年初三 @ 交換拜年
左拜拜, 右拜拜….
約左橋橋一家拜年, 由初初單向拜年, 變為呢一日既交換拜年… 
唔送金莎唔送藍罐, 買左盒haggen dazs, 仲要包埋既, 送俾橋橋一家… 夠潮麼?! 
回禮係爸B最愛既藍罐曲奇, 一見到已經拆黎食…. 
先去橋橋家, 跟住落返屯門買餸…….
靖天真係唔客氣….
靖天的惡行?!
入到街市, 驚見56蚊斤蝦 (平時28蚊)…. 白鱔要50蚊半條仲要唔知死左幾耐…. (平時38蚊仲要彈彈下…) 成個街市搵粒豆腐粒都無….. 想買肥牛, 要同人搶…. 
當然, 我咁惡, 梗係買到我想買既野…..
返到屋企, 就開始準備今晚打邊邊…….. 
靖天大個女了, 表情多多的…… 同爸B的親子裝挺襯吧?!
靖天: 影得未呀, 快O的過黎啦, 橋橋…
橋橋, 黎喇黎喇…
靖天: 唔理你喇… Uncle Pang, 你影啦, E~~~~~~~~~~~
換返家居服, 靖天即刻”鄰家”曬……
佢對企鵝仔同埋對自己隻吳家狗, 真係兩回事啊…. 
睇下靖天對住小企鵝, 幾咁惡毒….. 
橋橋訓O係佢DADDY既大褸, 好似訓左入個睡袋度…. 可以想像佢爸爸係幾咁有份量…
靖天親親橋橋啊…..!!!! 
飯後靖天做乜好… 食藥囉…. 心肝咳到聲都變埋, 下午買左盒猴棗散過佢嘆….
見佢樣子就知…. 味道認真一般…. 
全晚戲肉就係……. 成個屯門賣剩一個既天使蛋糕~~~~
謝謝橋橋一家, 知我想食下午就打左去幾間分店幫我問有無…. 太感動了~~~
照舊, 我地唔洗15分鐘KO曬成個…… (好恐怖耶……. )
(179)
去拜年 .. 小朋友最開心 .. 又可以玩玩玩麻 !!
睇下靖天幾開心 @@
天使蛋糕好味嗎? 白雪雪一舊面咩都冇ga? 咁咪好dry law? cream來的?
超好味….. 嘻
係蛋白做既cream黎架, 仲有o的脆脆加上去既
螢光綠!型到爆!!
係咪堅感動先~HAHA
多謝你地招呼我地, 同你地既雪糕~
哈哈, 謝謝~
真係好啦…有個差唔多大既小朋友住附近, 可以成日一齊玩 !!
個cake…um…比我自己十分鐘都食晒囉…呵呵
p.s. 我真心覺得靖天件新年衫靚架…至於你條波波褲就…大家笑下姐…呵
咦…..原來你老公鍾意食藍罐O架? 唔知我造既紅莓曲奇啱唔啱佢胃口呢?
係呀, 有時悶悶地可以約出黎食下飯都幾好啊~
最衰你住咁鬼遠啦…….
衰鬼…… 你好衰架~~~
嘩, 你o的紅莓, 囉上黎唔洗15分鐘佢食曬喇
佢話勁好味……
頂佢唔順…..
係啊. 嘻
多謝你地啊
係呀…… 小朋友乜都唔洗諗, 一定係最開心的啊!