靖天腸胃炎的第四日
已經係第4日了……
心肝已經食曬佢要食既藥…. 劉e生果真勁, 份量剛剛好, 3日藥, 就真係3日藥… 
朝早第一餐有進步了, 6安半….
點知食完奶唔肯訓, o係度爬來爬去….. 爬左大半個鐘, 爸b大叫: 心肝bubu左呀!!! (大驚少怪…..) 
咁咪換囉……
一打開片….. 嘩!!!!!! 係”固體”黎架!!!!!
之前劉e生講話心肝星期六/日應該會好返曬, 我都唔信 (有無咁準呀~~~) 點知….. 今日心肝既第一篤真係無再係水…..
係劉e生犀利?還是因為琴日食左２餐粥仔？！ 
訓到10點幾, 又俾心肝嘈醒左….. 咁起身煮粥啦, 經過今日既”驚喜”, 今日抱住心肝應該會食既心情去餵佢, 點知……
都話希望越大, 失望越大架啦!!!! 
食左2啖就唔要…. 唯有cc氣走去開奶….. 搞左陣已經食曬7安…… 唉~~~~
下午出左去, 準備左奶, 夠鐘就餵佢, 咁o係街都估佢好似上次去南丫島咁玩野唔食… 點知… 佢一口氣就食左7安….. 
靖天…..真係估佢唔到….
到夜晚返黎, 又再整返熱o的粥過佢….. 都係唔要… 唔知係咪咁快就厭左個味… 咁又去開奶啦….. 結果又係一陣就食曬7安…….
到最後一餐, 因為心肝夜晚玩得太激, 攰到唔想食….. 埋單都6安半…..
全日只係食左3啖粥…..
難道真係又中左劉e生既忠告: 佢好返要用盡一切任何方法令佢食返固體….. 唔可以用奶代替 (仲要串到話: 你應該好清楚….)
任盡一切任何方法…..
咁包唔包括落豉油?
或者落鹽?
或者食薯片?
心肝, 你都算係好返啦, 咁您為咩唔食固體呀?!
(86)
我唔係講 baby cheese 呀！係講 baby food，http://www.tesco.com/superstore/xpi/9/xpi54424009.htm 好似呢 d 呢！上次我混入咗言言唔肯食o既粥，後來佢肯開口食呀！
言言前日唔肯食我 d 粥，最後我屈服，因為我知我落 cheese 重手咗 (佢唔鍾意 cheese，我只係音 d 音 d 落入 d 粥度等佢慢慢適應個味道，試咗幾日都 ok，點知……)，咁我就去開 baby food 比佢，佢食完一啖之後再要o既時候，我就靜雞雞混 d 粥入去，結果 1比 1 份量之下佢又食哂平日份量，唔知你會唔會有興趣試吓呢個方法呢？
香港買bb chesse好似得citysuper>…. 我懶得去搵囉, kekekekek
我睇錯了, 哈哈;
等我上去讀下書先, 謝謝