繼續分享呢位我既”偶象”教女心得……

第二個要分享的重點就是BB的飲食習慣，要點有三：

1. 第一就是盡快訓練阿B自己用餐具吃東西，而且吃飯時候要專心食，食完才可走開，如果未食完就走開，爸爸會立即開動引擎，把姐姐或妹妹碗內的食物吃光，不會再添，也不會給奶！訓練 BB 專心吃其實由吃奶期已經始，除了專心，還有自己吃，阿B三個月時，我已經用兩個枕頭夾住阿B的頭仔，然後讓她自己捧著奶樽喝，除非捧得累才會幫她輕托，總之要盡量令她自力更生，免得淪為飯來張口，錢來伸手的大小姐！吃飯專心的培訓其實由大人做起，首先大人們都要專心吃飯，有時會關上電視，如非必要，大人也要吃完飯才可離席，大人吃菜也不要拖著吃，要讓BB知道吃得慢就會『甚麼都沒有了』！但是要注意：要教導BB充份咀嚼，要訣是：『不是搶東西吃，但你不能閒置著！』

******************************

靖天4個幾月時已經訓訓練佢自己食奶, 用左好多心機時間教曉心肝, 仲記得佢第一次自己攞住奶樽食曬8安奶時, 我感動到喊…..

第二日懷住勁興奮既心情話俾靖天婆婆知, 請求佢俾機會靖天去多嘗試…. say yes後… 都係抱住心肝周屋走食曬枝奶….. 對, 係抱住, 遊街咁遊, 目的要佢最短時間食曬枝奶….

結果靖天唔洗3日就唔再肯自己攞奶樽食奶, even worse 連夜晚o個餐都要我同佢”遊街”先肯食”少少”…..

******************************

2. 第二點就是『零零食』
兩個Ｂ都現在為止也是零零食，即是沒有糖沒有雪糕沒有汽水沒有朱古力沒有薯片沒有雜食，零食本身無益大家都知道，但不給ＢＢ零食還有一個更重要的目的就是：零食會阻礙ＢＢ吃正餐，剛吃完一大盤零食，然後你叫專心吃飯是玩阿B的做法！家長在投訴阿B不吃正餐之前，請檢討自己有否給予阿B無謂的零食~要做到『零零食』，首先是由大人做起，我和老公大人都是零零食的！(其實我是很喜歡吃薯片和芝士條，但為了阿B，乾脆忍戒了！沒有吃薯片已經久得忘記了薯片的味道了‧‧‧)有時伊翹學校的老師會給她糖果，她會說：『糖太甜，我拿回去給媽媽吃！』結果拿回家後，媽媽也說：『太甜了，媽媽也不吃』，然後一齊把糖扔掉~HALLOWEEN 天姐姐帶回一大袋糖果，結局是：媽媽讓姐姐和妹妹過舐過一口後，姐姐搖頭說太甜，然後妹妹也說太甜，後來兩姐妺把糖逐粒拆開放到垃圾筒‧‧‧對待其他零食，給它一個『該死』的理由就行！
薯片→熱氣會生飛滋
汽水、雪糕→太凍會咳
朱古力→太甜，仲甜過糖

******************************

其實細個父母都無唔俾我食零食, 爸b如是, 但係爸b愛零食既程度似乎比我深…. 我有十幾年都無食過朱古力同糖, 朋友請我食都一一婉拒…. 同爸b一齊耐左先開始食返糖同朱古力… 我daddy媽咪隨意我地食與唔食, 一樣教出我可以”唔食”, 但係表弟亦都係無舅母加以阻止, 結果佢未夠6歲已經滿口爛牙, 除左糖咩都唔食….

兩個極端併埋, 所以對呢一點, 我仍然抱有保留, 個人絕對讚同”少吃多滋味, 多吃壞肚皮”…. 只係靖天還小, 做媽咪既唔想太快下結論….  我仍然抱有一絲希望同埋信心, 靖天o係我”教導”下, 唔會做一個只吃零食不要正餐的小朋友….

至於靖天呢幾星期點解厭食, 同佢食過薯片, 星星餅, 汽水, 有無關係….. 還是真係因為腸胃炎…. 相信絕大部份既家長, 都會將錯歸咎於我呢個媽咪吧?!

******************************

3. 第三點是嚴禁揀飲擇食
當然，又是那一句：由大人做起！
首先要做的是：請先TUNE 好自己的飲食習慣，遇上不喜歡吃的食物，更難吃也要吃一點！告訴阿B：『不喜歡的食物要吃少少，喜歡吃的不能過量！』對待各種食物要用『中庸』之道，不能多也不能少！肥泳姨以前是不魚的，有一天她乘坐火車時暈到，這件事情傳到伊翹的耳中，媽媽立即借勢：『姨姨唔食魚，營養唔均衡暈左！』(看來媽媽為了要阿B乜都食乜都講得出！)以後伊翹一見到魚就說：『姨姨唔食魚暈左，咩都要食，唔可以食魚！』久而久之，連姨姨都逐漸吃魚，現在姨姨會反駁：『姨姨現在有吃魚了！』家姐和細妹現在吃魚、肉、菜，甚至連苦瓜也能吃！

P.S. 姐姐上學吃東西是全班第一快，
然後會說：” I NEED SOME MORE….”
所以老師們和廚房阿姐們都非常熱愛她~

******************************

自問係一個乜都食既人, 但亦都好快俾人批評人無可能乜都食, 總會有o的野佢係唔鍾意… 除左屎同埋尿, 我真係諗唔到有咩我係唔食… 唔食, 唔係因為難食, 只係因為o個一刻我唔想食… 如果場合需要, 我一樣會放入肚皮內….. (或者身邊既老公可以話我知, 有咩我係唔食? 我依家連鰻魚都食噃…..)

我諗呢一段, 該俾爸b好好看一下吧? 雖然爸b肥頭得意, 但係佢絕對係一個”揀飲擇食”者… 至少所有青色綠色既瓜類, 佢都唔要,… 除左翠綠瓜….. 仲有魚啦…. 指明要食鮮魚…. 靖天初出世時已經同佢講叫佢做好榜樣, 可惜…. 爸b 只回贈一句: 靖天唔食咪唔好食, 食佢鍾意既”….

靖天還小, 佢聽唔明亦都聽唔到…. 但係過多一年半截, 難道桌上真係唔會有苦瓜, 節瓜, 雪藏魚等食物????????

阻力, 唔單止係外圍環境, 還有我們的一家之主呢……….

******************************

呢幾天, 在盤算著, 可唔可以做全職媽媽….. 咁樣我就唔洗再姓賴…..

答案當然自己心知, 或者到明年今日, 可能再想想吧?!

但如果要幫靖天多添一個細佬/細妹, 咁就會遙遙無期……

靖天婆婆確實幫左我好多, 但同時亦都”害”左我好多…. 我呢位新任媽媽, 做什麼, 都會是錯的…. 哦完又哦, 發過脾氣, 嬲過自己, 都係無補於事…. 一次又一次屈服, 再加上靖天公公只覺得靖天婆婆是湊仔能手, 我這個做女兒的… 什麼也不懂…..  阻力更力, 更力….

還好靖天嫲嫲唔夠我惡, 開左聲都無用……  如果唔係就勢不可擋…..

(143)

Comments

comments