初試《猴棗散》
靖天久咳已經近一個月….. 睇左3次醫生, 情況都係時好時壞….
去完旅行, 過埋生日, 係時候的起心肝同佢根枱一下….
素聞”猴棗散“對咳好有功效… 但因為靖天婆婆未試過俾我地食, 加上”中藥成份”含水銀 / 重金屬可能有潛在危機, 所以一直遲遲未有用於靖天身上….
眼見靖天時咳時唔咳, 通常都係早上食過奶, 或於睡後1小時先會狂咳 (已經多次咳到嘔….
)…. 決定去”嘉賓”之前, 還是決定幫天試一試… 假設靖天唔係不停咁服用, 應該唔會咁易中毒卦?!
今次買呢隻猴棗散o係余仁生買, 折左2xx有6枝, 如果單售約$34枝; 位元堂就83蚊10枝, 無單售; 令一款係純猴棗散, 余仁生賣$150一枝, 位元堂就賣$10xx 10元 (計返都要百幾蚊枝)…. 兩者分別在於平既加左其他中藥成份, 貴既就只得猴棗散一種藥….
位元堂同余仁生有咩分別?! 唔知道…… 只係覺得余仁生o個位叔叔串得黎又好似好pro, 比起位元堂o個位姨姨硬銷我買貴o個個, 感覺好似無咁呃人… (至少問o個位叔叔係咪貴既好, 佢竟然答: 食得好既, 平同貴一次都見效啦…..吹啤….) 所以最後補襯左余仁生….
【功能】猴棗散古代稱之為治熱痰之聖藥。本堂出品之猴棗散加含猴棗及其它復方配劑，是專為初生嬰兒、小孩及老人家而設的。本品能助因肺熱引致的痰多、咳嗽、驅風去寒、小兒微熱、嘔奶、夜睡不寧等症狀。
【適應症】急慢驚風，屙嘔吐乳，祛風除痰，夜啼驚跳，壅痰涎盛，清熱定驚。
【服法】用溫暖滾水開服。小提示：平時每週服1-2次，可保平安。這種藥也可溶解於牛奶、果汁稀飯內服用。
【服量】 未滿半歲，每服半瓶，半歲以上，每服一瓶，三歲至十歲，每服二瓶。每日二至三次。
【禁忌】嬰孩宜戒食生冷油膩燥熱食物。
【備註】小寶寶難免會生病，家中為寶寶備一些常用小中藥是非常必要的，既可防病，當寶寶有些輕微的不適時，也不必慌慌張張地跑到醫院。當然，家裏備的藥只能用在寶寶病情較輕時，一旦病情變化或加重，一定要及時到醫院看醫生，以免延誤病情。當寶寶發熱、咳嗽並有痰鳴，或腹部脹氣而不思飲食，或煩躁易驚，夜寐不安時，可服用猴棗散。
參考資料
http://asia-wintex.com/products/cs030.htm
食過三次既靖天, 明顯真係咳少左, 亦都唔會覺得佢好多痰好似束住條氣咁…. 夜晚訓覺已經唔會咳下醒下……
今朝起身飲過奶後, 已經都無再咳….. 睇黎好似真係有o的效啊!!!! 為免佢新年又翻發, 決定一盒6枝要一氣呵成咁食曬佢…. 希望今次可以根治到, 唔洗過完年出去”嘉賓”排餐死… 
(1432)
有冇副作用呢？可以食几長時間？
中藥, 應該不會吧?
但東西永遠都是物極必反… 不宜長期服用, 如有需要應該找醫生麻?!
你好，剛查猴棗散時，走過此 blog。
想留言予你。
媽媽教要在 bb 兒時 (約食固體食物時)，餵 bb 食 猴棗散，bb 可以將肚中的胎痰嘔出。
也見過小姪，真是如此，長大了(現年 12 歲) 真較另一個沒有食的小姪，咳嗽較少。
今日為人母，決定跟媽媽所教，買猴棗散給女兒一試！
明白曬, 多謝指教!!!!!
唔該哂你, 即刻落樓買!!!
不用客氣, 多交流.
你點餵靖天食呀？我之前比過一次，但唔成功……
真係幾有效架!!!我地都有一盒看門口!
我都有俾”余仁生猴棗散”小比比食,尤其是病希不多好晒但仲有Ｄ尾水時,唔想食咁多西藥,都有食嚟清下咳咳同啖。
如果BB夜晚瞓得唔好,成晚醒下瞓下的話,”余仁生真珠末”定驚都幾好,若有需要都可以試試(touch wood)。
試左啦, 好返就好啦~
我有中e朋友話余仁生d藥靚過位元堂!
有效就太好啦!
我買過貴果隻比米b食,平果隻就老公食, 真係咳少咗. 不過後來上網睇過話純猴棗末係重藥黎,唔可以隨便食的……
竟然係?! 位元堂個姐姐仲狂sell我…… 作死定呀!
你去嘉賓睇邊個嫁
我未去過呀……..
所以又答你唔到xdxdxd
不過朋友話趙崇熹好啊
Yes Mum~~~~ @.@
係呀, 好返好多喇
明白明白, 謝謝你啊
係架? 好彩買左余仁生, 嘻
原來都好多fans喎, 嘻
用一spoon水開大佢, 跟住用針筒灌佢咋麻