神奇的海水
靖天一直有一粒大大既濕疹o係佢腳仔度…咬住唔放~~~
其實靖天既濕疹早o係好多個月前已經好返左9成…. 只係腳仔既皮膚一直比較乾, 耐唔事會出返一粒半粒…. 只要搭返小小藥膏 或者 cream 就會無事……
不過佢左腳小腿就總係有一粒死”咬”住心肝唔放….. 無端點搽藥膏, 佢都會跟住靖天… 但見佢無蔓延, 只係乾乾咁有粒野, 有時只係同佢補cream都唔多加理會… (為左粒濕疹加重類固醇既份量我又唔太想……) 
就算同心肝去游水, 都唔會太擔心佢會發到一身都係….. (e生同姑娘話…. 濕疹bb 都可以享受陽光與海灘喎…..) 
直至早前去石澳游水…… 全日都玩得好開心….. 靖天既身體都無乜大問題…..
直至回程時抱住心肝訓覺…. 摸摸佢對腳….咦?! 點解咁滑既!~~~~
無理由架喎, 平時靖天o個1-2粒濕疹總會鞋濕濕…. 好肉酸麻…
於是就即刻扯高佢兩隻腳望清楚…… 濕疹…不見了.….. 
返到屋企開曬全屋o的燈再加埋電筒, 地氈式咁搵清楚佢粒濕疹去左邊….. (其實湊左佢咁耐, 點會唔知佢粒濕疹個位置…..) 同爸b一齊搵左一陣…..真係無左…… 
果然係一個意外收鑊…… 
同靖天婆婆講….. 佢話可能o的海水”殺菌”….. 唔係麻….. o的海水水質點好, 都唔會真係有”殺菌”作用麻?!
不過算啦…. 橫掂都係好事一樁, 唔好鬼理佢~~!!!
靖天婆婆仲要搞笑到叫靖天爸b得閒去石澳裝o的海水返黎俾靖天浸下….. 殺下菌!!~~! 傻傻地…… 
(214)
婆婆好似搞笑咗啲喎~~
海水對皮膚可能好O架! 記得我細細個既時候, 媽咪帶我去海灘, 要我穿住水泡然後拉我出海. 佢話浸下海水, 啲皮膚好啲喎…..
恭喜恭喜!
因為有海有鹽份呀, 唔出奇
咁咪好囉！
唔係卦……..
講笑咁講咋……..
好明顯啦
但係靖天浸完皮膚好左, 但黑左好多呢…….
咁細個就黑成咁… o的男仔唔buy架!! xdxdxdxd
些些;