靖天上學了@ Playgroup 第二課
第二堂課…. 又遲到了… 
好想問政府, o的路幾時先整好?! 點解尖沙咀永遠都係爛路一條?! 
好憎人遲到….. 點知同靖天返左兩堂, 兩堂都遲到, 激氣! 下次真係要再早少少出門口先得! 
好辛苦o係車度tum左靖天小睡一會免得佢上堂時發癲….. 一去到課室, 靖天就醒左… 呆濟左一陣, 見到o的同學仔就成個精神曬…. 於是就放佢o係地墊等佢warm-up下先… 
靖天同新同學交流一番先… (呢個同學仔上堂因為出玫瑰疹上唔到堂啊, 巧慘耶!)
點知相熟後… 靖天又黎野蠻一番…就係搶玩具!!!
今日o的小遊戲比上次好好多啊…. 上次教爬同埋玩鴨仔, 今堂就教握握手, 抱抱, kiss-kiss, 拜拜同拆禮物…. 一直以黎靖天o係呢o的小動作方面都係佢既機會點… 好多同齡既bb已經識親親媽咪, 又識拜拜…. 但係靖天呢, 最叻咪”抱抱”.囉….. 拍兩下手, 靖天就會申手要抱…. 
唉…….. 失敗!
難得今日老師教下呢o的小遊戲, 咁我又可以同靖天玩下啊!!! 
先係握握手… 因為收唔到老師既電郵, 搞到無帶公仔俾靖天練習, 還好Mrs Poon有準備啊! 唔知係咪因為都係”豬”, 份外有親切感…靖天對住呢隻布公仔, 真係超興奮!!!
咁樣拆禮物… 等佢知道有野收埋左…. 呢個遊戲相傳左好耐, 但都係第一次同靖天玩…
靖天似乎都掌握得還可以啊!
繼續豬仔布偶後, 靖天對呢隻洋娃娃… 似乎仲興奮啊! 
靖天, 隻公仔係同學仔架, 唔好咁啦….
收埋個洋娃娃, 靖天都會搵返佢出黎啊….. 証明佢真係幾鍾意玩公仔喎!
(82)
等我又同言言玩吓先，去唔到啱玩 playground，得閒上嚟呢度學吓嘢先！多謝分享！^^
咁樣玩果個收埋遊戲, 佢地真係知道有野收埋? 我試過同哲哲玩, 我覺得係佢見到有野o係佢前面就伸手去抓, 唔多覺得佢係知道有野o係入面wor
洋娃娃果度靖天好有反應, 比著哲哲, 佢一定on居居咁望住我….哈哈
我會o係佢面前包住o的野等佢自己打返開囉…. 時得時唔得咁囉…..
哎呀, 點同呢, 靖天係女仔, 哲哲係男仔麻, 你俾個超合金佢就會發光架喇…….
都係皮毛野咋麻…… 嘻嘻