去完靖天麻麻度造節, 我們仨就去左”賞月”喇…

其實屯門真係無野好, 最好係有兩個海灘…雖然唔係好游得水, 但一到過時過節, 佢就會發揮佢既作用…. 吸引一家大小, 老老嫩嫩既朋友去聚一聚…..

今年係靖天出世後第一個既中秋節…. 亦都係13年黎最熱最熱既中秋節……

上午9點幾訓到俾靖天叫醒… 就o係屋企等去左踢波既爸b返黎….

下午就約左幾個朋友仔打返8圈…. 手風認真麻麻啊!!!!

夜晚就去左同靖天麻麻一家造節…. 靖天真係似真係巧驚太麻同埋叔公….. 太麻一出聲, 靖天就即刻嚇到跳左一跳, 跟住唔洗1分鐘就喊起上黎……   鬼咩…. 太麻同叔公次次見到靖天都爆興奮…. 一大聲, 靖天就…..  

上到麻麻屋企, 食完飯, 抖左陣, 就食生果食月餅喇…. 靖天都唔好執輸, 食返o的生果應下節先啦!!!

靖天: 多謝麻麻既碗仔, 係我專用架!!! o的香蕉… o的味巧怪喔, 媽咪….

媽咪: 靖天您又作嘔呀….?!
靖天: 係呀, ar….ar…ar…. 媽咪您唔係唔知我食親蕉都會咁麻…

太麻: 乖曾孫, o的蕉巧巧味啊, 做咩作嘔呀?!
靖天: 太麻你有所不知, 我食親蕉都係咁架… 你由我啦!!~

食完飯, 搞掂o的生果, 就出發去海灘喇… (因為麻麻住碼頭, 所以去海灘超方便耶!)

不過一路行去途中我真係懷疑自己去緊維園年宵… 多人到丫… 又熱喎… 仲要推住靖天, 真係…..

靖天唔知係咪太熱, 還是之前俾太麻同埋叔公玩謝左… 出門口就不斷咁依依哦哦, 仲諗住佢會扭計狂喊….點知….

未入到海灘, 心肝已經….訓到林一林……

靖天: 媽咪我巧攰…. 唔阻你同爸b拍拖…. 早抖你條尾…
臨尾臨忙買俾靖天既小玩意: 營光棒棒兩枝, 承惠10個大洋 (抵!)

真係多人到癲…..成個海灘都塞满左人…. 但就巧熱鬧!

還有靖天第一個燈籠… 因為時間關係, 去到日本城得返呢個史迪仔燈籠見得下…
最衰爸b, 叫佢準備又懶….搞到靖天無小白兔玩~~~
仲要鬼c 咁貴…. 靖天您未來3年都要玩呢個無得再買新!

~~~靖天與爸b的合照~~~

還有我同老公既合照….難得難得!!!!

回程時因為太熱, 走左入麥當當過冷河… 靖天呢個時候都訓夠喇!!
靖天: 媽咪我想食雪糕…
媽咪: 又食? 無呀… 琴日咪食左囉!

(63)

Comments

comments