北京奧運．開幕了！！！
咁大個女, 都未試過認認真真咁睇完一個奧運既開幕禮….
難得係星期五既晚上開始, 梗係當做一個Happy Friday既特備節目啦…
下午同心肝去市廣場影相”應節”後, 就打餸今晚一字打邊邊一字睇奧運…
唔比較以前其他國家既奧運開幕禮 (因為根本就未睇過, 呵呵!), 呢一晚既開幕禮, 真係好impressive, 好佩服張導演點解可以諗到呢o的野出黎….
開始以29個”足踪“既煙花, 由遠遠步向鳥巢…. 電視上睇, 真係好surprised…… 心諗: 下? 咁都得?! 
成個開幕禮以”中國文化歷史”作藍本… 加埋好多什麼激光, 高科技….. 著實真係睇到我”嘩嘩聲”……
然後有過千? 過萬個鼓手, 用”岳” 加 激光打出倒數時間……. 點解可以齊成咁?! 
個畫卷真係好令好令….. 好有心思~~~~ 
n咁多人耍太極….. 齊到嚇c你….. 聽聞話用左5年時間去訓練…. 咁咪好似返工咁做?!
最後由前體操王子李寧以「夸父追日」方式，環繞鳥巢簷頂跑一圈，點燃京奧主火炬，實在令人讚嘆….. 難得李王子可以跑到咁有”美感”….. 步步都吊住黎跑架, 圍住鳥巢一個圈跑相信都唔少野…. 話曬佢都上左年紀啦~~~ 都咪話唔鄧佢辛苦~~ 
李王子, 你係得既! 
呢一晚為自己安排既節目, 真係無揀錯…….
============================================
後記: 靖天唔知係咪見到咁正既opening, high到傻… 食完最後一餐奶, 12點幾, 都仲o係度大叫大笑, 不停咁轉身, 唔睬佢, 又o係度撩我地, 依依呀呀咁叫…. 好似食左興奮劑咁~~~
靖天, 知喇知喇, 知您係奧運年出世, 知您都開心喇….. 都唔洗咁卦?!
足足搞到半夜成點先捨得訓…..
真係好耐都未試過……. 
(117)
哲哲反而好扭, 佢都冇興趣, 唉, 點做我個仔呀
我都有睇奧運開幕典禮﹐真係好正﹐我身為中國人都感到驕傲﹗﹗
靖天可能都係太興奮﹐所以訓唔著﹐都好難怪佢既﹐難得佢人仔細細就有一夥愛國心﹗
但係你有冇留意李王子已經變咗肥王子喇, 哈哈!!!
係啦………..仲地中海添呀
唉……… 搞左好耐先捨得訓
佢話太悶…… 唔o岩睇, kekeke