靖天上學了 @ 幼潛第6課
靖天: 『渣快o的啦, 爸B, 遲到喇…』
隔左一個星期, 呢個星期六心肝又返學咯!!!!
因為返學太興奮? 還是太緊張? 全程車都無訓過既心肝, 真係…….
渣車渣到眼矇矇….. 巧驚唷!!!
隔左一個星期, 明顯同老師, 同學仔都生疏左….. 
還好, 未致於一入課室就喊喊喊….
練習一 – 分辨相同物件的認知
一示範完, 媽咪已經忍唔住叫左出黎: 嘩….. 好難呀!!!!
張姨姨派左3件玩具俾小朋友, 其中兩件係一樣…. 然後就要佢地分辨邊兩件係相同之物…
雖然張姨姨話唔期望佢地一開始就做到, 但都希望可以俾個概念佢地, 等佢地知道, 什麼叫”相同”….. 
靖天當然係分唔到呢…… 問張姨姨點教bb好, 老師話俾佢地摸下, 講多o的物件既細節 (如顏色, 圖案, etc), 希望佢地慢慢明白如何分辨物件……
呢個練習, 真係等到天荒地老都唔知心肝識唔識….. 
練習二 – 創意塗鴉 (上手臂訓練)
簡單既畫圖畫, 當然唔會咁益一班小朋友……
張姨姨要求小朋友趴o係度, 以雙手支撐身體之餘, 仲希望佢地學習運用上手臂既力量去塗顏色…..
靖天都做到….. 幾下….. 好快就無心機, 要起身走來走去…….
練習三 – 行平衡木訓練
先係一條過既平衡木, 呢個較闊, 小朋友可以輕易走過.
然後係一條U型既平衡木, 木身較窄, 小朋友要左, 右, 左, 右腳, 一步一步咁走過, 實在不是易事.
走U型的那條心肝其實有概念知道要左右左右, 一步一步咁行, 但可惜, 返學前無眠一眠, 臨尾支持不住, 不停扭計….. 完成唔到…. 
***** 課堂趣事 *****
上堂前如常既warm_up時間, 小朋友都可以自由o係玩具箱攞起玩具玩……
正當媽咪同爸b 傾偈傾到好開心之際, 忽然聽到靖天好大聲咁叫”到”, 仲舉起左手…..
原來心肝想攞箱底入面其中一件玩具….. 佢既行為, 惹到張姨姨同部份媽咪哈哈大笑….
梗係… 邊有人想要玩具嗌”到”架…..
***** 課後感想 *****
上左六堂, 今堂都算最扭計的一堂了…. 因為練習較難, 無耐性之餘, 可能也多了一點挫敗感吧?
無第一個練習, 都唔知道, 原來已經可以教小朋友”相同 / 不相同”既道理….
但係點教呢? 又確實係一個難度…..
連物件既名稱都分唔清, 仲點可以做到”分辨”?!
諗左好多日….. 都諗唔到方法教靖天…… 點算好?! 
(237)
你好
我想問你返呢度幼潛, 是否都只能夠比1位家長陪小朋支係墊上上堂? 另一位都係可以係班房內睇住他們上堂? 定還是都係要係班房門外等?
同上堂期間係咪一定唔可以影相及拍video?
thanks
好深呀……………..
MACY嚟緊5月都會去幼潛上堂~你仲會唔會繼續返呢? 如果可以同你做同學仔就好啦~想請問下你平時會將架車泊邊呢??
So you will go to the classes of next round in May?
Who’s the tutor this time?
我都覺………. =.=
我估唔得喇, 因為靖天今次上平日班啊…… @.@
平時架車泊o係金巴利街……
Yes, 但係爸B無得參與了…… >.
不知道啊, 我未打去問啊!!!!
係可以2個家長陪同架
但video同埋影相就只係第1同尾堂先可以了