~~~Pigeon奶咀, 多謝你~~~

滿月後既靖天已經開始食奶咀, 一食, 就食到依家…..

由o個陣6個月話同佢戒, 跟住拖到9個月, 然後拖到佢1歲…. 一拖再拖, 只因為唔想佢扭計, 唔想佢喊, 想佢快o的訓著….. 過去一年, 靖天已經有無數次俾人話佢食奶咀… no good~~~   心諗: 鬼唔知………!!!!!!!!

發覺靖天呢排對奶咀既需求大左好多, 就開始擔心會唔會好難戒…. 有個朋友仔話越遲戒, bb心癮越大, 就越難戒… 俾佢講一講, 就仲驚…. 心肝13個半月已經大癮成咁, 過多一陣子咪唔洗戒…….?!

同靖天婆婆傾開又傾, 佢話戒奶咀一o的都唔難啊…….. 都唔知信唔信佢好… 

依家日頭已經盡量少俾奶咀, 但係夜晚訓覺佢就一定要啜住訓… 半夜佢甩左, 都會嗌醒我地俾返佢…. 每天如是….. 戒… 真係話難唔難……

婆婆建議我買個第二隻品牌既奶咀俾佢, 等佢啜到無癮就唔食…… 咁又即管試下….

前晚去吉之島食飯, 見有BB展做緊8折… 於是就買左個pigeon仲要係0-3M既奶咀俾佢….

夜晚返到屋企, 佢已經開始扭扭地想訓同要奶咀… 不停o係度呻吟…. (對啊, 佢一要奶咀就會好似o的白粉妹咁, 打呵欠….. 囉囉亂…..) 咁我地咪洗左個”新奶咀”俾佢囉…

點知佢啜左兩啖, 已經唔要… 繼而大喊….

爸B搞左佢好耐都搞佢唔掂, 越喊越大聲… 結果都係我黎試試……

我俾個”新奶咀”佢, 佢已經發曬脾氣…… 掉開個奶咀, 又推開我…. 於是, 我就用左以前細佬戒奶咀個方法…. 亦都係過去一年黎, 對靖天講得最認真既大話…..

媽咪: 靖天, 對唔住呀, 個奶咀頭先去市中心食飯時跌左呀, 我都叫左您唔好走來走去架啦, 媽咪淨係顧住您, 個奶咀跌左都唔知…. 依家無奶咀喇…. 您乖, 最多我聽日叫婆婆買一個俾您啦..
靖天: @#$^#^$^$@#!$%#^ (一大串外星話)
媽咪: 唔好咁啦, 您訓住先啦, 聽朝婆婆同您去買架喇… 一係我依家打俾婆婆同佢講聲先啦 (繼而走出廳攞起個電話…….)
媽咪: (扮打俾婆婆) 婆婆呀, 係呀… 靖天跌左個奶咀呀, 您聽日同佢買一個啦… 係呀, 佢扭緊計呀, ….. 哦, 我叫佢乖乖訓住先等你聽朝接佢去買奶咀啦… byebye…
靖天: o係我講電話時又@#$^#%$^&@#$%@#$^ 咁唔知講乜野…..
媽咪: (扮收線) 拿, 我打左俾婆婆喇, 您唔好喊啦, 聽朝我地去買個新架啦…..

正當我以為靖天還會扭上3-4-5-6個字…. 點知唔洗1分鐘, 心肝竟然……訓著左…..

雖然條件係…我要抱住佢一陣…. 不過都叫成功左…. 一半麻….. 又真係幾驚喜… 無諗過靖天會妥協……

點知到半夜3點零鐘, 靖天無端端發現自己無左個奶咀… 又開始o係度呻吟…..

拍拍佢以為安撫到, 點知越叫越大聲… 繼而大哭起黎…. 任何我點拍佢佢都唔收聲……

已經係半夜3點幾, 一直都唔想心肝半夜大喊怕佢嚇親…. o個一刻諗: 好無俾返個奶咀佢呢?! 但係一俾, 咁之前做既又前功盡廢, 又要重頭黎過喇喎….. 最終都忍唔住叫醒老公問佢點算…. 老公o係雪櫃囉個奶咀俾我…. 爭少少就塞到入靖天口了… 不過最後都無做到…..

我細細聲同靖天講: 心肝乖… 就快到天光, 婆婆好快接您去買奶咀, 您忍耐多一陣, 訓多陣我地一齊去買奶咀好無…..

唔洗一會, 心肝真係安靜落黎…… 無幾耐就再訓返……

一覺, 就到天光……. 咁就過左佢第一個沒有奶咀的晚上……..

靖天: 『沒有奶咀…. 我日子怎樣過?』

昨天早上, 我一五一十跟婆婆說一次, 雖然無強迫婆婆幫我同靖天戒, 結果婆婆真的肯幫我….整整一天我地都無俾奶咀心肝… 好明顯當佢眼訓時係會囉囉亂, 會扭下計, 但一陣子佢就放棄了… 識心肝咁耐都未見過佢咁唔堅持….. 哈哈!!!

其實戒奶咀只係一時興趣既玩意, 亦都無諗過可以話戒就戒到…. 婆婆話睇靖天情況, 應該無問題…. 叫我再耐心一點, 捱多2-3日, 應該無問題… 難得今天是周末, 又不怕心肝大吵大鬧連累爸B無法入睡…..

即管看看3日後, 心肝還需要她的小玩伴否……..

(199)

Comments

comments