靖天識得囉奶樽喇~
原來真係可以好感動………
呢一晚係9月15日, 夜晚11點幾, 如常餵靖天食奶…..
由佢4個幾月開始, 每晚我都會俾樽奶心肝, 等佢自己囉住黎食….. 不過唔知係枝奶太重, 還是太懶…. 通常啜幾下佢就會跌左枝奶, 然後我就會死死氣咁餵返佢…. 佢又會變返大爺咁攤o係度食…..
然後, 呢一晚, 我如常咁俾枝奶佢, 等佢自己繼嬻學習渣奶樽食奶… 點知, 佢竟然用佢兩隻小小既手仔, 攞住個奶樽啜左6安先放低……. o個一刻真係好開心,
靖天好似o係不知不覺中咁長大左好多…. 學懂左自己食奶…. 雖然最後既1安都係要我出手… 但已經係一個好大既進步…….
***************************
到第2晚, 我又如常咁俾枝奶佢, 佢又如常咁接左黎自己啜……. 成個過程我都o係佢身邊”徬”住佢, 見到佢想鬆手時, 就扶返正佢枝奶, 又盡量糾正佢既姿勢…..終於, 靖天好快咁, 用佢對雙手, 餵自己食曬一枝7安既奶…….
真係好感動…..
其實真係好微不足道, 但真係好開心, 又好興奮….. 我心肝定終於都大個女…. 識得自己食奶喇!!!!
雖然我唔知道佢呢個咁”乖巧”既進步可以維持幾耐….. 但至小, 呢兩晚, 已經令我樂透……..
望住自己心愛既女兒一日一日咁長大, 做到一o的自以為係超高難度, 佢無乜可能識既野….真係好鼓舞…….
由出世只得5磅半, 大力小小都怕會整傷佢, 到今時今日已經有十幾斤, 仲識得整古做怪……
靖天, 您知道您真的長大了嗎?…….. 同你相處既日子越多, 越長, 我就發覺我越愛您… 愛得不能自拔….
靖天, 多謝您, 多謝您每次的小驚喜, 小進步…. 多謝您每一個笑容, 多謝您給我每一個麻煩…您知唔知, 您已經成為我既生命,…….我愛您…… 好愛好愛……..
(123)
靖天好叻呀, 我昨夜比支奶敏堯, 佢完全無意識拎, 又唔識爬, 教佢d簡單指令都唔做, 最叻伸手要人抱, 我個女真係好蠢呀……………
哲哲仲係好懶, 唔肯自己拎, 一陣都唔制, 靖天真係乖, 真係要叫哲哲多點跟靖天學習先得啦
好叻叻ar!!!
一次半次叻咁囉…. keke, 好過無
唔洗太心急啦….好快就識架喇;
靖天都係乜小動作都唔識架….蠢女一名
靖天並唔係一個好既學習對象….. 千祈咪制呀!