐愛o的架~~~~ …………………….
作為一個媽咪, 我會諗: 既然佢後天食幾多, 都有機會去返佢出世咁既樣子, 咁點解我咁無用, 生到佢咁細粒? 個個聽到靖天出世得5磅半都問佢係咪早產bb~~~ 唔係唔係唔係呀, 
佢足曬月, 仲遲左一日出世~~~~ 我都唔知點解佢出世得5磅半….. 有人話因為我呢個媽咪細粒, 咁咪生到靖天細粒…… 我出世都有7磅幾8磅, 自問亦算不上係細粒之人~~~
咁心肝咁細粒咁輕, 一定係我陀住佢時食錯o的野, 或者有野做得唔好, 先搞到佢咁~~~ 但係自問陀住靖天時聽足e生話, 要點增磅, 食o的乜野….. 食得, 訓得, 無壓力, 靖天就硬係長不出肉來…….
問過e生, 姑娘, 都答我唔到點解會咁, 淨係話後生努力食返多o的就會變返大隻, 咁咪好努力餵佢囉~~~滿以為只係出世輕磅, 後生有得追返, 但6個月後竟然有人推翻話佢會慢慢去返3%條線…… 咁即係後天點努力都無用???!!!!!
其實身邊o的人唔講, 自己都心知…. 去完影相, 去完gathering, 靖天好明顯係比其他同齡既bb 矮細好多…. 足足細成個碼~~~ 就連磅數比靖天輕少少既bb, 望落去都大份過心肝好多好多~~~~
有時會諗: 點解人生仔我生仔, 我生到個女咁? 好似唔識大咁?! 難道我生左隻”芝華華”?
朋友安慰只要佢健康, 又精靈, 細粒少少都無所謂啦; 個個bb都咁精靈架啦, 我亦不見得靖天有幾特別精靈?!咪又係普通bb一個?! 
好似好無謂, 好多餘…… 為左o的”數據” 又喊一餐, 唔開心一大輪…. 係咪可以講一句: 針唔吉到肉唔知痛?!
由初初食6安奶唔夠會喊, 要食8安, 9安, 到今時今日, 1枝6安既奶, 食1安, 2安就會停口, 推奶樽…. 係咪所有父母見到自己子女係咁, 都可以安然咁”唔食就罷”?
或者, 有一日佢長大, 有毛有翼, 咁佢食唔食, 我都唔會再在乎…..
但至少, 我知道, 我虧欠左佢……
靖天, 對唔住….. 原諒我呢個無用媽咪, 生到你咁細粒~~
(1207)
著實係幾難做到
但我打完呢篇野, 喊左一晚後, 開左曉
依家用左第2個方法, keekekkekeke
用咩方法?
我現在有時用奶咀引下佢,有時都ok架!
msn話你知;
一一都有推奶樽…. 我都做唔到安然咁”唔食就罷”!
rainbow,
大大話話識左你都一年啦, 可能我地未算好深交, 但都知你份人好為靖天, 點講好呢, 我明有時見到自己仔女唔食奶, 係好擔心, 但靖天唔食既話, 你迫佢都冇用, 你想佢見到支奶樽未塞到入口就怕左咩? 佢可能一排排唔想食姐, 唔代表佢之後唔想食, 唔係為左一時擔心影響到佢怕左支奶而以後都唔食呀
健康院姑娘所講既唔洗理啦, 我明有d野係天生整定你係幾大就幾天, 但靖天只得6個月大, 我唔信遲下食多d唔會仲係細碼bb law. 再者, 細碼都冇咩問題, 我夠細粒啦, 夠好人好姐, 冇事呀
唔好怪自己, 唔好怪靖天, 靖天唔多食奶, 咪食其他野law, 你果時唔係話要快d令靖天陪你食麥當當咩? 哈哈
um~~我只可以講呢d關乎於DNA
有時唔係話係想谷就一定有成績…
只要靖天健健康康咪得law!
有時d野急唔黎,可能大大下仍 變肥妹,到時要同佢減肥仲頭痕呀!!!!
唔好唔開心啦！RAINBOW
靖天不經不覺已經快到半歲了，佢再遲D會接觸到其他食物，吸收到不同的營養，一定健康成長。BB最重要開心、訓得，就會好快長肉，靖天會感覺到媽媽唔開心，咁佢都會唔開心咖，你多D逗下佢玩，消耗左體力，咪會食多D囉，同佢傾下偈，佢聽得明咖，佢都會開心D開胃D呢。
靖天：媽媽，我就黎出牙仔，好快自己用手仔住D野食，到時你一定要帶我周圍去食野呀！食到變左肥妹仔，媽咪你唔準笑我咖。哈哈…….
大家睇開妳個 blog 的人, 都知道妳係一個一百分盡責的媽媽
可能我未生小朋友, 我都唔知我第時會唔會好似妳咁緊張 (我都出名係緊張大師, 以前大家一齊 prepare 婚禮都知),
但係靖天媽媽妳真係放開 d 啦, 體重同身形唔係最 significant o既成長 indicator,
起碼靖天咁耐以o黎都算係健康快樂地成長,
比起我醫院入面好多百病纏身的 BB,
日日插晒喉靠呼吸機維生的,
妳諗o下其實靖天比好多好多 BB 幸福了,
體重即使係軾 d, 但只要其他方面的發展都冇問題, 真係唔需要擔心太多~
哎呀, 妳都未見過真係早產o個 d BB, 真係輕到細粒到嚇死妳!
靖天呢, 其實已經算係好好肉地~
hi~
其實17安都唔算好少呀~
米b每日都係食500ml度,大約都係17-18安倒啦…
就算你比唔到個肥大的身軀比靖天, 只要佢生活開心, 就乜都補番哂, 我係咁諗咋~
或者將來佢唔駛成日嘈住要減肥, 會多謝你呢~ :p
放鬆D啦~
食得多唔等於會長肉，我身邊有人係食物墳化爐，但身型似modle，我自已就飲水都會肥，所以唔好用一日飲幾多奶黎衡量靖天健唔健康！
我亞仔都係厭奶期，我會由得佢，我知bb肚仔餓就會飲奶，無奶飲就喊，直到有奶入口為止。靖天玩得，訓得，精精靈靈就ok，無須比壓力自已，你身邊的人亦會感受到壓力的。
Aiya, 咪係囉, 放鬆D, 唔好成日怪自己, 只要bb健康咁成長, 細o的都真係無問題, 唔好比D數據嚇到, 最緊要唔好將BB同其他BB比較, 靖天試坐學行車, 係間屋走來走去, 咁叻, 我隻B連坐都未得, 唔通我又諗, 點解會咁, 係咪我食得唔夠營養, 比唔到BB, 學野學得咁慢?!?!
我今日先計過, 我已經BF左1200次以上, 都幾犀利, 哈哈! 你都要諗多D positive o既野, 多D自己讚自己(呢樣野我型叻, hehe) 你已經做得好好, 唔係個個媽咪都咁堅持比人奶BB, 唔好成日話自己無用, 對唔住個女, 我自己係”瘦骨仙”, 但我從來都唔會怪我阿媽.
RELAX !
老婆呀! 好似身邊有9X%既人都叫你唔好怪自己, 梗何況你跟本就唔需要怪自己. 因為你都無做錯到, 我反而仲覺得你已經做得好好甚至係做突左我所認識既你添.
真係架. 我知你係個讀書人, 做野鐘意睇數據, 但你睇下你老公我出世咪又係得5.5LB, 而家呢? 超過150LB, 腰圍仲有35添~ 以前既人都係無咩呢D咁既數據呀. 生長線呀咁… 咪又係健健康康咁, 係咪先? 好啦, 如果你堅持要睇數據, 咁呢d data都係由d專業人仕呀, 醫生呀等等既人去set出黎, 咁即係你信專業啦, 但而家d專業人仕都教左你點做喎, 佢地又叫你唔好俾咁大壓力自己, 放鬆d, 又講返靖天既問題俾你知, 咁你聽唔聽佢地既話呢?
唔好俾而家社會訂立出黎既框框控制左你, 靖天係點, 你先係最後話事人麻. 為何要俾D姑娘或者係D所謂既專業人員, 乜乜學家SET出黎既Stardard, 去控制靖天既自然成長?
食飯唔同教育, 人肚餓就會食飯, 唔餓, 身體有不適, 心情唔好就會唔想食. 但我總相信, 一個人, 唔會因為以上既原因, 肚死肚壞自己. 尤其係小朋友, 佢地餓就會食, 唔想食就會唔食. 愛玩愛笑愛喊愛倒蛋愛扭計先係小朋友既天性麻. 係咪? 合理嗎?
你成日都覺得靖天細隻唔長肉, 點解你會有咁既想法? 係咪就係因為身邊有其他bb同靖天比較? 你諗下如果無其他bb既出現, 你會唔會再係咁諗? 好似條生長線咁, 點解大家都要睇住? 就因為用黎俾d媽咪去同其他bb比較麻~ 你梗係無睇我facebook寫左d乜野呢~
快樂,滿足 不是因為擁有的多
而是因為 比較, 計較的少
呢句說話我係想寫俾你睇. 希望你好再俾咁大壓力自己. 我諗呢個世界上面, 搵唔到一個人會怪你令靖天唔長肉. 唯一一個會咁諗既人, 係你自己個心.
記住, 你絕對唔係一個無用的媽咪, 憮心自問, 你為靖天做左幾多野, 阿女同你身邊既人都睇得到, 生得細粒唔係任何人既錯. 你亦無虧欠過誰, 要計既, 最多就只有欠左對溫柔少dd啦 ^.^
We Love Rainbow MaMa~
咪就係,一路都有BLOG友同你講過份俾壓力自己同靖天,我自己個B都好細粒,都係唔肯食奶,仲試過絕食TIM,不過TOUCHWOOD一直都好健康,我知做媽咪一定好擔心,但有D野你迫都迫唔黎,我而家兩個B都4,5歲啦,雖然係細粒D,不過完全冇問題,加上靖天爸爸都講,你覺靖天咁只因為同左其他小朋友比較,如果你真係鍚靖天,就要接受佢所有野,咁細個就比較,幾時比到大呀?數據係死架,人先係生架!你唔好再咁啦~~
會唔會靖天係厭奶期?
我anson4個幾月果時都係, 一餐食3-4安, 一日5餐, 同靖天差唔多…
呢個情況可能會維持3-4個weeks, 唔駛好擔心既…bb肚餓就會想食野, 呢d係人既天性黎架嘛~~
出牙仔都會無胃口架…anson前果排都係咁~6個月既bb食得4安, 平時食開6安架嘛~~
慢慢就智事架啦…
加油呀靖天媽媽!!!
睇完靖天爸既留言…好感動…好想喊…
靖天媽你好幸福呀…
靖天媽媽, 你要知道小朋友吾識呃人架, 佢地吾餓就吾想食, 如果餓你吾比佢食, 佢就嘈到拆天. Data 係死嘅, 人係生嘅, 無謂比呢 d 野嚇親. 我由 bb 期到小學都係 under standard 成排骨咁, 而家咪又係諗辦法減肥. 只要靖天健康, 大粒細粒都吾緊要架. 你見吾見好多細粒嘅女仔都好叻架, 林姍姍都超細粒啦, 咪又係咁樣生活. 放鬆 d 啦, 你地一家日日都過得開開心心, 吾好似打仗咁咪仲好.
拿….你又一次鑽緊牛角尖o刺~
雖然我未係一個媽咪, 無你對bb尼方面有咁多既知識. 但健康院既姑娘似乎都講得有道理!每次餵奶都好似打仗咁, 可能會迫到靖天怕咗食奶………有啲小朋友可能天生愛鬥氣, 你越係迫我咩? 我越唔飲呀!
同意靖天爸及身邊既朋友所講, 靖天餓就自然想食. 佢唔餓, 就自然唔想食. 佢食得(食佢自己需要既份量)玩得瞓得, 你唔好太擔心啦~
而且細細粒既女仔都好, 多男仔鍾意呀…..
rainbow:雖然同你識0左一年多, 時間唔係長,不過好明白你份人,好有自己主見, 有時人0地講你都有你自己想法,想當初, 我同你一樣,陀得bb唔太好,出世又好輕, 足月都得5磅幾,我當時都怪自己人陀我又陀,點解係我陀得佢咁輕咁差…..喊多很多次,所以我好明白你感受…..到之後,你0地好多人都安慰我,只要bb健康就夠啦, 出世時體重輕冇所謂嘛…於是,我見住個囡長大,覺得佢精靈健康就開心。我好明白,可能自上次gathering,你見到彤彤大隻過靖天少少,所以令你唔開心,但你睇下,真係高0個1cm左右之嘛,唔係多,下次可能已經比靖天追番啦!傻婆, 你唔好同人比啦,如果要比, 真係好多0野都會唔開心,如果第2時讀書, 同人0地差一分就差幾名次,你又唔開心??? 要知道, 我0地仲有好多好多將來0既事要擔心,靖天都只係出世短短日子,唔係睇0個一兩次有問題你就灰心呀!! 佢咪又係玩得又健康!!你真係冇做錯任何0野呀,唔好咩事都怪自己呀, bb成長有好多因素的,唔係你0既問題, 你已經盡0左力去做,好似彩虹牌咁,你都堅持到今日,你睇下我都唔可以呀!所以你已經好叻好叻,你唔好再怪自己啦!
雖然識0左唔係耐,但係我真係當你係我好朋友好知己, 所以真係唔想你再鑽牛角尖呀!你要做個好榜樣, 開朗d做靖天0既好媽媽呀!
唔好唔開心啦, 我0地一起努力啦!
唔好俾咁大壓力自己啦!你除咗迫靖天,仲迫緊自己.放鬆D啦!
千萬別跟其他bb比較,個個小寶寶也是獨一無二的.
靖天只是厭奶期吃小了,聽過姑娘話就算吃小了體重也不會大跌,過了這段時期佢又會開開心心的吃奶奶.
慢慢來吧!