靖天上學了@Baby Buddies 第13課
靖天: 『你估下我係邊個?! 』
今堂仍然係靖天”患病”的一天, 心諗應該會好似前一天咁, 甩唔到身吧…..
想過缺席, 但俾左錢, 唔制…. 
最多頂唔順就同佢早退吧…..
點知入到課室靖天又出奇的好動…. 已經踏入第12課了, 相信是因為環境問題吧?! 對呢個課室, 已經一o的都唔陌生了….. 不過對不起, 心肝, 上多一課, 您就要同呢個課室暫時講再見了!!!!
因為媽咪晚上要開會, 婆婆又有事幫唔到手, 爸B就好偉大咁請左半日假, 仲趕得切同我地上堂啊!!!! 
靖天依家鍾意好似左上圖咁….. 跟住又踎低…. 在做體操麼?!
靖天抱抱小BB….. 真係咁有愛心?! 不過好似三心兩意O的啊…. 
Circle Time, 心肝忽然對故事書有好大興趣啊… 
茶點時間…. 靖天又古靈精怪了!!!!
玩到訓曬地……
經過12課的”訓練”, 靖天開始與小朋友有交流, 至少在眼神上, 再唔係以前那個”目中無人”的小寶寶…..
靖天: 『SumSum你玩緊咩呀?!』
平時見到”車”都唔會有反應, 靖天今堂竟然肯玩車車……
雖然一陣咁大把, 不過好過無, 至少佢知道, 呢o的都係玩得既玩具麻……
勞作時間… 今日係做”母親節咭”啊!!!!!
靖天今堂無好似之前咁, 一埋位就係咁扭計, 爸B俾佢掂下O的膠水, 又俾佢搞下紙碎, 心肝都玩到數分鐘…. 咁唔鍾意做手工, 難道又遺傳左我?!
有爸B幫手, 可以錄下心肝做手工既情況了…..
不過靖天似乎仍然討厭”痴立立”的東東……. 
呢一日, 酷酷的Daniel竟然望住靖天笑, 我叫靖天不如同Daniel握握手做個好朋友, 心肝真係主動走埋去, 捉住Daniel隻手搖搖下, 搞到Daniel笑到出曬聲, 引到佢daddy媽咪笑曬口.. 點知轉個頭靖天又忽然變cool, 應該係唔好意思吧?!
靖天: 『望咩喎, o靚仔, 未見過靚女? 你死心啦, 我鍾意o的成熟o的既男仔架!!!』
小Daniel: 『我細小, 但我夠份量喎!!!』
靖天一直都唔愛疊積木, 爸B今日就將個方法”倒轉”同靖天玩…. 又得噃! 心肝似乎仲未可以”升級”去到第2階段… 不打緊吧, 就由佢”拆”個夠先吧….. 
靖天還是比較K型, 積木, 選擇咁樣玩…..
玩玩下, 心肝俾SumSum整喊了…
其實SumSum只係想親親靖天, 抱抱佢, 點知靖天咁大反應….
SumSum仲搞笑, 靖天喊, 佢就坐左o係後尾o係度笑…..
Eloise: 『靖天做咩訓地呀…..』 靖天: 『乜唔係要做Sleeping Bunny咩?!.』
最後的Circle Time, 心肝都肯聽上幾秒啊.. 有進度有進度!!!! 
靖天o係Baby Buddies學得最好既, 咪就係做Sleeping Bunny囉…
與爸B上課…….
上一課的圖書堂…… 心肝好快可以開畫展了!!!! 
[如相片不能顯示, 請“重新整理 / REFRESH再試試,
不好意思啊!!!]
(220)
陰公 ….. 病都要返學 …. 呢d係咩家長
係咪轉去上環啦 ?? 定係升班 ??
呢間playgroup好嗎? 好似好多野玩咁.. 但我屋企附近無呀~ 值得山長水遠帶阿囡去嗎?
做咩要告別呀…唔讀呢間啦 ????
草地+藍字…=.=睇唔到D字呀~~~~
不過睇相都知靖天好開心~
應該Reload 一次就唔會有問題了~ sorry sorry ~~
係咪有問題? 我睇到架… @.@
唔讀….屯門呢間了~~~~
聰媽真聰明… 決定轉centre了
依家轉左新老師, 老實講, 已經唔值得了…. @.@
如果係第2個中心, 如上環 / 北角, 可以考慮, 因為o個邊o的老師有經驗一點的