靖天持續發燒記 [第二天]
琴日同靖天睇左e生… 情況似乎仍然反反覆覆…
睇完e生返屋企途中已經又感覺到佢燒返…. 返到屋企食左藥, 抖左陣, 好似又退左….
訓左一覺見佢精神好左好多, 無咁扭計, 以為好返啦…
點知黃昏時間又燒過…..
食左藥, 食埋奶, 又陪佢訓到8點幾….. 起身退左燒, 咁沖涼同準備晚餐啦…. 心諗: 會唔會半夜又發燒呢?!
點知唔洗等到半夜, 11點幾已經又慶返…….天啊!!! 
灌佢飲退燒水仲慘過要我成枝飲曬…. 
係咁bu係咁bu… 搞到我成身成面都係…
全日o的燒就不停99, 100, 99, 100… 咁游來游去….. 一齊時靖天就會變得好嗲, 成個軟曬, 又會無情情趴o係地下o係度呻吟好似好辛苦咁…. 
結果扭下喊下…. 12點訓左……. 
全晚2個鐘起身一次幫靖天探熱…. 誇張呢….. 
都係唔想佢有事…. 實在好驚佢發燒….
結果佢好爭氣啊, 無再發燒….訓得都好好….
不過呢, 仲係勁多痰……. ……
今日上班日, 靖天要婆婆幫手睇住, 希望心肝您繼續加油, 快o的好返啦!!!!
(392)
可能真係 玫瑰疹 .. 出左疹就唔會再燒架啦 @@唔好太擔心呀
UM…..查實有冇可能係玫瑰疹呢 ?
上個月我個仔又係咁返覆燒左幾日,
有鼻水有咳, 我起初都以為係一般感冒!!
但係一退燒就面仔 & 個身起粒粒…
不過d人話起粒粒係好事, 即係個病接近尾聲, 好快會好番架啦…結果真係, 2日後就無晒事啦 !!
點都好, 靖天要加油呀 !!!
敏堯上次都係咁, 燒左3日, 第4日個肚腩仔開始出粒粒紅點, 係玫瑰疹……… 跟住成身都係, 隔左幾日無事. 我上次都好驚, 因為燒左3日, 又唔知咩事, 帶左bb去急症室, 因為發燒, 比醫生捉住入院, 同埋要隔離, 真係好驚…….
呢個都係我唔排除既可能性
不過婆婆話一定係高燒喎……
唔緊要啦, 最緊要佢唔好再燒咋…… :(
都係微燒?!
所以我無同靖天入e院啊, 我估入親e院, 仲要話睇左雀仔, 可能會好麻煩…….
小朋友發燒真係佢又辛苦我地又心痛,希望靖天快d好返啦
謝謝有心啊!
係呀, 微燒, 斷斷續續3日…….
第4日就出紅點……..
可能每個bb情況都會唔同…. 不要太擔心,
祝靖天早日好番, 龍精虎蜢…….做個活潑破壞王…….
我問咗喇！我亞嫂話（陳永明醫生）兒科好出名，勁多人睇，排晒長隊…..但同佢個仔唔太夾（即係我姪仔）
所以就改睇（馬德華醫生～雅都花園），由ＢＢ一直睇到依家２０歲了
希望可以幫到你喇！
Hi Tammy
多謝你….
陳永明我都同靖天睇過, 又係無料到, 得個等字….
馬德華我會一試喎, 多謝你呀!
多謝becky啊!!!!
我都估係玫瑰疹, anyway, 而家好番未?
我睇資料又話高燒既…… 嗚~~~
不過今日靖天so far仲未有燒啊…. 希望佢只係感冒啦…..
好返好多喇, 今日無再燒喇
希望今晚佢都爭氣唔好再燒返啦~
今日so far未燒
要再留意多1-2日先啊