靖天腸胃炎的第二日
前一晚食左藥訓……
靖天都無乜特別, 只係朝早起身飲o個餐奶就只係飲左3安就收工….. 點俾佢都唔要….
到第2餐靖天婆婆餵, 5安半…….
不過心肝精神尚算可以, 只係有點兒手軟腳軟咁… 粥又無食, 奶又唔願食, 想有力都難咯~~~
下午再打返去, 靖天終於要左7安半奶……
咁難飲既豆奶心肝都肯食, 實在係有點兒安慰…. 
到夜晚, 靖天婆婆煲左o的白粥俾心肝……
話食曬一大碗…… 正當開心之際, 靖天婆婆同我講佢落左豉油吊味…….. 
已經講左好多, 好多, 好多次, 唔可以再落調味料俾心肝, 尤其是佢腸胃有唔舒服…. 點知靖天婆婆攞左十萬九千七樣野駁我…… 結論係: 總之佢食咪得囉!!~~~
咁心肝夠肯食薯片飲汽水啦, 都食得飽架, 你唔餵~~!!! 
好嬲好嬲, 但好無奈, 自己阿媽, 可以鬧咩? 鬧左又點? 到頭來都係自己”食”返……
好想好想用二十一世紀既育兒方法教靖天…….
唔好再徘徊o係19世紀, 20世紀……時代唔同, 係咪應該唔好成日諗以前?!
再一次, 開著電腦上既小算盤, 左計計, 右計計計,…. 有無能力自己湊返……… 
(486)
我都好大掙扎，雖然未開工，但我好清楚知道比人照顧 bb 一定無可能跟到我期望，我都成日間唔時問老公如果得佢一個搵飯食，食得飽我三個人嘛，跟住老公就話我要辛苦 d 頂住先喎……
唉……. 我老公由我拍拖開始已經咁講, 叫我唔好亂諗野……
好明白你既feeling呀, 老人家有自己一套… 他們總認為自己以前都係gum湊大自己既小朋友… 不過時代吾同, 真係好多野都吾同左… 唉… 梗係明白佢地都係想我們bb好, 但係佢地都係喜歡用自己一套.. 要改變佢地… 談何容易… 唉….
伯母真係….$%@^%&^#(
不過依家咁既時勢, 真係打返份工穩陣
可唔可以同伯母講食咁咸對靖天個腎唔好, 嚇下佢, 有幾大, 話幾大, 等伯母驚下呢? 再唔係下次去健康院等d醫生姑娘同伯母講呢?
唉…………
我講左n次, 次次去健康院都同佢埋佢去, e生姑娘又講, 佢轉頭都會照做;
所以要諗完再諗囉
所以我都唔俾我阿媽湊，因為我預見有同一個問題。不過冇計啦。只好咁諗：自己都冇事，都應該冇乜大礙嘅…
靖天病左呀? 希望佢快d好返啦~~~
希望靖天快d好番!
我當初決定自己湊都掙扎左好耐好耐~
如果真係計得掂條數, 湊到佢返N1再返工都好既.
真係唔得既, 就好似你咁講, 亞Q D去諗啦,
唔好咁唔開心啦~
oh .. 家人唔合作 .. 都幾難頂架 !!
但 .. 一定要堅持啊 !!
當初 聰兒出世時 聰公公 點都要落調味喎 !!
我知道 .. 就寧願自己早上早點起身 煲粥 羅過去俾佢地餵 … 然後至返工羅 !!!
聰公見我咁堅決 .. 最終都放棄落調味 …
加油呀 靖天媽咪 !!! 靖天靠你啦 !!!
咁又真係幾勞氣, 辛苦哂靖天媽啦~
不如試下同佢講
再係咁就唔駛佢煲, 用滾水沖米糊食算數
最多加D babyfood
橫惦外國B都唔食粥架啦!
希望靖天同米B一齊加油, 早日變番個健康B啦!
不如試下次見私家時同私家夾下，由醫生嚴重地警告你亞媽，凶下伯友。
最初我62 99都話要落鹽，我又係帶99返健康院，詐弟問護士好唔好落鹽，等護士話下佢，好彩最終99都無落鹽，我有check架！
靖天係咪會返n1呀,如果ok自己湊返先啦,到時n1再做啦,如果唔係,阿囡既命運成日o係人地手,好唔開心啊!
阿q o的就係咁諗咯
lin 兄咁jayson 係媽咪自己湊返?
謝謝白雪
有心有心
謝謝你呀, pinky~~~
我成日都攞個計數機出黎計….. 不過好似點計都唔o岩數
已經堅持左10個月,試過嘈到佢發脾氣話返我
你99 肯聽已經好乖
我媽係聽完當無到架;
佢就係想餵糊仔, 我用左好多口水先”請”到佢煲粥俾靖天………….. >/
佢會返n1呀, ….. 仲要應該係全日 (即係如無意外)