靖天上學了@Baby Buddies 第12課
靖天: 『今日有爸B同媽咪一齊陪我返學, 好野!!!!』
因為爸B今日放假, 所以就可以同靖天一齊上堂咯……
臨出發, 爸B媽咪玩自拍
因為靖天麻麻煩煩 
, 搞到遲左好幾個字先到步….. 還好, 一陣心肝就熱好身….
今日心肝著左”校服”啊……. 因為要影”班相”耶!!!! 
先係心肝自己既個人照, 著住校服既靖天, 坐o係小櫈子上面, 呆呆滯滯個樣…. 好搞笑呀!!! 
唔知出年返幼稚園, 係咪都會咁呢?! 
Baby Buddies就有呢度得意, 俾人感覺好”幼稚園”, 會影班相, 會有同學仔生日會, 會有每月主題唱下相關歌仔… 下個月仲有學校旅行… 咁既價錢, 著實又真係過足癮~!!!
雖然爸B第一次跟靖天上BABY BUDDIES, 但似乎佢都相當熟悉個環境同埋流程… 因為平時爸B會在公司”陪”住我地上堂麻….. 
仲有每星期都會聽我地匯報上課情況, 點會陌生?!
爸B好集中同靖天上堂啊!!!!
爸B與靖天的cIRCLE tIME~~~~
唱完歌仔, 講埋故仔, 老師就安排我地幾個小朋友一齊影”班相”喇…. 因為尚有BB未識坐, 所以唯有媽咪抱住影合照呢…. 
影左幾張, 之後ALISON (前BABY BUDDIES老師現升任為媽媽級!) 就話不如放下BB影返幾張…… 梗係好……!!!!
個個BB著住校服, 真係好得意……
心肝今日超開心… 連身徬既媽咪們都問點解靖天今日好似好開心咁…
成日嗌到成場人都望住佢…..
梗係….. 有爸B陪上堂啊, 梗係開心呢…… (媽咪仲開心~~!!! )
仍然沉醉”通粉”的靖天…..
靖天玩”圈圈”….. 今日多了一點投入啊!!!!
畫畫時間都係同平時差不多, 不過換黎新既”畫畫服”…. 好醒神呀!!!! 不過心肝依舊”怕怕”, 掂左兩下就想走人…… 
好大個”廣告”印左O係心口呀…. 成件黑色, 有少少HARRY pOTTY FEEL~~
靖天: 『我唔鍾意玩水彩架….. 爸B你都唔知人心意既, 走開走開~~!!!!』
靖天畫圖畫….. 仍然係十個不情願的樣子……
今日最特別既係竟然有”cOOKING tIME”!!!! 煮… 朱古力+脆脆….. 其實只係俾佢地搗搗下, 跟住整落個紙兜仔, 雪凍佢… 食得!!! 靖天反而好好奇….. 又好為食~~~
靖天: 『幾時有得食架…. 爸B…….』
cOOKING tIME…..靖天也挺好奇……
同學仔的杰作!!! 最尾尾既就係靖天整架喇……. 
心肝今日既小驚喜, 係佢真係學懂”霸佔”玩具…. 當同學仔走埋去想玩佢個玩具, 佢會”唔…”跟住就攬實個玩具唔放…… 不過點解佢會識”霸玩具”, 就變成一個”謎”了…….
成條片, 最可愛係臨尾佢發現同學仔有個頭夾…. 仲指住自己個頭仔… 好搞笑呀!
靖天同Charlotte夾埋打同學呀!!!!!!!!!! 
第2個小驚喜係佢似乎對朋輩既交流多左….. 呢頭霸住玩具, o個頭就會同同學仔分享玩具…. 仲會打側個頭同小朋友笑….. (不過人家無啋佢咋麻….. ) 又會同小朋友攬頭攬頸, 雖然唔知道佢係咪”識性”, 但至少, 看在我們眼裏, 就覺得佢地好可愛….
小朋友要排隊玩SIR滑梯啊!!!
靖天: 『pEAK-A-KOO…… 』
心肝自家制既玩滑梯方法… 仲要笑到好鬼大聲….. (咁玩真係開心o的!?)
臨尾既Circle Time一如以往, 唱唱歌, 講講故事….. 靖天心肝唱Sleeping Bunny時, 真係差點兒訓著左…. 梗係…. 返學前又唔願小睡, 返學就走黎捽眼….. 
越大越心散….
靖天真係sLEEPING bUNNY????? 
洗唔洗咁投入呀?
兩個鐘既課堂, 有爸B在場幫手真係爭好遠…. 平時上完呢堂靖天就變左豬, 自己又會攰死左…. 今日上完堂仲有ENERGY, 即係証明爸B幫我分擔唔少……
如果老公可以成日都唔覺意請下假幫幫手就好咯~~~~~~
[如相片不能顯示, 請“重新整理 / REFRESH再試試,
不好意思啊!!!]
(334)
您好, 我個女而家13個月, 好想俾佢上playgroup, 見到你女女玩得咁開心, 真想即刻帯佢去。請問你女女係baby buddies 上堂上咗幾耐?你有冇覺得佢覺到嘢呀? Thanks
Joyce
Thank You. 我會帶阿女去trial class。請問你哋去邊一個centre? 上環?
點解囡囡個臉一”達達”既????
因為佢”青春”期, 出荳荳呀;
尋日baby bubbies打比我…有位啦….好開心呀, 只係等咗半個月.
我地返SAT 下午, 我諗都會超多人….唔知點解, 上次返trial lesson好似冇你mention得咁多野玩….唔見有通粉玩, cookie time都冇…..有時唔知係咪人太多, 有d activities skip 咗呢 ???!!!!
第一條片看到爸 b 身旁的好似 Alison 啊 .. 還以為看錯添 .. 哈哈 .. 原來真係啊 !!!
靖天霸住玩具 . 証明靖天真係大個左啦 !! 恭喜恭喜 !!
但 .. 我覺得唔好因為世俗既眼光而迫靖天 Share 玩具喎 !!!! 告知靖天 take turns 就 ok 啦 !! (你明架啦!!)
你好呀~我想知道呢間學校既資料啊~可唔可以pm我?唔該晒^^
弓起弓起…. yeah!!!
你預full house (14個bb)….. 人多有人多好
無通粉? 例牌野黎喎…..
cookie time我都係第一次玩咋…. @.@
你上网search baby buddies就ok架喇, :)
聰媽, 我明白架喇…..
我會多提點, 唔迫唔迫…….
baby buddies既課堂係每星期一課, 每次2小時
不過好多部份時間都係free play, 中間會加埋約30分鐘既circle time, 至於學唔學到野…. 因為老師無特別教野, 所以真係好睇個小朋友….
靖天就o係呢個pg 學識左Tidy-Up, 不過我都有回家同佢練習啊!!!
試堂係免費, 其實真係一試無妨, xddxdxd
靖天會出上環的中心上啊…. :)