另類教女法: 靖天變得自閉了…….
以為跟經驗既媽咪咁做, 就可以輕易調教好靖天…..
點知好境只係出現左幾日…. 問題又開始黎…….. 
唔記得幾時開始, 靖天又變得好痴身, 比以前更加痴身…..
情況嚴重到…. 乜都唔做陪佢玩, 佢都唔要….
望住佢, 引佢笑, 心肝只會呆濟濟咁望住我…… 然後又喊…..
有時訓醒, 佢就係要我抱住佢, 等佢伏o係我心口, 乜都唔做, 唔出聲… 佢又唔會出聲唔會扭計… 試過足足20分鐘, 大家都無出聲, 
無做任何野, 好似想話俾我知: 媽咪, 我淨係想您靜靜的攬住我….. o個一刻, 個心真係好亂, 點解心肝會咁…. 平時走來走去無時停既靖天, 去左邊?!
最令人擔心既係, 當靖天見我做緊野, 佢會選擇唔喊, 走黎望望我, 跟住就行入房, 爬上我地張床, 含住個奶咀, 坐o係床邊, 係咁踢腳, 又或者係訓o係床到郁都唔郁…. 當我地入房搵佢, 佢就只會呆呆滯滯咁望住我地…..
初時我同爸b都覺得好過癮, 覺得佢好搞笑, 但次數越多, 就越發現佢有問題…. 心肝選擇唔喊, 唔大吵大鬧, 而係靜靜咁坐o係床邊…. 好似好淒涼, 又好似o的自閉小童咁…….
終於忍唔住再問婆婆, 平時靖天o係佢度係咪咁…..
當然唔係啦…. 佢會自己玩, 又會走來走去, 多多聲氣…. 但靖天見到我, 好明顯令我覺得佢係唔開心, 返到屋企如是….. 靖天2個星期既轉變, 令我有點兒不知所措……
同婆婆傾完, 佢話我細個又係咁喎….. (又係? 係真唔係架?! 
) 總之就係想個媽咪陪住自己乜都唔做….. 但似乎心肝比我細個更識妥手段….(識坐床邊扮自閉…….. 
)
反思左好多日, 難道因為之前對靖天太過苛嚴, 令佢覺得無安全感?
難道之前用既方法唔湊效? 無理由架喎…. 早一陣子都work架…..
繼而再兜返轉頭問自己: 究竟我應該點對待靖天….?!
(437)
靖天又真係幾多變化，你要加油，無啦，你唯有安慰自己靖天係青出於藍勝於藍，醒過你囉！不過你就要辛苦Ｄ同佢慢慢出招囉！
咁靖天究竟所要咩呢 ???
要我囉……. xd
哈哈哈哈 ~~ 今日腦閉塞,
你寫到咁白我都唔明 !!!
~~ 查實我又咁諗, 就算小朋友更痴身, 頂多都係痴你八年十年, 到佢曉行曉走曉飛時…你想留佢響身邊多一陣都覺你煩!!
而家唯有……..享受吧 !!
咁就好啦!好快我又可以見到跳跳紮既靖天 ^^
我都係, 嘻嘻~~~
哦 … 聰兒有時都係咁架喎 .. 我做緊家務 , 佢就埋黎攬住我隻腳 , 想我咩都唔做 只係陪佢 @@@
我只會同佢解釋家務一定要每日做羅 . 仲叫埋佢一齊幫手 (即係搗亂羅) .. 我都照樣俾佢攪 .. 由得佢 , 仲一路做一路同佢傾計 (雖然當時佢唔識答我) 等佢覺得同緊我一齊做野羅 @@@ 當時聰兒都係靖天咁上下大咋 ..
因為每個小朋友既性格都唔同麻 .. 我家聰兒超活躍呢 @@
看來靖天都有點像聰兒啊 .. 但 .. 扮自閉呢 .. 聰兒就未試過啦 @@@ 哈哈
聰兒只有微微低頭斜望我再加上咀扁扁 扮到超級唔開心咁羅 @@ 哈哈
慢慢黎啦 @@ 觀察下靖天是那一種孩子啊 !!
Add Oil
即係要咩呀 ???
要我………. :)
ANSON都比細個痴左…不過我如果要煮野食OR做野都照唔理佢, 佢ERR一陣喊一陣就無野…
如果一直唔理佢會點?
點解會咁既? 其實係咪靖天覺得你唔夠多時間陪佢? 還是佢太愛你, 唔想你做其他野要你陪住佢抱住佢?
印象中靖天既情況都好似好反覆又持續左段時間, 有冇打算請教下play谷既導師呀?
靖天情況好番d未???
之前有問過但無乜成果…..
嘻嘻…….. 好返曬lu………
多謝你鼓勵呀, 聰媽…….
生女唔知女心肝就好失敗….
還好我最後知道靖天要乜野…… ~.~
一直唔理佢咪係咁喊喊到你理佢為止囉
之前我就係咁試左幾次, 就賴野了
哈哈, 係啊…….
女人既天性, 佢有曬, 哈哈!
我都希望靖天長大可以叻過我架… :)