『咱們仨』@ 遊澳門 [媽咪生日記]
咱們仨今年最後一個生日, 就係我喇….. 嘻嘻~~~ 
原來一個星期入面, 一家三口都排住隊生日, 係巧忙…..
雖然遲左10日先打呢篇blog, 不過正所謂, 慢慢唔遲, 最緊要快…. 橫掂, 都只有自己最care自己生日既~ 
本來諗住飛起心肝同爸b北上鬆鬆佢, 但話曬係心肝第2個陪我過既生日 (對啊, 舊年我生日, 靖天已經出世喇, 仲要o係e院過添….) 點都想佢陪下我… 
思前想後, 決定過"勾文"打個圈…. 
爸b有員工福利, 坐船唔洗錢麻…. 咁今年唔好益同事, 我地自己用左佢麻…. 橫掂自己都有年幾無過去咯~~~
碼頭前後~~~~
今次先係咱們仨第一次一家三口咁衝出香港!!! 感覺free好多…… 可惜, 又會辛苦多一點點…. 事關個衰女包帶左架車仔去又唔坐, 條街又窄, 結果? 搞到"哩咁hea'… 
準時10點15分上船, 一上船心肝已經夠鐘食奶…. 好彩靖天乖, 食曬… 唔係呢… 
不過老細呢一日…. 認真刻薄, 只安排左面包過我做早餐~~ 可憐我呢個壽星婆, 要餓到下午先"有飯食"….. 
第一站係松山!!!!!! 其實都係想上去影下相…. 天公造美, 風和日麗仲要唔熱唔凍… 結果所有相都收貨了!!! 
我地坐纜車上去….2蚊雞一個, 車程唔洗3分鐘, 哈哈!!! 算係心肝第一次坐纜車了~
天氣好, 影乜都靚~~~
靖天曬到…. 又係黑口黑面~~~ 
好鍾意"影子"呢張….仲要係自拍….老公影得好有feel啊!~~~~ 
不過靖天呢一日, 還算精靈, 表情多多….
第二站係食翅!!!!!! 謝謝老公做左資料搜集, 算不上好好味, 不過都好正!!!! 
好意外老公仲記得我想食翅, 搵左呢間"好出名"….. 雖然唔係嘩嘩聲, 不過都好好味喔!
第三站係萄撻!!!!! 原來間野….. 好似大排檔咁咋.. 食左兩個, 巧飽啊!! 咁大隻葡撻, 真係超肥美!!!!!
好肥美既葡撻…. 本來好肚餓, 食左2個, 包曬…. 7蚊個, 一o的都唔貴~~~
第四站係義順雙皮奶!!!! 香港成日食呢… 不過原來勾文呢間, 真係巧味好多…
有得坐閣樓, 感覺有少少似"拍戲"咁…
第五站係大三巴!!!!! 指定動作呢…. 本來諗住一口氣抱靖天上去影返幾張就走, 點知心肝又要自己行…. 天啊!!!!!
腳又短, 又要大踏步…. 仲要得閒跌兩野… 未到一半已經無曬氣…
遇o岩有人拍戲, 好大陣象呀…. 即刻叫老公影低佢~~~
靖天行大三巴喔!!!!
上到大三巴, 心肝仲好精神, 仲要自己行樓梯….
佢就過癮, 難為我地要彎低腰扶佢行, 勁痛苦~~~
上到半路, 有兩個姐姐話心肝好得意, 問可唔可以影張相…. 咁都得?!
好辛苦上到黎….. 感覺同以前, 真係好唔同…. 
臨時加插第六站 – 威尼斯人酒店!!!! 感覺上做左澳門既指標… 不過原來咁鬼遠…. 仲要咁鬼大…. 行行下, 已經當失左路…. 幾經辛苦先走得返出黎…..
又真係好靚喎~~~
靖天訓左, 所以又係"我"既世界…. 不過老公話o的燈光怪怪的, 影得唔好啊! 
最後一站就係新葡京既自助山!!! 係自助山, 唔係自助餐… 野食多到, 每樣食小小都夠曬飽…. 50呎長既food bar… 可惜… 用左策略既我, 開始一口氣就食左十隻生蠔, 跟住就….飽左….
好美味既生蠔 + 好多好多野食 = 我好愛我老公~~
臨時, 影返幾張相先…可惜, 搞左好耐, 都tune唔到o的光…. 失敗!
回程老公upgrade左.. 坐super-class!!! 舒服巧多….. 仲要有"船餐"食... 又通粉又乳酪又橙汁…不過我地…. 真係食唔落, so sorry~~~~
返到香港, 老公仲話唔坐巴巴…. kakakakakakakak!! 好豪啊!! 識佢咁耐都未試過… 原來生日咁多"福利", 真係我都唔知…..
謝謝老公今年的細心安排啊!!!! 
(387)
如果日日都係生日就好囉！不過我上年過得唔開心……算……唔提喇……
我地冇一齊去, 真係可惜~~
節目真係好豐富呀！你地就開心啦！你老公真係用心安排呀，抵讚！
咁我代佢多謝你先~ 嘻
我發覺sporty look都幾arm你
我都想帶哲哲去macau, 不過要先說服屋企兩老先~
雖然遲左…但係有心唔怕遲啦…呵呵
補祝你生日勁快樂,
身體健康
胃口好, 精神好
青春常註(同個囡囡一樣)
oooooooooooohhhhhhhhhhhhh
嘻嘻, 多謝你呀, 衰鬼~
點解你可以去咁多地方嫁…
你老公對你真係好
超級羡慕
哎約…… 因為生日咋, 一年得一次咋.
仲要去得澳門, 飛機都無得坐….. >.<
你唔水羨慕啊, 到你生日, 你老公仔可能又會有意外驚喜俾你喇~~~
節目豐富, 好開心哦!!仲有, 啲相影得好靚!! 我得閒都要 train 下我老公, 等佢幫我影番啲靚相先~
下年叫老公再去遠d啦~~~
woo ….好 happy 既生日旅程喎 !!!
happy Birthday @@@
都好喎, 嘻;
謝謝你呀;
天氣好, 影乜都靚, xdxdxdxdxd
加埋個人, 就, kakakakakaka!!!
哈哈, 無計啦
下次再去過囉
帶左都唔知呢, 唔怕啊,,………
sporty look咁百搭人人都o岩, 嘻
係呀, 我都係咁話
但點解你上年過得唔開心呀?
不過唔洗怕, 今年開心返咪得囉~~~