別了, 別了…. 彩虹牌~~~~
11月23日早上, 最後一次整彩虹牌過靖天….. 今次真係講再見了~~~
已經十個月了…..
靖天由O係E院補奶粉, 跟住全人奶, 然後又補奶粉….
由全埋身, 到半埋身, 到全泵….
由1日4次, 到1日3次, 到1日2次, 最後1日1次….
由1次1安, 到1次3安, 最興奮係1次有10安… 然後又慢慢跌返去8安, 7安, 6安…..
由1日幾安, 到1日廿幾安, 跟住又1日十幾安, 最後1日又得返幾安…
由身邊好多人支持, 到身邊無人支持, 最後俾人講閒話….
要講彩虹牌, 好多好多野想講….
百般滋味….
曾幾何時想餵到靖天離乳, 然後知道無乜可能不如餵到1歲…繼而靖天厭食, 工作不定時, 好多好多”藉口” … 終於拖拖拉拉, 決定都係…随遇而安~~~~
一直以黎都好遺憾唔可以俾到所有彩虹牌靖天, 雖然只係短短十個月, 但係仍然會好懷念曾經為靖天所付出既一點一滴…..
最後一餐, 靖天好快咁飲曬….. 真係好窩心~~~~~
如果再有機會, 我會做得更好!~~~~ 
(326)
估唔到甘快就十個月，記得亞仔初出世大家係bk講泵奶好痛，唔經唔覺捱下捱下就十個月。
我準備唔泵拉，睇下放工後餵可以捱到幾耐。如果可以捱到亞仔一歲就好！
有了今次經驗，下個一定做得更好！！
“”由身邊好多人支持, 到身邊無人支持, 最後俾人講閒話….””
邊個咁衰講人閒話呀……世界上真係無其不有，餵人奶關呢 d 人咩嘢事呢？
你真係真係好叻喇！最後都餵到靖天10個半月，真係唔係好多泵型媽可以頂到o架！
再有機會？好喎！等靖天有多個小朋友陪都好嘛！^^
靖天媽, 你可以餵到10個月 — 非常難得!
我只可以做到8個月!
rgds………. Kristy 媽
靖天媽媽, 你真係好叻~~~~ 真係好佩服你.
我只係比敏堯一個月咋….
如果有下一個, 希望我會做得好d…..
靖天真係好幸福呀…….^.^
靖天媽媽, 你好叻架啦!!! 我仲喂緊母乳, 不過現在也開始減產中… (我個B細靖天幾日)
靖天媽,你真係好叻呀!我餵到b女兩個星期已經放棄左……..睇完你呢篇日記有d感慨,好後悔當初唔堅持,覺得自己對個女唔住…….
如果有下一個,希望我會堅持到啦~
唔緊要啦…… 一樣咋麻….. :)
多謝你啊;
可惜靖天都係豆腐咁成日病…. ~.~
如果有機會, 我要做得更加好架, kekekekek
wao~~~~~ 加油呀, agnes~~~~~~~
唔好咁講啦, 至少你已經努力過麻….
再有下一個, 我地一定可以做得更加好架!!!!!
我代靖天向媽媽你說聲: “多謝媽咪你呢十個月黎照顧, 因有你的堅持, 才換來我一生的健康身體, 多謝媽咪”
傻瓜!
你已經好叻架啦!我都一直係半9 ma,仲要2個月only! 所以一一6個月後我成日都驚佢會病,如果佢touchwood唔舒服,我一定覺得好內疚!
靖天媽媽﹐你已經做得好好啦﹗十個月﹐真係一D都唔容易﹗我就已經唔得啦﹐so proud of you ﹗﹗
靖天爸B﹐真係好sweet﹗﹗大概係有爸爸既支持﹐令你能夠支持落去﹐因為知道再辛苦都有伴﹗
些些, 我會加油!過中的苦與甜真係要喂過母乳咁耐的媽媽先感受到..看到你呢編文章真係好有同感~~
千祈唔好咁諗;
靖天食少左彩虹牌都病多左…..
有少少唔開心, 但無計…. :(
好多謝你呀, ……
其實諗返真係唔辛苦… 都唔明點解以前成日喊… 哈哈.
嗯嗯!!!! 所以幾時都要加油呀!
唔好灰心啦 !!! 唔好理人地點講呀
聰兒仲係食緊全母乳架 !!!
最辛苦, 食得最多既時期都過左啦 …. 唔好氣餒呀 !!!
哈哈, 終於脫苦海啦~~~
十個月,好唔錯架啦,應該開心慶祝一下!
聰媽好勁呀!!!!!
哈哈…… 啤啤佢……
始終唔可以全人奶, 係好遺憾…..
再有機會, 機會咋…啋~~~~~
你都要加油呀!