兩口子閒遊深圳
上星期攞左2日大假…… 除左陪心肝, 都應該服侍下老細…
所以放大假既第一日就決定同老細返大陸梳乎呀….. 真係足足有一年零5個月無上去~~
祖國, 你知道我很想你嗎…….. 
最終都係o係羅湖過關….巧慢耶…無計遇到個太守交通規則既小巴司機~~~
去到上水等火車時又見到好多人幾箱幾箱奶粉咁攞返去……巧搞笑~
最終決定去呢間”水立方“度揼骨…… 唔係因為佢寫有特價我都唔會去~
磨左3個幾鐘….結論係: 無特色, 唔係勁貴, 不值一去!
不過幫我揼骨個妹妹 (係, 佢細過我!!!) 真係好有心機幫我揼, 仲要好鬼令……老細一望到佢o個件…. 再望我o個個… 就扁曬咀, kakakakaka! 結果? 我俾左50蚊貼士, 老細只係俾左30….. hohohoho
沖完涼有個姐姐好熱心咁走埋黎幫我吹頭…. 整左個8-2界俾我…..
結果就搞到我個頭咁…….
仲要吹完頭話我好令, 真係…… 頂佢地唔順…..
又問我做咩講國語… 姐姐, 呢度祖國, 俾個機會我粗下o的普通話都得卦….
講咁多, 都係想我放低幾個大洋落佢地個”小費箱”…..
不過好sorry~~~ 我身上得100蚊人仔… 無奶由俾曬你地卦….
原來水立方o係福田口岸隔離….. (咁係咪即係坐B3就到?!) 
其實福田區真係幾c服… 人又唔多, 又無屏風樓, 條街都算尚乾淨, 係o的坑渠O糟少少…
唔怪得咁多香港人返上去住啦~
跟住就去左笋崗附近既樂安居睇燈飾, 屋企O的燈都用左幾年, 見大陸O的燈咁平咁令, 係時候要幫下間屋扮下令令~~~
都唔知o的燈算唔算叫平…. 但就一定平過香港巧多…
睇中左盞”水晶吊燈”, 開價29xx, 係咁扭係咁扭, 結果950人仔成交…. 其實之前做左資料搜集一般都係500一盞到…. 但係老細話我地揀呢盞真係太多”水晶” 無乜可能500成交到…咁算啦, 又唔係我俾錢…. 令外再買多盞開價8xx 最終又殺價到350搞掂, 呢盞就真係覺 得抵……
買平燈既代價就係….. 呆等… o個陣已經6點半, 勁肚餓..
足足等左我25分鐘先攞到盞燈俾我地….
跟住落返中興路食小肥羊, 司機真勁 (市內難求!!!) 一講話中興路, 佢已經問我地係咪去小肥羊…. 無得頂呀! 
對上次食小肥羊係o係香港, 好似係… 2年半前… 仲記得一坐低望完個餐牌已經想走人..
結果埋單要差不多600大洋…. 聽聞國內小肥羊好抵食, 姑且一試!!!!
結果…. 都係眼闊肚窄, 埋單都要2xx…… 
開始點菜…… 坐後面o個位妹妹成功攝鏡…. 
未食得, 影返張合照先~~~~
老細點左個鴛鴦湯低…. 嘩, 巧似巧辣咁啊!
結果? 請去片…………….
~~~我地點左………….~~~
呢碟叫極品肥牛
呢碟叫特級肥牛
兩者有咩分別? 個人認為係一樣的!!!!!!!!!
呢個叫紅薯粉…. 國內好興~~
煮熟左就變左透明, 超好味!!!!
叫到成枱都係食野……. 正!!!!!
臨走影返張”娘照”先….. 
因為係星期四, 過關真係超順暢… 8點9o係羅湖, 9點2已經到左上水, 返到屋企樓下9點9, 未夠10點接返心肝…….
因為盞死人燈搞到成個行程遲左, 去到小肥羊其實已經好心急….. 食到一半已經想走.. 埋單極速過關點知又塞車…. 
不過都好, 10點前返到靖天婆婆度……..
心肝心肝, 您唔好怪我唔理您啊~~ 媽咪有時都要扮曬野做下好妻子架麻….. (不過您仲細, 大個您就明架喇…….)
(204)
wah, 妳自己托盞燈落o黎咪好重囉!
我都想返去買粣, 但唔知返到o黎點樣裝呀?
我上次去小肥羊, 同妳一樣咁瘋狂, 哈哈
但真係好抵食啊!
都唔係好重啦……. 可以接受啊 (我地仲要住咁近大陸呢,keke)
呵呵, 至於裝呢……. 老公搞左成晚…先搞得掂一盞…. 不過好似可以搵人裝架 (自己本地既師傅), 唔知收幾錢呢;
你都算好啦….你老公都總算搞得掂盞燈….
我屋企廳嗰兩盞都係北上買, 係我老豆裝o架….
sweet sweet wor……
I imagine if I had BB one day, I afraid I cannot spend time on my husband……he likes me to cook for him every day
貴嗰盞確實巧貴喎!! 快啲安裝咗, 影張相黎睇下啦~ 睇下有幾多水晶….
小肥羊呢….都講過你聽…實係眼闊肚窄….你哋仲叫埋饅頭….仲唔飽到上心口?!?!
原來透明嗰啲係紅薯粉….我都見過人食, 但又唔知叫咩名. 下次識嗌o刺~
噢. 咁可以上去食小肥羊啊…….. 哈哈;
係呀, 都幾貴, 但又覺得真係巧令囉….. 嘻嘻;
yeah, 我都明知會眼闊肚窄,……
係呀, 薯粉真係好正架 尤其是辣辣地咁食;
林生唔幫手咩?
我老豆唔掂架, 俾佢搞可能全屋跳fuse都似