您哭, 我也哭了…..
以為已經習以為常…. 原來~~~
呢個情境已經見怪不怪, 尤唔知幾時開始, 靖天變得十級痴身…
明白呢個係bb既必經階段, 雖然好煩,
但同意亦都好享受靖天咁痴身….
要知道, 女兒咁嗲自己成日要抱要攬要錫既日子, 其實真係好短….
然而, 靖天既情況好似越黎越嚴重..
… 只要係得我同佢兩口子在家,
我可以甩身既時間只係佢小睡既幾十分鐘…. 
放低半秒都唔得….
就算抱住佢做野, 都要扭來扭去……
唯一可以安撫到佢靜靜地自己玩下, 就係你陪住佢…
佢玩, 你就睇住佢玩… 咁佢就最滿意喇~~~ 
唔知, 呢o的算唔算係佔有慾?!
越黎越覺得心肝似我, 連呢o的咁唔好既野, 都遺傳左俾佢….
都唔知該開心定唔開心好?! 
已經故意唔理佢, 等佢知道, 扭計都無用….. 可惜, 你唔理佢幾多分鐘都好,
佢都會不停咁喊, 大叫, 務求你肯抱起佢為止….
最衰係, 一抱起佢收左聲後, 佢就會”扯曬蝦”咁…. 回唔到氣…
又會好嗲咁攬實你…. 時不耐又會依依um um 好似好話我唔理佢咁…
終於呢一日….. 又心軟同佢一齊…. 
第日心肝有時, 會唔會佢喊我又攬住佢喊呢?! 咁無用?! 
(355)
好可憐呀….我一定忍唔到手會抱佢…
我鍾意bb成日痴住我…heehee
真係好痴身好可憐!
嘩, 又真係好痴身咁wor, 哲哲都會喊, 但都未似靖天咁, 如果係咁你真係好唔得閒, 去個toilet都喊到咁你邊忍心去~
完全明白﹐呢個係過渡期﹐無辦法~ 但學你話齋﹐呢個時間好短﹐可以抱就抱啦﹐遲下大個左識行識走就睬你都傻啦~
靖天真係喊得好可憐呀, 不過我有時都會諗, 而家bb痴自己真係唔知痴得幾耐, 而家佢好需要我地抱抱, 鍚鍚, 但到佢地大個左, 可能會覺得我地好煩, 希望唔好啦, 其實如果可以一直keep住呢種咁窩心的感到都幾好
靖天真係喊得好可憐啊, 莫講話你係媽媽, 我在場的話, 都想抱起佢呢…
睇佢喊成咁, 又邊到忍到唔抱佢….
都唔知係咪0個日靖天教曉彤彤…家下彤彤都勁痴身(線), 0係屋企我入0左廚房見我唔到都可以喊到拆晒天….0係街我去0左toilet都喊到好可憐好大滴眼淚….天呀…..
呢呢呢…彤彤都係咁0既樣囉….c未呀
同意同意呀!!!
係呀….. 佢真係好識嗲人……..
如果大個都係咁就好喇
可想而知….. 佢係幾咁識…… 扭計;
係咪好識扮野呢…….
你老公姓賴架咩….. 賴太……….. >.
喊到好淒涼咁囉…… 唉;
依家我去toilet都帶埋佢咁濟啦, 都喊;
me2……. hahahahaha~~~
唔知佢幾時先唔會咁痴身?