兩種對號入座的人?!
近排發現好多人都鐘意“對號入座”, 我都唔係好知點解有d人會變成咁, 就住對號入座呢樣野,本人有一d見解, 同大家分享一下, 希望大家唔鐘意都唔好插我, 唔好會怪小弟多咀吧~
本人想從多方面去思考並且分析對號入座所影響既人同佢地既反應
首先, 從“對號入座”既人講起
有關“對號入座”一詞, 相信唔駛解釋各位都應該知道係咩含意
個人認為“對號入座”, 並非煲眨義詞彙, 對於“對號入座”, 我認為有分“聰明既對號入座”同“愚蠢既對號入座”
所謂”聰明既對號入座”, 某人做左一d野去含沙射影,明刀明槍就當然不用說, 而受害者知道自已成為”箭靶”而去做一d野, 先唔好講係咩野先, 以下既內容, a即代表含沙射影 / 明刀明槍者, b代表真正既”受害者”, c即代表5係真正既”受害者”但自認係”受害者”, d即代表旁觀者…
好… 再講返, 要介定一下“聰明既對號入座”係咩意思, 個人認為, “聰明既對號入座”既人, 一定要係肇事既受害者,點解? 因為佢有明辨事實真相既智慧, 所以先可以有機會稱得上係聰明, 試諗下, 如果唔能夠知道事實真相既人, 就”對號入座”, 無論佢知道之後會做d咩, 我認為都已經唔係出於佢既智慧, 或者係高智商定抑或係理智, 而只不過係佢地心底既o個份憤怒, 或者執著, 又或者報復, 又或者係本能所做出黎, 試問呢d又點可以稱得上係聰明, 再唔好講係稱得上有智慧!
再講講, 我認為點先算係“聰明既對號入座”…
個人認為主要有三
第一, 忍耐, 視之如無物, 所謂”謠言止於智者” ← 相信呢個都唔駛我見講吧, 大家都應該睇得明
第二, 發洩, 但對象唔可以係人, 如果對象係人既, 就應該要係傾訴而唔係向對方發洩出黎 ← 呢個都應該唔駛多作解釋, 我相信唔少人係會用呢個方法
最後, 亦都係最惡毒既招數… 以彼之道[呢個使用埋黑底白字效果更佳…] 呢個方法並唔係亂用, 唔係對方有咩差錯就出招反撃, 咁樣既話就係愚蠢!! 用既時候, 一定要搵一個好好既時機, 而呢個反擊既方法, 唔需要用得多, 少則一次, 多則兩三次就能夠收效, 因為總唔係個個人都係c, 呢個世界上係d既人其實先估最多
以上三個都係我認為“聰明既對號入座”既人先會做, 當然可能仲有其他, 但係小弟既智慧有限, 已經諗唔到
而家就講下“愚蠢既對號入座”啦
其實“愚蠢既對號入座”真係好愚蠢, 先講講”愚蠢既對號入座”既人會點做
1. 與a當面對則,發生正面衝突
2. 不與a當面對則,但係不斷向身邊既人散播訊息 [謠言??謊言?!?!]
3. 胡亂發脾氣,傷害身邊所有既人
以上3種做法都係極愚蠢既行為, 因為損害左各方面既平衡…
1. 自己既脾性係別人既面前表面無遺
↑ 破壞自己既形象
2. 同別人既交往可能因為咁就玩完
↑ 破壞友好關係
3. 身邊對你有唔錯印象但唔係好認識你既人會對你既印象分大減
↑ 再度破壞自己既形象&人際關係
4. 身邊一直認識你既朋友可能因為咁而疏遠了 ← 呢個最遺憾…
↑ 再度再度破壞自己既形象&人際關係
對於呢d人呢… 我冇咩評價啦… 只希望大家醒水d, 唔好咁做
再從a講起
呢個只可以講既, 係佢地發表左一d野之後, 遭受b或者c既一d行為影響之後可以有咩反應…
1. 積極咁諗 → 閒事一件, 視之如無物也罷
2. 眾人皆醉我獨醒咁諗 → “呢個世界好多好多人都係咁蔑號入座架啦, 我睇慣晒, 下次繼續明刀明槍 / 含沙射影”
3. 孤高既想法→”我超~ c咁厲利咁都可以對號入座, 真係好, 世界又多一件垃圾俾我踩!! 下次繼續搵垃圾”
4. 消極咁諗 → “唉… 早知就唔咁做啦… 下次都係唔敢”
5. 保衛人際關係咁諗 → 向b同c道歉, 之後再點做都罷, 最緊要係攪好人際關係…
d… 哈哈, 必然就係呢幾種
1. 唔理好醜, 支持個Friend為先
2. 道理為先, 相信證據但兼顧人情
3. 道理為先, 相信證據, 不理會兼顧人情
4. 咩都唔理, 置身事外
對於旁觀者, 小弟不置任何意見, 因為旁觀者好大機會都係佔大多數, 一講錯咩, 就得罪N咁多人
係咁多, 發表完畢!
(170)
Maggie, YY, 唔明係正常架!
如果你明, 就可能係以上所講既人黎架啦~ ^.^
因為呢個topic專係俾d鐘意對號入座既人睇架~
做咩寫到好似論文咁, 睇得好透, 好高深啊, 靖天爸爸…
好深wor benny,唔明啦,wakaakaka