屯門Playgroup – Advanced Baby Buddies [試堂記]
靖天: 『未訓醒就捉左人黎返學… 媽咪你搞什麼?! 』
在baby buddies已經唔經唔覺上左差不多3個月….
靖天已經14個月大…….. 係時候, 要安排幫佢轉高一班了~~~~
由原先的Tiny Tots, 晉升為Baby Buddies…
本來以為就咁通知老師就會升班, 點知老師話可以安排多一次免費試堂… 
等我地知道Baby Buddies Group 同Tiny Tots會有咩分別….. 咁著數, 當然唔好嘥~~~ 
預算靖天明年九月就會上N1, 都會早上返學, 所以就決定同佢安排連playgroup都o係上午, 睇下佢適唔適應到…. (呢位阿太, 好似早左o的噃… 對, 係早左o的… )
上午既playgroup上課時間係9點….. 認真夠早!!! 
朝早7點半起身餵奶, 諗住佢會好似平時咁食完就訓, 咁我就可以裝身準備出門口既野, 到8點半先叫醒佢一齊上堂…. 誰不知心肝唔知係咪未出發先興奮….. 食左3安半奶, 就成個醒曬要落床玩…. 搞左半個鐘都唔肯訓….. 結果, 咪由佢囉…..
好啦, 出門口時已經捽緊眼, 泊好車喇, 靖天竟然訓左…… 
迫於無耐, 唯有由佢訓多陣…. 到9點半正式上堂, 先拍醒佢……..
=================================================
成個流程同o係Tiny Tots時一模一樣, 反而free time好似仲多左…… 或者係因為靖天無享用茶點時間吧?!
因為係早上班, 小朋友較少, 呢一班只係得5個小朋友, 仲要男仔居多, 嘻!
全班都大過靖天… 最細既都已經15個月, 身型出名細小既靖天, 加埋細人一個月, 拍埋去就又變返BB……. 好得意!!! 
靖天第一次食芝士夾餅
唔玩通粉, 改玩紅豆錄豆….. 但靖天好似反應麻麻
隔家既18個月大妹妹就超精靈…. 仲同靖天講野……
呢一堂玩”濕”通粉
唔知係咪見o的通粉好味, 靖天仲放埋入口….
Free Time既砌圖, 靖天興趣不大……..
今堂既小手工: 復活兔
開頭既circle time都係唱歌同埋講故事, 但就深o的, 難o的…..
尾尾既circle time大致上都一樣, 無咩唔同…..
中間既自由時間由”地下”進化”上枱”… 所有玩具都係”枱上遊戲”, 如動物園, 砌圖, 畫圖畫….
成個感覺”大個左”, 好”幼稚園” feel……..
當然, 試堂只係象徵式, 如無意外靖天都會順利”升讀” Baby Buddies Group.
=================================================
不過上完呢一堂, 即刻覺得靖天進度慢得好淒涼, 又開始擔心佢會唔會”考包尾”….
人家15個月既bb, 已經識抺枱, 識講”提子”, 識好多好多野…..
人家18個月既bb, 已經識成首Good Morning Song唱曬, 仲要難度連Head & Shoulders 連動作一次唱埋做埋…. 識得分圖圈叫Circle, 四方形叫Square…..
人家bb可以好集中砌砌圖, 畫圖畫, 靖天2小時有個半鐘都係行來行去無所事事…….
自問真係無信心o係短短幾個月教識靖天咁多野…. 心肝學古靈精怪野就好叻, 呢o的咁學術性既, 真係唔樂觀……..
不過真係好希望透過上”高一班”, 等靖天可以同哥哥姐姐學習學習, 終有一日可以趕得上人家的….. (就正如之前上Tiny Tots一樣, 俾左好多小驚喜我…..) 
心肝, 媽咪對自己無信心, 但對您就好有信心…. 您咁醒, 拿拿聲自己搞掂1個月學成流利英語好無?
=================================================
其實上呢個playgroup, 原意係想等靖天多o的機會接觸英文, 難得一個playgroup咁平之餘仲要由外國人主理, 仲要仲要o係自己地頭, 實在難得…..
可惜既係呢度始終本地人較多, 外國人較少, 就好似今一堂, 全部小朋友都係本地bb, 父母之間既溝通就好自然變成廣東話….. 同小朋友講野, 亦都會慣用母語… 除非係賓賓帶出黎, 唔係真係好少聽父母會主動講英文….. 不講人家, 自己都係呢…..
課前細問老師, 老師亦都好坦白話呢區始終外國bb較少, 亦都答唔出邊一班會多o的外國bb….. , 反而老師就建議我出其他分校上堂….如港島區, 普遍都會多o的機會接觸到外國bb…..
連老師都咁講…..咁……..點算好呢?! 
(1352)
“”人家15個月既bb, 已經識抺枱, 識講”提子”, 識好多好多野…..
人家18個月既bb, 已經識成首Good Morning Song唱曬, 仲要難度連Head & Shoulders 連動作一次唱埋做埋…. 識得分圖圈叫Circle, 四方形叫Square…..
人家bb可以好集中砌砌圖, 畫圖畫, 靖天2小時有個半鐘都係行來行去無所事事…….””
咁勁既….@_@
咪係囉……..
唔好咁諗啦 !!
人家帶小朋友去 PG 的同時 , 亦不斷的教導小朋友勁多既生字麻 @@@@ 所以進度一定強呢 !!
靖天現在係聆聽階段 , 聽得愈多 ; 第時講既就會愈多架啦 @@@
same as chester ma ~~~
咪咁啦, 靖天好過米b好多啦
米b都15個月啦, 乜鬼都唔識講, 上堂淨係走來走去巡場, 激c老師同我地 XDDD
哈哈, 米b上什麼堂要學講疇?!
xdxdxdxd
唔係嘛…15個月真係識咁多野??? 哲哲都係一樣行行企企多, 真係諗真一層, 幫唔幫佢再報pg都係一個問題…要行既, 我陪哲哲落公園行都得啦, 哈哈
人家bb都幾叻喎!更係啦,個個比靖天大 靖天同佢地大時 比他們更加叻呢…
都係爭……少少…..
個程度就爭巧遠呢…..
=.=
係呀, 係咪好恐怖喇……
我肯定18個月既靖天都唔會識唱一句英文歌……
行? 行什麼?
嗯, 我會努力的…..
多謝聰媽……
p.s. 18個月那bb, 2小時pg, 個”姐姐”係不停train緊佢, 我都睇到……. =.=