上個星期六, 見天氣開始涼, 就去左爸b好想去既濕地公園…

爸b好想去, 因為可以影好多花花草草….
不過等左好多個星期, 天氣一直都麻麻地… 唔係好熱, 就個天黑曬…

真係超級多人… 個個都攞住大大細細既相機… 好似去參展咁~~

30蚊一個人, 一年任去既pass要100蚊, 如果去4次已經為到本…
不過都係等靖天大少少先考慮買唔買lu~~~

行左2個幾鐘, 都行唔曬…. 我諗食埋午餐, 真係預返多少少時間先得…
爸b又投訴我係咁吹佢… 搞到佢影唔到相….

唔緊要啦, 遲o的凍少少, 我地再去過~

因為太多人, 去到都要等左陣先有位泊車…心肝一見架車就發癲…
靖天: 爸b, 陣間我幫你泊位!

臨出發前, 幫心肝換返條片… 點知又扭計喇…
仲要企左o係度拿高件衫俾人影到個patpat~~

靖天最怕乜野? 草囉! 望下佢"吉"高曬腳尖黎行就知佢真係好驚….
真係唔明點解….

~~靖天與媽咪~~

~~~靖天與爸b~~~

除左草, 靖天仲怕什麼… 咪怕地下囉…
佢手仔一掂到個地下就…. 喊曬….

爸b的手作… 可惜天氣仍然麻麻….

靖天表情多多…..

好靚既荷花…. 都話爸b偶有佳作架啦…

紅樹林入面既寄居蟹… 搵到我地丫…

公園入面有間大家樂… 唔算特別貴, 但個景真係好靚~~

貝貝呀…. 不過真o個隻就… 唔見左~~~

媽咪: 靖天, 咩黎架… 您摸下… 係葉黎架… 好得意架~
靖天: 係咪真架… 不過好似幾好味咁喎…
靖天: 咦… 吉既.. 媽咪你呃我, 快o的帶我走~~~

行到一半…

可能太陽伯伯唔多見人, 心肝心情挺好喔!!!!

靖天: 我唔鍾意同太陽伯伯玩遊戲, 亦都唔鍾意去公園…
一去到公園爸b媽咪就要我落地行…. 行左好耐呀..
好攰呀… 到未呀…..

靖天: 媽咪, 我好攰喇, 抱….
媽咪: 我抱左您好耐喇, 自己行下啦..
靖天: 抱~~~抱~~~~

媽咪: 好喇好喇, 我抱喇… 笑下啦~~~

靖天: 嘩… 好多水呀… 都摸唔到既… 媽咪, 走咯~
媽咪: 好呀, 您行過黎丫…
靖天: (一步, 兩 步)……
媽咪: 靖天好叻女喎……

再見喇, 濕地公園~~~ (心肝您唔望鏡頭既…)

@@@@@@@@@@@@@@@@@@@@@@@@@@@@@@@@@

第一次用s/w 執相… 不過所謂執相只係將o的相group埋一張… 感覺良好… 已經唔需要用到似photoshop呢o的咁comprehensive既s/w先執到相, 確實又真係好方便…. 唔洗再張張upload, 又resize唔到最fit既size (sina blog的缺點….) …..如果可以多o的唔同既相框就好咯~~~~

(178)

Comments

comments