靖天每周新招 [13個月]
今個月, 又會有什麼驚喜呢?!
13個月第1個星期:
進步中
2月4日的晚上, 學懂了親親爸B, 親親媽咪既面仔 脾氣越黎越犀利, 唔理佢由佢喊可以成個鐘唔停… 實在有點兒頭痛 已經穩定地改為2餐固體, 希望2歲前真的可以變為3餐固體吧 在Baby Buddies學懂自己爬上滑梯SIR落黎 “驚驚”升級, 乜都驚一餐 (真係咁驚?!)
機會點 呢個星期好扭計, 係又喊唔係又喊, 抱住都扭來扭去, 媽咪心情亦都因為咁好底落… 飲水極少, 便便變得….. 令靖天好辛苦~
小毛病 第一次發燒, 仲要半夜… 然後就斷斷續續咁燒左2日
13個月第2個星期:
進步中 成功俾婆婆”兜”到o係大人馬桶去便便 肯飲水了…. 不過加左少少利賓納仔仔… 
2月15日, 第一次用學習杯飲左3安利賓納仔仔溝水 (原來靖天仲識飲水) 終於發到”姐姐”呢個音, 不過咬字仍有待改進 去到樓下見到看更伯伯會叫”伯伯”, 仲會同伯伯say hello同微笑, 引到伯伯勁開心 情緒穩定不少, 開始理解靖天吵鬧的原因
機會點 婆婆終於煲雞粥俾靖天食, 可惜都係失敗… 仍未懂得甚麼叫”玩伴”, 只會自顧自的玩 進食仍需努力, 以往的蒸魚, 蒸蛋, 粥仔等都變得一啖起兩啖止; 肯食公仔麵, 一口氣食左1/3碗 (味精麵太好味吧?!)
小毛病 婆婆俾靖天試雲耳, 點知之後3日一塊塊咁痾返出黎… 
打左水荳針
13個月第3個星期:
進步中 睇電視識得人笑佢又笑… 仲要笑到好鬼假 公公在家做運動 (如拉筋), 佢又會跟住做, 只係訓o係度拉 一口氣食左6粒puff 大喊 / 大笑時, 識得用手遮住個嘴 知道邊度係耳仔, 口同鼻 (唔識點教佢邊度係眼睛… @.@) 2月20日身痕幫靖天戒掉奶咀, 仲要一晚搞掂 
識得叫弟弟同埋妹妹, 不過唔識分幾時叫哥哥, 姐姐, 弟弟, 妹妹 佢想要既野會指住想要 (終於都懂了~~~) 開始第一堂幼潛 見到BB或者差不多年紀既小朋友變得興奮, 會主動SAY HI 同埋飛吻 專注時間長了, 試過一齊睇掌門人一節可以坐定定乜都唔做, 坐小巴/交通工具時都可以坐o係我地大脾唔出聲靜心等候落車 興奮, 開心, 心急時會起步跑, 不過只限於2-3步, 有時甚至會跌下 上梳化落梳化完全無難度, 仲要婆婆家既梳化係高了一點點… 無意中發現佢記得邊個叫”朱古力”, 即係佢第一隻公仔, 仲要問佢”朱古力”o係邊, 佢會搵得返出黎 (只係放於床角)
機會點 叫”打打”既情況變得嚴重, 好多時會坐言起行, 講完就一巴打落爸B, 媽咪, 婆婆, 舅父, 姨姨, 公公度…. 
小毛病 對奶既需求忽然變大, 突然改為4餐奶, 一餐半固體
13月第4個星期:
進步中 食蛋卷教佢講”蛋卷”, 佢會講到…”蛋—撻”… 
教佢講Egg Roll, 佢會講到個”egg”字…. 睇電視見人笑, 佢又會跟住掩嘴笑 同佢講”好搞笑”, 佢又會掩嘴”哈哈”大笑 主動與小朋友分享玩具 (不過唔係次次都得) 又肯食返粥仔 
識得玩”模仿”遊戲, 例如煮飯仔, 或者餵小狗, 又會扮照顧bb 學識”舉手”, 每次問佢”有無人想要奶奶/餅餅/果汁, 想要就舉手”, 佢都會舉手 知道”腳” o係邊度 3月3日上午, 忽然指住”腳仔”, 講”腳腳” 3月4日晚上, 學識什麼是”眼睛眨眨眨”, 仲眨得好鬼可愛
機會點 對陌生人仍有一定戒心, 要觀察好一陣子才能適應 識得”惡人先告狀”, 自己做錯野/打爛野, 會第一時間指住人 (如婆婆), 跟住”哦”佢表示對方做錯 忽然唔願意執玩具
小毛病 鼻敏感, 氣管敏感既病徵越黎越明顯, 天氣一轉, 媽咪會打乞痴, 靖天會流鼻水 鼻敏感第3日開始又咳返…. 又咳到嘔 打左最後一枝肺型鏈球菌針 第一日在戶外跌損”失頭哥”
今個月將靖天既小驚喜分左3類….
先發覺靖天有好多小進步, 機會點同小毛病好少… 係靖天真的乖巧聰明? 
還是我太忽略佢既唔好? 抑或將佢既”小意思”放得太大? 其實無比較, 好難搵一大抽”機會點”出黎寫… 咁比較好還是不比較好?! 但係無競爭又無進步啊….?! 咁靖天, 您想媽咪寫幾多您既”機會點”架?!
至於小毛病麻…. 當然個個月都無得寫就最好! 
(410)
識得”惡人先告狀”, 自己做錯野/打爛野, 會第一時間指住人 (如婆婆), 跟住”哦”佢表示對方做錯
原來ＤＢＢ係鍾意懶人，言言仲未識，但係我表哥個女就同靖天一樣咁懶人，好攪鬼！
都係我地衰, 教佢”哦”, 等佢有樣學樣……..
傻瓜, 邊會咁諗自己睇唔到個女既缺點? 我傾向覺得靖天係進步緊同叻左wor
睇完第3星期同第4星期, 靖天既進步真係好大, 我每個月寫哲哲都寫唔出呢d小進步, 我明白男仔係會慢點遲點, 但唔知慢既程度係比女仔遲一個月…定係遲一年, 哈哈, 哲哲真係要加油先得啦!
男仔真係慢好多….
究竟點解呢…
靖天宜家做到既…anson先岩岩識, 仲成日達Q
佢地差成3個月喎…唔少啦~
係11月呀…ANSON就黎16個月啦…唔通係我記錯?哈哈~
唔駛驚！係叻唔怕認嘛！^^
我係用中文＋英文教，唉，所以咪話 bilingual 嘅 baby 係難教Ｄ，不過我信佢日後一定會 work out 到嘅！
今日難教o的第日又學得快o的麻……
兩隻教法兩種享受, 哈
嘩！睇你形容，靖天真係好醒喎！佢識好多嘢呀！我教咗言言好耐口耳鼻咁，不過佢都唔會做番比我睇，當然，每個ＢＢ發展唔同，我唔會覺得佢有問題，不過就真係覺得靖天特別醒囉！
靖媽 ~~ 多d記住佢進步既野, 忘記佢未做到最好既野, 咁你開心時佢又會開心…
當然我係成日記住啦, 呵呵
我就黎因為個女變左自大狂架喇, 哈哈
靖天一星期內都有好多 suprise, 唔錯唔錯
哲哲尋晚都開始手指指, 但都仲係老毛病, 時做時唔做
一口氣食左6粒芭芙? 好大的胃口@.@
好明顯今期可以攞”飛躍進步”奬…yeah~~~
真辛苦了媽媽哩~
加油啊~
便秘真的很頭痛…用spoon餵水/果汁會唔會好d呢?
溝dd果汁比佢肯唔肯飲呀?
係唔飲既~
加油中……. @.@
水唔要架, 佢會bu囉…
果汁都唔係樣樣飲.. 加上佢咳, 更加頭痕…..
都係o的小驚喜…… 其實微不足道….
係bb 芭芙呀… 細細粒架, 仲要無左入面個”含”架, 哈哈
手指指都好丫, 夠得意
弊在好多野在退步中呢…..
你唔好俾我誤導啦…. 我唔係想表達佢醒架….
教言言眼耳口, 係咪用英文呀? 我用廣東話架噃…..
連埋動作就好好多喇~~~
唔好話靖天醒呢, 佢只係一個普通小BB咋…..
我想寫多o的機會點, 咁可以有多o的進步空間麻…
但真係諗唔到… 又可能我覺得佢唔好既no big deal卦, 哈哈;
男仔慢, 唔會爭成年啦, 咁誇張咩;
1-2個星期就差不多喇
anson點會慢耶………….
靖天都撻q架, 不過佢做到幾次我當佢識左咁解咋麻…
再者, 靖天同anson爭少少, 男仔假設慢少少, 全部就變為好合理了
爭左3個月咁耐咩?
anson唔係11月b黎?
對唔起呀……. 我又…..記錯了…….
靖天1月咋麻….. 爭2個月…都未必有
靖天仲要1月頭…….