星期六見無野做, 天氣又麻麻, 所以決定去….影燈飾!

因為爸b要返工, 等佢返到黎, 睇埋隻DVD, 成3點幾先出發…

先到旺角搵返件"飲衫"過心肝….. 買左, 但都唔係最鍾意…

跟住落左TST…. 爸b今日好豪地渣車車 (原先佢話坐巴巴架咋~) 所以呢… 夜晚就好快好舒服咁返屋企~~~ , 泊左o係海港城, 已經係黃昏5點幾… 真係勁多人….

先去FACESS 入返o的貨…. 已經用最快既時間, 但爸b都話我耐… 哼, 咁女人係咁架啦~  跟住經過Sanrio, 見有日記簿, 買埋… 了左件心事.. (以前用開thomas, 點知今年吉吉島無… )

本來諗住影左相先食飯, 點知……實在多人到有點兒離譜, 所以都係食左飯先….

食過飯入到citysuper, 見o的嬰兒食品咁齊, 又忍唔住入左o的貨…. 可惜, 再次踏入厭食既靖天, 呢o的零食都係…. 要雪藏一下~~~

本來爸b話好攰想走, 但既然出到黎, 我地辛苦少少, 都落去影返幾張交差啦…

泊好車, 都係6點度…. 天仲光, 爸b話要影返幾張~~~

多人都算, 最慘係我地推住車仔, 條樓梯又超級無敵多人….. 本來爸b都係想走, 但興緻勃勃, 辛苦少少, 一個抱女, 一個收車咁影返幾張相… 一陣o者…..

商場內外…. 靖天橙色既背心, 好襯o的燈飾喎, xdxdxdxd!!!

落到樓梯中間, 又無乜人啊….  不過真係好有節日氣氛…..

環顧四周, 10個8個都渣住大機, 有o的仲攞住腳架, 好認真咁係咁影係咁影…有o的十幾歲成班人, 都又腳架又大機又閃燈… 成副"架餐"咁….証明香港人其實仲好有錢~

影到咁上下, 火車郁喇!!!!!  

真係幾靚….. 可惜, 靖天鍾意望海多o的…..

爸b影相好似真係叻左好多…… (只限影死物~~~)

臨走見到聖誕樹, 帶左心肝去摸下… 由好驚唔敢掂, 到見到o的裝飾想攞… 真係呢…

見咁上下就走人…. 出車時都已經10點… 竟然咁都影到成個鐘… 雖然o的相算不上水準之作, 但至少都無令自己失望,…

本來都想去埋尖東, 但爸b實在太唔舒服…. 所以都係…有機會先啦~

(139)

Comments

comments