靖天幾時變大?!
有一日, 靖天同媽咪去惠康買野…..
排隊俾錢時, 前面排左3個年齡介乎3歲至6歲既小妹妹…..
3位小妹妹一見到靖天就發曬癲咁……
妹妹們: 『嘩……bb呀~~~~ bb呀~~~』
先係動口, 繼而動手…….
係咁爭住拖靖天….
靖天對住呢幾位姐姐只有無奈, 唯有眼仔碌碌咁望住佢……
然後其中一位年紀大小小既妹妹就問我喇:
小妹妹: 『佢幾大呀?』
靖天媽媽: 『就黎7個月架喇~~~』
小妹妹: 『嘩, 咁佢好細粒喎…… 』
靖天媽媽: (你又知佢細粒?!) 
『係呀, 佢係比較細粒o的….. 』
小妹妹: 『咁要食返多o的野喇…. 佢太細粒喇…』
靖天媽媽: (食唔食野又關你事?!)『會架喇, 佢會俾心機食好多野架喇…..』
但肉眼望落去, 呢位6歲既小妹妹, 條手臂好似都係粗過靖天小小咋喎….. 靖天細粒, 妹妹你都唔勁得去邊咋喎~~~~ 
不過真係好意外, 一個得幾歲既妹妹, 竟然可以講出一番咁既說話…..
連姐姐都話您細粒, 靖天, 您係時候要變大少少喇……
(169)
小朋友講既嘢真係聽左就算啦, 唔好咁介懷!
早兩日都有個師奶問”你個仔有冇4個月呀” 都唔知點答佢好.
唔講佢係小妹妹我以為係同D太太嘅對話.靖天是在那曲線圖內啊!
遲d靖天一發不可收拾呢…
啋啋啋
小朋友講既嘢唔駛放喺心既….
靖天有食嘢o架嘛, 會慢慢長肉…
嗯…我個仔經常都比人話細粒…不過…事實上佢又真係幾細粒…我都係對於佢食o野方面好頭痛…唉…
因為最近開始食得少,
又食得唔正經,
每次食奶都四圍望…
食糊糊唔係款款味道都肯食…
今日食節瓜/瘦肉/蛋黃,
食幾匙又停口,
佢淨係鍾意甜味,
蜀米/紅蘿白/香蕉/萍果佢就無任歡迎,
男仔都o甘細食…激屎我…
點解頭痛呀?
我ok既, 但覺得巧搞笑囉…… 小妹妹都講呢o的說話
唔係fa…… 4個月? 佢有無病?!