另類教女法: 受軟唔受硬
由靖天情緒變得失控, 到性格突然自閉, 短短兩個星期, 終於按奈不住…. 
有時也會想, 是我的心情, 不自覺地流露了出來, 讓靖天都變得唔開心?!
但其實我既失落, 又源於靖天的情緒……. 循環又循環, 似乎身邊只有自己才能幫到自己, 幫到靖天…… 那Super Nanny的方法該推翻了? 那超級媽咪的說法也是混賬吧?!
痛定思痛…. 最後, 我選擇自己的事自己解決!!!!!
因為……. 一直令我覺得這個女兒得來不易, 打從佢仲係一粒細胞開始, 我已經決心要寵壞佢, 錫曬佢, 總之乜都俾曬佢….. 所以一直以來我都採取有咁多就抱咁多既心態對靖天… 然後. 經過身邊朋友, 親人既思想洗禮, 又漸漸對心肝越來越嚴, 要求越來越高….永遠都覺得人家的寶貝比自己的好, 然後, 又慢慢的調節自己要用人家的方法去調教自己的女兒….
又原來, 靖天其實好抗拒我咁對佢……
靖天其實討厭我上网, 討厭我做其他野… 同佢相處既時間, 佢需要完全霸佔我…. 總之佢就係想我乜都唔做, 乖乖地坐o係度陪佢玩, 或者睇住佢…. 挺霸道吧!? 對, 應該似左我…. 
係因為我要上班令佢覺得”我需要媽咪多一點?”, 還是真的佔有慾強?! 或者真係要等佢識講野先話到我知……
當我用前人既方法對佢, 唔準佢扭抱, 要有規矩, 要佢自己學下自己玩既同事, 佢既安全感就由不嬲都好多, 變得更多更大更誇張… 更甚既佢唔介意自己乜都唔做, 但就係想攬住自己媽咪….. 或者佢覺得咁樣先係最安全最舒服吧?! 
為左試驗我諗既係咪正確, 我決定偷懶幾日, 任何時間都陪住佢, 乜都唔做… 有時兩口子就o係床上典來典去, 一個下午…… 到佢安睡一會, 我先偷偷去忙家務……
情況在頭1-2天都沒有明顯改善, 一齊玩玩具, 聽歌仔時, 總會好快就扭計要我抱住….. 但奇怪既係, 同佢o係床到睇電視, 做死屍…. 佢又樂得自在……
多過幾日, 似乎真的出現了曙光……. 
靖天開始可以在我視線範圍玩玩具, 而唔會三兩分鐘就走埋黎喊住要我抱…..
心肝雙腳可次可以掂地了….. (也挺誇張, 但事實如此…. 情況嚴重的那幾天, 幾乎唔肯落地…)
也慢慢見到她再次泛起笑容……
胃口方面, 也吃多了一點點….. 至少唔會只係見到個碗, 已經喊定先……
種種一切, 令我相信自己既推測是對的……
果然, 生得佢出, 就知佢心意….. 
一個星期過去了…. 縱使剛剛過的周末突然幫心肝戒奶咀, 佢都無再出現”安全感不足“的問題而大吵大嚷…….
依家同佢出街, 佢又好似之前咁, 肯落地行不特止仲要走來走去, 而且仲要多多聲氣, 唔知講乜……
笑….. 多了…有時無緣無故也會對住我同爸b笑一餐……..
哭, 少了…. 在家肯自己落地走來走去…
只係需要我抱, 又或者發現我在上网時才會大吵大嚷……..
如果抱, 可以解決心肝情緒的問題, 我絕對願意多抱一點……….
因為可以抱佢的時間, 其實真係好少…..好少……
心肝, 您的”特別構造”, 也造就了我需要”特別另類”的調教您…….
謝謝您給我一個”教女”的好機會…… 不過唔好再有下次, 好嗎?! 
(363)
good job ^^
我相信自己係最最知道心肝想要咩 xdd
嘩！咁你嗰陣時咪成日比佢踢？
言言就相反，佢係鍾意玩埋份，或者佢想我驚，然後自動放棄電腦同佢玩啩！
係呀, 踢到我離開左張櫈佢先停架… @@
你用你自己嘅方法 work out 到就好啦！其實坊間或者朋友嘅說法我都有聽，聽完覺得ＯＫ先會採用，touchwood 呢家所用嘅方法都 work 响言言身上，唯獨係我都仲係响佢面前用電腦，無計 work from home 嘛！不過佢亦都好鍾意企過嚟我枱邊攪我個電腦，其實我好唔鍾意，真係驚佢會變電腦痴啊！
其實好難去定一埋野要個細既點做點做, 順其自然啦, 可能依家太就佢地會被人睇成寵, 但有條件既點解唔可以寵下佢地呢? 會唔會寵壞, 都係睇自己點教, 不如你試下第一個係寵到乖既, 威比所有人睇!
我一定支持你ga!
哈哈, 我有條件架, 寵壞左生過個….. xdxdxdxd
謝謝你支持!
好用心, 好用心的一個媽咪….我向你致敬
謝謝~~
只係唔想靖天成日那口那面吧~
似乎雨過天清….幾好喎~
你真係好勁, 小朋友既心理你都摸到….
係呀, 一天光曬囉
我勁, 只因為靖天係我女兒咋麻……. 嘻嘻
係呀, 難得個試驗真係work到……
係真係幾開心既……..
靖天其實唔鍾意電腦就我大肚時已經知… o個陣我一坐得耐上网佢就會係咁踢我架喇….
yeah, 洗乜講!