靖天已經一歲…. 即係話, 我既減肥大計, 原來已經實行左一年…

結果? 有人話瘦左, 有人話差唔多, 有人話仲係肥左….

其實相比起未生前, 已經八八九九, 只係感覺上骨架真係粗左….. 好似點減, o的骨都仲係粗粗的…. 有人話, 生完bb, 係會咁啊……

手手腳腳前前後後上上下下都算係咁, 只係o個舊”燒腩仔”, 仲不停跟住我…….  雖不及剛生完咁仲係4-5個月, 但係個零兩個月, 都應該走唔甩……

完全無節食, 仲要不停食既我, 實在係….難辭其疚……  肚腩, 我實在係對你唔住, 搞到你越黎越大舊…….

還記得淋巴姐姐話過, 其實已經收得七七八八, 只係生完bb, 肚皮始終會鬆o的, 感覺上, 就會覺得肥左, 叫我做下運動, 或者搵野搽下……

當然, 運動我就唔會做, 但搽野呢, 咁容易既工作, 嘻, 做下又無妨….

o係网上搵到呢一枝…. 講到咁神奇, 買左一枝搽下, 可惜, 完全無料到…

然後早幾個月, 去叔仔公司分店聽到sales狂sell呢隻, 見咁平, 又買黎試下… 兩溝情況下, 都好似感覺唔到有咩變樣…….

點知有一次發現原來枝野會發熱…. 於是把心一橫, 決定兩溝後再包保鮮紙焗焗佢….

用左近2個星期, 好似又真係得得地….. 雖然效果真係激突慢….. (無計, 兩枝加埋都唔洗200蚊…. ) 但係好似又真係firm-firm地……. 難道係我心理作用?!

用尺量一量, 好似真係真係得得地喎…….

如果係就好咯…. 晚晚”焗”30分鐘, 有少少收緊都好過無呢…..

(152)

Comments

comments