『咱們仨』與五個家庭的約會
時間: 2008年7月13日 星期六
地點: 咱們仨家 – 打邊邊
人物: 啟仁, 彤彤, 哲哲, 天朗, 幸瑜 (12大6細)
話說yy話佢會入黎屯門探個舊同事, 咁就提議不如上埋我屋企gather一下….
例牌鐵3角, 今次再厚住面皮邀請左啟仁同埋幸瑜出席…… 結果埋單有12個大人, 加6個小b o係我家出現……. 地方淺窄, 真係辛苦曬….. 
啟仁喊既時候極度委屈, 但好可愛;
聽聞佢一見bb就咁, 奇怪奇怪! 
高妹幸瑜…..
可惜怕左我地, 有時嗌得勁大聲~
哲哲既例牌表情 – 一臉茫然
天朗左揀右揀都唔知想玩乜,
繼續做佢既”王傑”
彤彤首試學行車, 同靖天一樣, 入左後波唔識向前~
一早的左心肝過婆婆度先, 跟住拿拿臨同爸b買餸, 然後極速返屋企洗野準備… 再接返心肝迎接朋友仔……
大家好努力, 最終都食曬8-9成! 
當然係唔少得大合照…… 多謝爸b既腳架, 大家影到一張好相! 
再來一張6個bb既合照……
始終係六隻小魔怪, 唔易控制, 都係訓曬佢地o係度影好o的~
少不得4小K…….. (媽咪係大K, 咁BB梗係小K啦, 呵呵)
彤彤: 唉, 影完未, 好鬼悶, 佢地成日都影; 我想同你去玩喎~
靖天: 算吧啦…… 一次半次咪應酬下佢地囉…… 影埋我地就閃!
彤媽: 俾隻牙仔AUNTIE睇下啦……
彤彤: 我有牙喇, 靖天有無丫? 我叻過佢呀~ 話出就出…... 你慢慢等啦, AUNTIE…
靖天媽媽: ………… (洗唔洗咁串呀, O靚妹….)
啟仁: 靖天您個玩具好似幾好咬喎, 借黎咬下丫;
靖天: 得得得, 我咬完到你, 唔洗爭!
啟仁&靖天齊齊上學去…… 一人一本書唔洗爭! 
靖天: 幸瑜你食咩食到你咁高? 可以俾幾CM我麼?
幸瑜: 您唔恨得咁多架喇… 俾? 我有兩隻燒鵝脾, 您要唔要?
特別鳴謝:
一眾朋友仔山長水遠咁走入黎呢個大西北既小地方, 辛苦曬~~~ 爸B事前既準備 (清潔全屋), 陪我買餸, 幫我劏魚劏蟹洗菜, 送yy回家…. 錫曬你! 
靖天借出佢既玩具同朋友仔分享…. (靖天話: 最好玩爛佢, 可以再買!)
有機會下次再玩過啊!!!! 
(322)
靖天又同朋友仔聚會呀?
真係開心呀~~
我好鍾意六個bb一齊影果張呀~
係呀, 多o的聚會等佢識多o的朋友仔麻
唔好再咁客氣喇………
咁係丫麻….. 咁都唔算一臉茫然咩? hehe
天朗係翻版王傑, yeah!!!!
如果哲哲真係幫靖天玩爛o的玩具, 我會封佢地做偶像囉
噢, 佢對脾……. 似唔似阿嬌腳? kakakakaka
係呀, 因為多人要兩個爐就好少少咁囉, 唔利害架, 下次叫埋你, hehe
係呀, 整左梗係掛起佢… 曬下先得, keke
係呀, 原來咁影都幾有味道……
多謝你既讚賞呀……
有機會, 等你bb出左世, 我地又可以gather下架….
haha 我都覺得好得意, 加埋o的軟墊好襯, yeah~~~
好! 我叫哲哲去個森林度幫你擇晒d蕉同打晒d雀落黎!
Unfortunately, I am an ‘old cake’! I saw your young beautiful c9 group, my confidence was diminshed. Anyway, I enjoy watching your blog. Please continous.
好呀多謝先!
遲d一標高就有兩條又長又瘦既美腿喇~~!!
尋日真係好開心呀,多謝你同benny0既熱情款待呀,些些你們, 真係唔好意思, 麻煩晒啦打擾晒啦
嘩卡卡卡, 咩哲哲例牌一瞼茫然, 你係咪想佢發脾氣你睇先?
王傑…笑死我啦~~
尋晚食到肚滿腸肥, 勁開心, 返到去訓唔著…超低能, 下次有機會再去你屋企, 我叫哲哲幫手玩下靖天既玩具, 等佢快d換過批新既先得! 呵呵
6個bb果張合照好得意呀!
靖天唔細粒喎~隻肶肶好肥美下…
2個爐仲有咁多野食, 好利害呀你!!!
嘩!好開心的大合照,D bb 圍埋一齊影好靚.
哈哈哈!我見到靖天個手仔腳仔印掛起咗啦
話實…對肶真係幾肥美喎~
仲有靖天媽媽D對白真係好攪笑!!
Wa… Great party!
將bb放哂喺地下影相…..好得意~
再加埋啲軟墊, 色彩好繽紛!!
唔准你咁講喎, 我地forever young架!!!!
如果你怕醜, 我同你”私會”囉…….kekekekekeke!!!
咁個森林咪乜都無曬……… ~~~~~~
又長又瘦………. 咁我同靖天都要早o的訓……. 先得~~~~~