話說由十二月頭開始, 我就不停咁做, 又要搬office, 又要上新system….etc… 連訓覺都發開口夢諗住聽日要做乜做物….

不過好彩岩岩過左o既星期六, 做埋最後一單, 終於都叫做搞掂晒! 雖然呢個幾月好辛苦, 但可以話唔辛苦點得世間財呀~ 今年公司又放晒風聲咁話無bonus, 無人工架… 唯有年頭自己努力一d, 做得幾多得幾多!

不過都要同靚太, 靖天講聲對不起. 因為聖誕節, 生日周實在太多野做, 太多野諗, 今年佢地既生日都無好好咁安排, 無花過乜野心機去搞好佢. 實在致萬二分sorry~~ 希望大少奶同大小姐, 大人有大量啦! 哈哈!!

仲有兩個星期又過年了~ 唉… d 假期好似黎得好密咁, 密到想休息下都唔得. 話就話去左4日旅行, 但其實去完返黎仲累過返工! 心情完全放鬆唔到, 可能之前仲係心掛掛心頭手未做好既工作呱. 而家叫做做好晒啦, 唔知道自己係咪真係可以”放開一點” 呢?

但願新一年, 給自己多一點優質既睡眠時間.

(114)

Comments

comments