26 03.2009 ► 靖天上學去 (幼潛), ► 靖天成長篇 (12-18月)

靖天上學了 @ 幼潛第5課

靖天: 『媽咪, 我仲好病, 唔返學得唔得呀?! 』

又到星期六, 心肝已經病左差不多一個星期…. 早一天看過e生, 食左藥一家三口都有覺好訓, 今天起來心肝明顯精神好多了… 無咁扭計, 仲肯食返o的固體食物…..

上到車玩左陣已經呼呼大睡, 入到班房一陣已經熱起身來…..

係因為牙肉無咁痛吧? 心肝今日上堂也挺興奮, 成日都大叫, 又嘰哩咕嚕, 引得張姨姨同其他媽咪都取笑靖天…. emotion

一小時的課程, 輕鬆鬆咁結束, 是一個意料收鑊…… 著實過去一星期媽咪已經開始俾靖天搞到暈陀陀…… 今日靖天既表現, 是對我小小的甜頭吧?! emotion

練習一 – 扮動物叫

又係講故仔時間, 張姨姨已經講得好生動, 可惜… 靖天一o的都唔專心, 仲好唔專重, 成日碌來碌去….. emotion

張姨姨話講故仔, 除左訓練專注力, 都會訓練到佢地既說話技巧, 但要佢地學我地咁扮下動物叫, 或者講說話, 我地既口形就要誇張o的, 等佢地望得清楚o的……. emotion

練習二 – 飲食訓練提升 (用水杯飲水)

個技巧在於當小朋友下唇掂到個水杯, 我地就要輕輕托高個杯去到上唇位, 咁小朋友就會好自然咁收口唔會不停倒o的水出黎…. 原理其實都唔係好明白, 不過張姨姨話呢個係本能啊… emotion

靖天飲到, 但飲左入口都要lur返o的果汁出黎….. emotion 都唔明佢搞乜…… emotion

練習三 – 感知訓練 (手掌畫)

早一晚已經收到張姨姨既SMS話要帶圍裙, 已經有點兒心知不妙…. 結果真係玩水彩…. emotion 在Baby Buddies已經試過好多次, 但每次心肝都係扭計 / 喊住收場….

今日亦如是…. 爸B搞極佢都扭計想逃走, 最後都係等媽咪出馬…..

呃呃下, 心肝終於肯摸下o的水彩, 肯將o的水彩點落手掌, 再印落畫紙上…..

個個小朋友差不多都能印滿整張畫紙, 靖天呢…… 條蟲仔都未點完, 已經頂唔順…… emotion

事後張姨姨都話有點兒跌眼鏡, 無諗過平時曳曳的靖天, 竟然會怕水彩…

張姨姨建議我地多俾靖天嘗試不同質感既東東, 慢慢佢就會習慣, 可以做得更好!!

課後張姨姨仲好有心影印左o的資料俾我地……. 謝謝張姨姨!!!!

***** 課堂趣事 *****

今課如是”點名”, 教左心肝2個星期, 終於識得聽到自己名就舉手…. 不過我地對佢既要求點止咁簡單… emotion 平時教佢, 我地仲要求佢要嗌埋”到“…. 終於呢, 上星期開始做到, 今課上堂亦都做到俾老師睇, 當張姨姨叫靖天個名時, 靖天舉手後仲大大聲嗌左”到“… 今日呢個”到“, 都算係過去咁多次叫得最清楚一次了!!! emotion 靖天, 加油, 下次我地學叫”Present”, okok?! emotion

茶點時間如嘗一見張姨姨包餅, 心肝就飛奔咁走到張姨姨身邊….

因為靖天已經識得講”謝謝“, 今日老師就要求靖天要叫”姨姨“, 同埋”餅餅“, 先有得食, 結果? 心肝為左粒饅頭餅, 一一講到了….. “姨姨”兩個字清楚到我同爸B聽到都打個突…. emotion 咁清楚?! 就係為左粒餅仔? 咁平時唔洗教得咁辛苦呢….. emotion

***** 課後感想 *****

靖天在觸覺發展似乎都需要多加一點練習,…. 張姨姨提議左好多方法, 例如玩麵粉, 玩泥膠… 其實好多野, 已經一早為靖天準備好, 什麼材料 / 道具都買好, 只係每每想俾佢玩時, 就會有o的野發生.. 唔係天氣忽然變凍, 就係無故生病… emotion 希望過埋今個月, 工作清閒一點, 可以多騰一點時間給靖天, 多一點練習吧!

課後張姨姨同靖天講byebye, 點知靖天就唔理老師… emotion 張姨姨話靖天就係咁, 要佢做又唔會做, 無要求佢做, 就做俾你睇…. emotion 正正因為咁, 對靖天已經開始採取積極不干預政策, 教到既就盡力教, 佢唔做, 又真係吹佢唔脹….. emotion