『觸覺篇』*** Home Playgroup ***
靖天: 『媽咪, 廚房好似唔o係呢度架喎…. 』
上回試左o者喱, 靖天還可以接受, 今次同佢玩第2樣……
本來諗住搓好一舊舊既麵團俾佢, 點知…. 都話無乜煮野天份…. 
點搞, 都唔可以將o的粉變成固體…
不過, 都照玩可也…..
麵粉加左牛油, 所以都會有種”痴立立”既感覺….. 靖天接受與否…..
嘆麵粉… 仲要”嗄”….一聲… 都未煮, 好味架咩?!
初時心肝都有少少驚驚地, 只係用個匙去攪下攪下… 隔左陣, 我就攞走曬o的用具, 陪佢一齊用手掂下o的麵粉… 初時心肝都驚驚地, 不過好快已經悉應過來… 
玩玩下, 俾佢o係o的粉麵入面搵到舊半溶既牛油… 然後佢就極速放左入口… 仲要勁開心~~~
開始用手掂麵粉了….. 仲要又放入口試味… 仲要講埋”味味”…. “味味”….
初頭諗住佢又係三分鐘熱度, 都準備好曬同佢沖涼, 點知一玩… 就大半個鐘… 最後仲要玩到唔捨得收手…. 越玩越high… 越來越混亂…
玩玩下仲要想成兜攞起佢….. 仲要”嘩嘩”聲….
之後見我錄緊佢, 就係咁講”咔喳”, “咔喳”…. 頂佢唔順~~~
靖天極速將o的麵粉散到一地都係, 連帶自己都唔放過….. 
玩玩下, 靖天唔小心將o的麵粉潑左出”範圍”外,
即係好似發現新大陸咁, 係咁灑, 係咁灑…o的麵粉出地台….
呢o的係麵粉, 唔係米呀, 女………. 
最後玩到尾, 佢竟然成個patpat坐左落個兜到…. 
搞到周圍全身都係麵粉… 
雖然心肝好享受, 不過爸B放工回家途中, 返黎俾佢發現成屋都係麵粉, 後果實在… 
所以都係那那聲幫心肝沖涼, 跟住清理現場為妙….
等過一排天氣又熱O的, 先除曬衫俾佢玩, 唔洗咁麻煩…
不便之處, 敬請原諒!!
(203)
晴天媽真係好勁, 我女琳琳係baby buddies度玩過, 佢都好中意玩麵粉.
但D麵粉係生的, 你都照俾佢吃呀, 好野…
不過有機會, 我都會俾佢玩下, 試下, 多謝你的分享.
媽咪超好! 任靖天玩都亂七八糟~ 有排執手尾, 仲要唔使爸B幫手自己搞掂.. 佩服~
靖天媽真係好有心機呀 …
最後咪又係整個面粉糰比靖天玩, 又話自己唔會整….
不過你都真係勁, 肯比靖天喺屋企”搗亂”….
嘻嘻~~~~~ 俾你睇死左添………….
都係地台污髒, 好快清理好麻
先唔係………. @.@
爸B平時返工, 放工返黎唔得閒麻, 嘻
so far食左….都無肚痾, 我估,少吃多滋味, 哈哈;