靖天上學了@ 報讀篇
正所謂, 執輸行頭……真係爭少少, 就慘過敗家左….
上幾星期, 朝早起身餵完奶就揹住靖天去左學校報名……
最衰落雨, 
搞到鬼死咁狼狽…. 上到的士靖天已經訓左~~~~
去到學校,嘩!!!!! 乜細成咁…… 
不過既然學校環境唔係一個重點, 咁就豁出去啦~~~ 入到去竟然係校長親自”招待”我喎…. 但呢位校長真係唔多似校長, 一o的都唔威嚴既~~~ 
交左form, 開埋收據, 我就問校長其實10年收左幾多張form, 校長話大約十零張喎, 諗住實食無痴牙啦…. 點知校長話佢地一年只係收一班N1, 大約十幾人一班…..
下……. 咁即係有機會咁早報名都無位讀? 唔係卦~~~~~ 雖然唔係一定要讀呢間, 但入到梗係好啦~~~ 唔洗再煩丫麻…….. 不過校長臨尾都講左句話星期一等負責位老師返到黎, CHECK清楚先覆我啊!! 咁唯有等兩日啦……..
到星期一朝早餵完奶, 已經收到老師既電郵, 話靖天既報名排第9, 好野!!!!!!! 咁即係應該無問題啦, HOHOHOHOHOHOHOHOHO!!!!! 真係鬆一口氣….
黎緊就等年尾學校個開放日去認真咁參觀一番, 睇下係咪真係我想像中咁好….. 如無意外, 咁就出年年尾做一個面試, 跟住就返學, 返學, 返學!!!!!
(316)
我都報左, 不過個no. 好後, n1應該無機會, 老師話n2有機會, 唔知n2有無幾會做同學….
期待著!
勁!咁鬼快諗好讀邊到.我仲未做功課呀!
hohoho, 小學都係咁岩有
你超幸福呀, 唔洗煩……. 幼稚園都無乜所謂, 小學緊要o的啊!
你好勁呀! 噤快就報定學校!
我都要開始留意一下先~
c啦…我仲未去學校問….
咁你今日打去問下先啦; 好快咋麻;
我都仲未有心水學校 :(
無錯, 執輸行頭, 慘過敗家, 我都敗左一半啦, 我要快手先得!
咁快可以報名la,九龍塘d幼稚園大約要下年8/9月先開始報名咋
hihi 靖天媽媽,
我係 Maggie 個 blog 過o黎架．
嗯，我個ｂ又係08年一月出世，見到你個 “報讀篇” topic ，所以想請教吓…現在報名N1, 即係明年９月開學? o甘快要報定?
我咩都未準備咋….
但你已經物色到小學喇喎…… keke
慢慢唔遲, 最緊要快麻 哈哈
基本上有出世紙就報得喇…… 所以咪早少少同佢報左先囉
我報10年n1啊….唔係09年呀~~ 仲誇張呢…..
無計, 救世軍實在太”旺場”….. 可能同佢個教學方針同埋學費有關卦~~~
我又唔想同佢細個出九龍讀書…. 所以唯有讀呢間囉
我諗我係比較緊張o個o的…….. 所以唔水擔心啊!
唔好咁講啦, 鬼叫屯門得一間救世軍咩……