『咱們仨』@ 遊南丫島 [出發篇]
話去南丫島講左都大半個月…. 終於去得成….
揀左星期六去, 都怕好多人架, 但又唔係啊…… 不過都幾多小朋友 (就靖天最細喇…) 同埋好多"大機", 哈哈…. 每個小朋大身邊總會有一個爸爸, 而每個爸爸都會配一部大機….. 好搞笑~~ 
因為呢個星期六爸B要返工, 所以我就自己一個帶心肝出去中環….. (靖天就黎10個月都未試過自己一個帶佢去咁遠….. 仲要揹住一大袋野加架BB車… 真係未出發先興奮!!!) 
今次決定唔坐巴巴坐西鐵….. 唔係抽住架車仔上巴士又抱住靖天, 為免心肝O係車發癲, 都係坐鐵路好少少….
去到西鐵站, 等車中…….
靖天: 著到咁SPORTY, 媽咪你想帶我去邊….
去到南昌站, 合併後既港鐵打通左兩邊…..
犀利, 行過對面就係坐車返屯門… 不過都唔MAKE SENSE既….. 唔應該咁整~
靖天: 點解我聽到上面有人講野….
媽咪: 係擴音器黎架, 傻妹…..
媽咪: 靖天望望鏡頭啦….
靖天: 媽咪你又黎…..
好難得的合照, 靖天望鏡頭架!!!
靖天: 等咁耐都未有車架…….
本來好開心既心情, 俾中環站出閘口搞到忟曬…….
話說出閘時 (我要去IFC, 所以梗係行去IFC個出閘位啦) 佢SET左差不多有7個出閘位, 但係無一個係可以俾一架BB車PASS到過去… 即係O的出閘位只係FOR人, 唔係FOR車!!!!
大佬, 你港鐵咁大間公司, 唔係歧視O的推住BB車既C9呀? 整返一個半個出閘口夠一架BB車出, 洗唔洗死呀? 
終於搞到我左推右推, 要兜左個大圈先上得返IFC…… 去到中環係12點30分, 出到閘上到IFC係12點40分, 足足延誤左10分鐘!!!!! 好彩預鬆左時間O者, 唔係MISS左班船點算!!!!
(286)
冇闊閘機, 可唔可以叫staff開鎖比你行, 我試過一次叫staff開比我行
靖天扮聽嘢嗰張相…好可愛!!
吓 .. 又會咁既 ??? 佢地咁失察呀 !!
應該每個出口都要有一個特大的位置啊 !!
唔好話 BB 車呀 , 輪椅又點算呢 ??
真係有點 歧視 啊 !!!
唔好動氣 …
好勁喎! 單拖帶咁多野同個囡去咁遠。
mtr係非常CHEAP架.我都試過因為冇闊閘而要抱B收車過閘.仲要係冇LIFE個隻.又再次開車放B抬車.煩死人呀.
我估輪椅都要上左機場快綫出口先得咯….
嘻嘻…… 其實好渣先真…..靖天成10個月先第1次….
唔係麻………
唉, 咁多錢, 加返幾個閘唔洗死啦, 真激氣
哈哈, 其實佢ar緊耳仔咋, 係咪好搞笑
佢地個cs 櫃位o係東面, (我係南面)
去得黎我都走左咯