重掌軚盤
第一次獨個兒帶靖天離開屯門, 出城打針…..
事緣星期四o個日同靖天出荃灣打針, 但係爸b唔得閒, 即係得返我一個啦, 一心都打算揹佢出去就算……點知起身發現烈日當空, 好鬼曬….. 一諗到要我行成10分鐘落西鐵站, 我已經暗暗地流曬汗…..
於是就o係度諗: 好無渣車呢?! 
著實個車牌都考左成5年….. (嘩, 原來已經5年喇喎~~~ 好老耶……)
但係自從5年前既平安夜炒左車之後, 再加埋老公買左架令令地又好鬼新既車, 就怕左唔敢渣車….. 再講, 我係100%識渣車的…. 但唔識泊車… 
所以好多時, 都係選擇做乘客…. 舒服又無咁緊張…. 
但係因為實在太……….熱, 我真係好唔想揹住靖天四圍去…. 咁出荃灣o者, 我好熟路架, 同埋停車場早上又會勁少車, 我鍾意點泊都得啦, 但都係電電老公, 問下佢意下如何….
除左好耐無渣之後, 單拖車住靖天出去又係一個壓力, 陣間佢o係屯門公路扭計, 我點算?! 
但經過老公一番輔導後, 我就決定開車!!!!
落到車首先將個car seat搬返上前座, 都已經搞到我出曬汗…… 平時太依賴c6喇, 依家自己一個, 真係…… 頭都大埋…….
搞掂左點知出閘時發現張出閘咭唔見左….. 搵左好耐都係搵唔到, 點知原來係跌左o係個位下面……
真係出師不利……..
上到屯門公路, 我強項啦~~ kakakakaka!!! 
無驚無驗出到荃灣, 上埋停車場, 決定捨近取遠, 泊個左右都無車既位…… 咁我點泊都得啦, hoho!!!!
打完針, 同靖天去KFC食埋個早餐….. 先慢慢去囉車出閘….. 點知又黎喇… 因為入閘係用八達通, 咁出閘自然都係拍咭出閘啦, 點知泊左幾次, 都話我張八達通無入閘紀錄…… 
咁o岩靖天又開始扭眼訓….. 好彩, 最終都recognize到我張咭, 出到閘…. 
去到屋企樓下, 點知隔離個位泊左架貨van…… 天啊!!!!! 咁我點睇位呀!!!!!???? 
o個位貨van司機哥哥唔知係咪都feel到我泊唔掂個位, 於是佢就主動咁走埋黎幫我睇位, 仲教我點泊….. kakakakak!!! 真係麻煩曬….. 亦都醜死怪…… 都話我個牌只係用黎渣車唔係用黎泊車架啦~
返到屋企已經11點, 夠鐘餵奶, 準備下場……..
================================
因為約左靖天既太婆婆o係彩雲飲茶, 一諗起天氣咁熱, 仲要坐咁耐巴士出去, 我又心思思想渣車出去, 其實條路都識行, 只係擔心如果發生突發事件, 唔識處理…..同c6商量又商量, 決定鼓起勇氣…… 搏一搏~~~ 其實都o岩既, 我遲早都要克服, 唔係要個牌黎做乜呢…
一直都好順利…… 飲埋茶返屋企喇, 點知就………都係臨尾香….
最衰都係顧住聽佢地講野, 搞到o係停車場走時, 扭得唔好, 就咁就”hi”左埋個”膊”到….. 然後就咁燒焦……. 可憐老公架車, 就咁俾我毀左容……..
本來諗住落車睇下, 但阿姨怕我無心機再渣所以叫我唔好睇喎, 專心渣車先….
好啦, 車埋婆婆返西貢, 點知呢頭放低婆婆, o個頭有個”死白炸“o係咁跟住我, 仲不停望我, 又望住媽咪同阿姨.
…. 我心諗: 唔通我做漏野?! 佢望左一段路後就走左去….. 阿姨話佢可能望下佢地有無戴好安全帶喎, 係卦…… 點知出左西貢, 又撞到佢, 又係咁不停咁望住我…. 好討厭呀!!!! o個一刻o係度諗: 死白炸你唔好截我埋一邊, 學車時無教我俾差佬截要點做架…. 我o係公路唔識點cut幾條線停埋一邊架, 一係你跟我返屯門先抄我牌!!!! 
好彩無驚無險, 就返到屋企喇!!!
即刻打俾c6, 初初佢都唔肯信….. 到佢放工返黎見到架車花曬, 先知肉赤, 哈哈!!!仲叫我賠返錢俾佢….
對唔住囉………衰人!!!! 以後都唔渣呀, 巴之閉閉!!!!
(423)
我都好鬼憎泊位，上次又係出車位時懷住傾計 high 到o架車……唉！
你好叻呀! 我有牌, 但未揸過 … 唔夠膽呀!
我考了牌都係渣過1次﹗少過你地啦﹗
不過我相信你咁叻女, 渣多幾次就好勁啦﹗唔好放棄呀﹗
唔講邊有得笑0者..wakaka
Now you become a totally c9 la…yes, c9 with a car driving bb around town … btw, did you put on your sunglasses? yes? more c9 woooooowwwwww…
haha, 我都考左個車牌有5年, 比你仲慘, 一次都未開過, 個牌係度發晒毛, haha, 講真呀, 比著我都好驚呀, 不過自己可能開車四周圍去都幾方便呀
can i be a pretty c9???? XDXDXDXD
但好似做乘客舒服o的啊, kekeke
靖天媽媽, 你有車牌好叻呀! 我成日都覺得女性有車牌係特別型…..可能因為我從來無諗過考車牌啩….
哈哈哈, 好緊張刺激呀, 我完全幻想到. 下次你話車我返屋企我都要諗過先! (唔好誤會, 我係代你肉赤要自己賠錢, 嘩卡卡卡)
我冇車牌都唔敢考, 一來我係路痴, 二來我份人比較貪快同鐘意刺激, 我怕一時睇唔開太快就唔好啦, 呵呵
我個牌N年只渣過3次咋…不過我媽咪仲少過我…
哇!你好叻呀….我連考牌都唔敢因為左右不分呢
哈哈, 我當年都係想俾個surprise c6, 點知結果係搞到大家都好唔開心…….. kekekeke
嘩, 你同你媽咪都有牌, 勁啊!
我係咁叫我媽咪去考佢都唔去…..
好彩上次佢係叫佢老公車我0者….唔係就真係….嘩哈哈啦
我先唔車你呀, 哈哈, 壓力太大………… hehe
我咪成日渣快車囉, o個陣已經俾人影過快相架喇, 哈哈
衰婆丫, 洗唔洗咁講野~~~~
我本來好大膽, 但依家就好怕渣車……
車又撞過, 快相又俾人影過, 基本上無咩好驚, 但就俾c6鬧到怕曬
呵呵, 女生通常比較怕…. 車~~~~
o個陣讀書時考落架. 依家你叫我去考都唔制, 咁鬼貴…….
然後你會發現其實依家好多女性都有車牌, kekekekekke