靖天七個月大了!!!!
踏入7個月既第一日….. 送來一份巨禮~~~
就係又打風!!!! 
巧開心又打8號….. (好似有點兒變態~~~)
前一晚都估會唔會真係打得成, 咁就可以多一日”咱們仨”既時間…..
點知開口中~~~ 今朝起身一開個電視, 就係東北8號….. yeahyeahyeah!!!! 仲要話中午最接近本港, 應該唔會咁快落波卦?!
好野, 爸b又可以陪住我地多一天喇!!!
===================================
唔經唔覺就7個月, 靖天由出世得5磅半, 對腳仔好似筷子咁, 又好細粒, 到今日已經學爬, 學企, ……. 抱佢開始覺得越來越重….. 真係百般滋味~~
開始想時間停留落黎, 唔俾靖天長大…… 等佢永遠都係一個會嗲我, 會扭抱, 見少我一面都唔得既小寶貝……
好快, 佢就會識行, 有毛有翼, 飛左去…… 只望佢將來, 還會有點點兒印像, 曾經同我有幾親厚, 有幾需要我呢個媽咪, 媽咪又有幾需要佢吧….. 
(106)
你寫 blog 寫得咁詳細，佢邊有理由唔知你有幾愛佢喎！^^
我怕佢有讀寫障礙, 睇唔明我寫乜…….. ~.~
要多謝靖天bu足一日比我地有假放, 呵呵呵
有同感呀, 依家抱哲哲越來越重, 個感覺越來越記唔起初生時既哲哲. 越重好似佢大個左又開心, 但同時都好失落, 好怕佢再大時唔比我抱
哲哲無BU咩? 無理由架~~~~~
以前佢得的C咁細隻, 真係……..好懷念
前一日在姨姨家, 佢冇講我又唔覺, 再者近日佢好鐘意bu, 所以我都慣左唔為意
咁懷念, 整多件喱…
自從上次4小K BU完黑雨後, 我就開始留意多左…. KEKEKKE
整多件? 啋~~~
係架﹐其實小朋友真係麶實父母既時間唔長(男生仲短…)﹐只得短短幾年﹐真係要好好珍惜﹗
同意啊, 真係要好好珍惜~