靖天上學了 @ 幼潛第3課
靖天: 『要我著到咁….家陣去返學定去開P呀????
』
早左出門口, 仲要行左個圈先上去…..
4點半上到去, 班房已經開住門等我地…. 
還好, 今日早左到, 可以俾靖天熱身多幾秒…… 張姨姨仲問我點解成日俾靖天著黑白灰, 搞到靖天成個男仔咁.. 
…… (咁佢都似男仔, 唔爭在麻…… )
靖天: 『呀….. 我隻手呢!!! 點解變左”貓爪”架!!!! 
』
出發了…. 靖天狂扭計!!!! 
練習一 – 社交訓練: (聽教事)
今日一望”黑板”, 已經暗暗滴汗….. 因為首2個練習, 都係靖天最大最大既機會點….. 聽故仔? 即係要佢扭計O者……
果然不出所料, 全班只得敏堯同埋靖天o係度典來典去…. 其餘小朋友真係好集中精神咁聽故仔….. 張姨姨仲要講得好鬼生動之餘, 本圖書又好鬼得意….. 點知靖天都無興趣…. 
老師話1歲小朋友, 可以集中聽你講5分鐘已經十分好…. 如果頭2-3分鐘都肯聽, 已經算唔錯, 咁…. 靖天頭1分鐘都捱唔過….. 點算?! 
正正因為咁, 過去一年, 買左十幾本圖書, 都係自己睇, 多過靖天睇….. 真敗家!
練習二 – 疊積木
疊積木原意係想訓練小朋友”三指”既靈活性, 等佢地唔好再好似bb仔咁, 用”手掌”黎用力 / 攞起物件….. 老師仲話lego款既積木其實唔可以訓練到小朋友既”三指”, 因為o的積木稍稍”cup”好個位, 已經唔會跌出黎… 所以用o的約1吋大既積木去做呢個練習, 就最恰當.
靖天頭一轉…..都肯應酬下我地……
要佢疊呢, 佢真係疊到架噃….. 但係只係疊左一次, 已經開始唔耐煩…… 
其實”三指”運用靖天已經掌握得唔錯, 好耐之前佢已經學識點用”三指”拿取物件, 反而呢個練習, 好似係挑戰緊靖天既耐性多o的…… 
練習三 – 障礙訓練
呢個練習又係想訓練小朋友”爬”, 同埋接觸唔同質感既野… 今次要”爬”小梯級, 踏過”膠袋”, 再”爬”隧道……
對靖天黎講, 原以為超級easy呢…. 平時上baby buddies已經玩慣玩熟,……
點知佢竟然….唔肯”爬”….. 真係估佢唔到……. 連梯級都好似唔識”爬”上去…. 搞什麼?!
唯有攞返屋企條”隧道”出黎, 等佢爬多o的吧…….
***** 課堂趣事 *****
唔知係咪上堂食既餅特別好味?同上堂一樣, 靖天抹完手, 已經急不及待咁舉起手問張姨姨攞餅食, 食完一塊又走出去舉手問老師攞….. 攞左仲要通場走… 成個傻妹咁…. 頂佢唔順! 
呢個星期開始發覺靖天對身邊玩具興趣大減, 反而鍾意做”巡場”, 周圍行, 東摸摸, 西摸摸, 又唔會集中去玩一樣野…… 見佢打曬圈咁行, 好似好享受咁….. 心入面有萬個問號, 但其實又覺得佢好得意…… 
敏堯似乎同靖天開始熟絡了….. 見到靖天會摸摸佢頭髮, 拍拍佢… 反而靖天呢…..就唔多理人… 唔知要上多幾多堂, 心肝先學懂什麼係”社交”?!
***** 課後感想 *****
今日張姨姨點名, 好幾個小朋友竟然一聽到自己個名就舉起手應”到”…..好犀利啊! 
靖天都要俾心機, 可以起身嗌”到”啊!!!
今日既訓練看似簡單, 其實靖天又存在好多機會點….. 一做訓練, 就知道, 心肝專注力真係好低, 好低……
課後問老師可以點解決”無耐性”問題….. 張姨姨建議我地日常生活嘗試用”拖長”時間慢慢訓練, 如佢想要餅乾, 我地就故意話要一齊數10聲, 數完先有得食, 等佢知道, 有時係需要等待, 希望慢慢可以練出耐性來….. 
還有講故仔….. 張姨姨明白唔係個個小朋友專注力都咁強, 所以講既時候動作同埋聲線就要更加誇張 (係…張姨姨真係超誇張…… 
) 就算小朋友唔睇, 自己都要邊講邊睇, 希望慢慢引起佢興趣…. 仲要仲要o係無其他引誘下同佢講故仔….. 最簡單就係要收曬所有玩具…. 
唔怪得,…… 靖天平時唔肯聽我講故仔呢……
有左老師既建議, 我同爸b要再下點苦功了……… 
(325)
謝謝分享哩!
米b同靖天一樣都係無時停, 唔集中. 聽故仔? 難囉! 睇黎我都要努力呢~
咁啱今日我攞咗朋友比嘅積木言言玩，仲要係有1-2吋嘅唔同形狀，不過言言都係一早就已經曉用手指攞嘢，不過佢就一次都無砌，反而係咁執番入個筒攞！
睇嚟你屋企可能太多嘢引到靖天，佢識行識走，要佢坐定定聽你講故仔真係幾難囉！
聽到自己個名就舉起手應”到”,好勁呀!!!巡場一一又係好鐘意,坐唔定 =_=
係呀, 敏堯真係好熱情, 有時我都怕左佢~~~, 希望唔好嚇親靖天….. 唸番起講故事, 又真係得我地果兩個囡囡係度典黎典去, 真係幾搞笑………
靖天媽媽, 我好慘呀, 果日放學, 敏堯”樓”肚餓,，飲左枝奶, 跟住……..就食左張牛肉乾呀…….. 嗚…….嗚…….. 仲要係睇住個兩個咖啡人走呀!!!!!!! 激死人!!!!!!!
真係幾好咁喎…
但係咁難入, 唔知個仔有冇機會呢…??!!
哈哈 .. 出街隻手突然變左隻抓喎 .. 梗係扭計啦 .. 哈哈
好難無其他引誘wor…收晒玩具佢都可以走來走去之餘又搞下屋企既野, 點都搵到野玩既佢地
屋企唔係多玩具, 係亂…… 無位放咋
超犀利呢………
我都努力教緊靖天……..
哈哈, 一一同靖天要比試下
我鍾意敏堯咁熱情呀, 好過靖天唔理人, 哼!
下? 你地唔係泊停車場架咩????????????
btw, 我地上個月都食左兩塊, 肉都赤埋
呢o的都係講運氣既, 報左無得諗架喇
哈哈…….. 搞笑呢
哈哈, 唯有你本書係全屋最吸引先引到佢囉……
哈哈, 我都努力中………