鱷魚先生, 你好嗎?
靖天新寵兒~~~~
話說有一日去吉島見到呢隻鱷魚先生, 諗住俾靖天摸下, 點知佢就捉實唔放……
本來打算即 刻買俾佢, 點知……. 好似好貴咁喎~~ 都唔值~~~~ 所以都係算~~~
點知上個星期爸b特登去買左返黎俾心肝…… 其實成日話我買玩具俾個女, 佢自己咪又係~ 一知道個女鍾意就買, 車~~~ 五十步笑百步!!!! 
靖天對呢隻鱷魚先生真係幾好架…… 話說有一日, 我俾左舊麵包靖天囉住黎食, 點知隔左一陣就發現成舊麵包無左, 搵勻成個地墊都無, 仲讚佢點解咁叻咁大舊都自己食得曬….. 點知….
大約半個鐘後, 我再坐o係地台度玩個幫佢執玩具, 竟然發現一舊硬左既麵包o係鱷魚個口入面, 仲要放到鬼c咁入…….
o個一刻我即刻想到當時既情景:
靖天妹妹: 鱷魚先生, 你可唔可以幫我一個忙呀?!
鱷魚先生: 咩事呀…..
靖天妹妹: 我見你個口都幾大丫, 不如你幫我食左舊麵包丫,
我好飽呀…同埋舊麵包好難食啊!
鱷魚先生: 我唔要呀, 你唔好俾我呀…. 我唔食麵包架!!!
靖天妹妹: 要啦要啦…. (然後靖天就一手將塊麵包塞左入鱷魚先生個口入面)….
鱷魚先生: 囉返出黎呀…… 
好難食呀!!!
靖天妹妹: 唔好啦, 你幫我食左佢啦, 合埋個口啦…. (然後靖天就順手將鱷魚先生個口蓋埋, 神不知, 鬼不覺)
(182)
呢隻鱷魚先生唔係按到某粒牙就會啪一聲合埋個口 ga meh? 會唔會嚇親靖天 ga? *0*
靖天真係好鬼成醒目呀!!
哈哈哈, 好搞笑呀, 靖天好鬼馬, 我都以為佢食晒個包, 點知…原來佢一早要呢個新玩具有咁既用途既, 醒目女~
哇!!!叻女…大d仲會將d唔鍾意食既野倒落垃圾筒,會JASON只會拎住唔放手嫁(因為佢為食ma)
好鬼曳先真…..
唉………. 佢第日唔好係咁…….
如果俾我知道佢咁做, 我會吊起佢黎打囉……… keke
係會合埋口架, 但唔會嚇親靖天架, 因為佢都未意識到咩叫’驚”…….