靖天的第一雙硬底鞋
早一陣子撞到桐桐媽咪, 講起bb識行後, 就要轉用”硬底鞋”….
一直都覺得普通”波鞋”鞋底太硬, 根本唔適合學步兒穿, 但係聽完桐桐媽媽講完, 又確實有道理啊…. 所以決定為靖天再添上佢第一對”硬底學步鞋”…..
趁新年, 搵過好多波鞋店, 都無靖天尺碼….. 
最後, 我地o係鼠年既最後一日, 落左樓下間Dr Kong, 買左呢對新鞋仔俾佢…. 
款式實在唔及大牌子咁靚, 但係為左等心肝行得更加好, 粗粗地, 都著住先啦….
佢最細既碼數係#21, 穿左落去感覺都係大好多.. 但係sales姐姐同埋爸b又話o岩…. 見靖天著左後即刻行到成隻蟹咁, 實在有半刻豫疑好無等佢大個少少先買…. 
不過大家都話”硬底鞋”, 係需要時間學習同埋悉應… 咁就…. 買啦, 又唔洗我呢個媽咪俾錢~~~ 
靖天靖天, 咁您就著住呢對鞋仔過年逗利是啦…. 要快o的行得叻o的啊!!!!
加油!!!! 
(176)
買鞋真係唔講得笑架 !! 聰媽鍾意 Dr Kong
雖然款式超級一般 ; 但聰兒著左 , 真係行得好過 大牌子 既鞋架 (聰兒有入字腳問題)
所以聰兒既所有鞋 .. 暫時都係 Dr Kong 出品的呢 !! 哈哈
靖天好叻呀, 肯箸鞋仔…
我個仔…唉…每次同佢箸鞋, 佢轉頭就同我飛左出黎…
對鞋仔都幾好睇呀…
想問吓你, 點解bb識行後, 就要轉用”硬底鞋”? 我以為軟身會好d tim…
謝謝 :)
識行後, 當bb行得穩陣喇, 就應該轉左厚底鞋喎
我都係有媽咪提我先知咋;
佢已經叫靚啦…combi果d更加樣衰…
不過唔好著壞腳最重要!
其實combi幾型架, 我覺得
但太貴了…….
我唔知要轉鞋底, 都係見款, 襯衫, 依家有硬有軟, 哲哲so far都ok, 我諗….都ok…掛…
我之前O個O的全部都係軟底, 所以先買對硬底俾佢咋麻, dr kong個姐姐話著硬底對佢腳部發展有幫助喎…..
自從佢開始行,我已經冇俾佢著軟底好耐喇
而家買左兩對硬底俾佢都冇睇款呀,最緊要個底0岩心水,仲講款咩
如果買到adidas就好囉… o的款靚o的麻.
以前唔肯架, 我咪痴實佢等佢唔好甩出黎囉~~
依家佢識行, 咁佢就慣左著鞋仔喇~~
真架? 哎約……
真係能糾正?!
都係因為佢都叫有少少信心保証, 先買佢, 個款真係娘爆