靖天的聖誕禮物
見就黎聖誕, 於是乎~~~
星期五上完堂, 見心肝訓左, 心血來潮就去左吉吉島打左個圈睇下會唔會有o的o岩玩既玩具買俾佢當係聖誕禮物…..
其實最想買係o個套”積木”….. 不過見o個位媽咪寫係”一頸血”之作, 都驚驚地….. 結果當然買唔到….. 但竟然搵到差不多樣子既玩具, 仲要係廿幾蚊only…..~~ 
一口氣買左3份玩具, 可能呢幾日心情唔好, 所以就算貴, 都無乜太大感覺….. (真係幾敗家~~~ 
)….. 唔緊要啦, 鬼叫早一陣子買俾心肝o個堆玩具佢都唔鍾意… 見就黎聖誕, 都係買返o的低b少少既俾佢過下日晨算….. 
左圖: 個phone book係可以發聲, 以為心肝會鍾意, 點知….
中圖: 就係好平但concept一樣既”積木”
右圖: 靖天咁鍾意渣車, 買個軚盤俾佢.. 返到屋企發現轉下就會唱ABC SONG… 幾好; 
可惜, 唔知係玩具太低能, 還是太新鮮, 心肝竟然….. 全無反應….. 唉~~~ 
(290)
出年囉, 過多兩年靖天都會自己出聲要求, 唔到佢唔肯!
哈哈, 係喎, 佢會出聲架喎
靖天咁多禮物，鮮奶嘅編輯見倒，於是乎加個推介俾佢囉！恭喜妳得推介！
我覺得呢個時候d bb都唔鐘意呢d玩具, 佢地鐘意玩屋企既野多d
哈哈, 多謝多謝
我連廚房個煮面個煲都俾埋佢玩喇喎……
買禮物無奶由要去廚具部買沙煲冷餐過佢卦?
哈哈, 平時靖天玩慣d勁野, 你買d玩具既佢緊唔鐘意啦, 唔墜手嘛~~
一係下次買panpan俾佢…..
我正想考慮買d”益智玩具”比個囝,
大致上同你所買相同.
但係見你咁講…
我諗我又要花下心思囉 !!
Playgroup 都會有聖誕禮物送架 .. 上次聰兒收既記就正正係 中圖 個玩具啦 !!
唔知今年靖天收到 Playgroup 既咩禮物呢 ???
真幸福!
我送左棵聖誕樹比anson…哈哈!
其實我之前買左令一log 玩具俾佢, 但係…. 又”太大個”佢唔識玩…….
嘩, 咁開心???????
我都想, 不過衰爸b唔肯…..