繁華中的寧靜
上個星期，因為靚媽要囉d好鬼重既文件去到遊艇會開會，難得有借口去遊艇會，我呢個大鄉里出城既男人，梗係決定幫佢手啦！
入到去，靚媽話其實呢度好自由，可以周圍行下參觀下，咁我咪自己打個圈囉。但係行完都係六點四左右，靚媽話佢應該開會開到七點半，咁我見又無咩做，就決定等埋佢收工啦～ 起初靚媽都叫我坐返的士出去，不過佢話其實行都無問題，大約１５分鐘左右就可以去到中環廣場。我見咁鬼多時間，雖然熱少少，都決定行下啦～如果唔係ｄ時間都唔知點過好！
跟住我就一直跟住灣仔海濱長廊行．嘩！原來係咁舒服！真係估唔到，ｏ係香港區呢ｄ咁繁忙既地方入面，竟然有一處咁清憂既地方，一路上只係見到有人睇書，有人放狗，寫意到呢．．．兩個字可以形容當時既環境 ”爆HEA”，哈哈！ 不過有ｄ海風吹下，可以暫時放底生活既壓力，ｏ個一刻真係好舒服．
唔知幾時可以唔使做，日日都走去”喪HEA”呢～ 呵呵！
P.S. (路上見到好多人放狗，但附近又無停車場，究竟”狗”從何處來？）
(79)
