『咱們仨』 —– 向大嶼山出發!!!!

早一陣子得知360新加了一個"水晶車箱"….車廂的地面是透明的… 於是便趁復活節幾天的假期, 去感受一下……

网上買左9:45分既車飛, 諗住在船到東涌, 還有時間食個早餐…

點知去到碼頭, 船班竟然滿了!!!  改坐巴士, 爸B話唔夠時間… 又怕遲左360那邊唔俾我地上車…. 結果… 爸B超威猛地CALL左架紅的入東涌……!!!!!!!

巧貴, 去到以為大排長龍, 點知原來乜人坐…. (到中午時, 已經超多人在昂平車站了!)

是福不是禍…… 善哉善哉!!!!

靖天還在呼呼大睡….
傳說中的水晶車箱…. 究竟是什麼一回事?!

臨到達前, 靖天訓左….. 結果爸B攞左車票, 都唔願上車…. 想等埋心肝起身先開始啊!

靖天: 『早晨…..  Well… 請問我們在哪裏?!』

還好心肝十分"懂性", 等左一陣已經醒左, 上到纜車仲好開心好好奇呢~~~

雖然太陽伯伯仲未出黎… 亦無損『咱們仨』的興緻… 靖天挺興奮啊!

首次坐360的靖天, 對呢個"水晶地板", 很感好奇啊!

靖天踏上車箱已經手指指… 仲要"嘩嘩"聲…
又係咁話"魚魚", "水水"… 好搞笑唷!

未知甚麼是"畏高"的靖天, 似乎很享受坐纜車的感覺啊!

~~~靖天與爸B & 媽咪~~~

落左纜車, 經過市集, 循例都打左個圈…
著實呢個"市集", 除左吃, 什麼都沒太大興趣.. 因為"蚊蚊都是錢"!!!

在昂平市集打左個圈, 咱們仨就出發到天壇大佛 / 寶蓮寺….

到達寶蓮寺, 第一站當然是帶靖天探探大佛….. 推住車仔, 加一大袋奶粉尿片大相機, 補多個靖天, 連埋超級鼻敏感發作的媽咪…. 實在係有點兒吃力…..

還好, 靖天十分享受"親自上山"的感覺!!!

初時只係諗住俾佢走走樓梯就算…. 誰不知行下等下, 行下等下…. 百多級樓梯, 心肝用自己小雙腳走畢差不多90%路程!!!! 好叻女啊!!!

靖天: 『咁長…. 真係要我行上去架?!』

當然, 行左咁多樓級, 代價就係上到頂不消15分鐘靖天已經默不作聲…. 應該是太熱太累吧?!  有點兒虐兒感覺吧?!

結果, 靖天幾乎自己行畢業全程樓梯…..
(差不多錄畢靖天行上大佛的情況, 片太長了.. 還是剪輯一部份好了!)

辛苦上到黎, 當然要拍拍照, 留留念!!
靖天行左咁多級樓梯… 已經攰到唔識笑… !

打左個圈, 天氣開始熱, 太陽伯伯開始高高掛, 決定到附近開餐!!! 下樓梯時就不再給靖天練習了, 一來人多, 二來有輕微畏高的媽咪… 遇上長樓梯總會有種"想碌下去"的感覺……

為避生意外, 還是抱實靖天快快落黎算了!!!

呢一日煲左粥過心肝帶出黎…. 還好, 靖天都吃上3/4碗才收口….. 真係阿彌陀佛!!!!

食飽左, 我地又再到下一個境點 — 心經簡林 參觀一番!

可惜沿途心肝扭眼訓, 又扭抱, 結果…. 靜靜既小路, 只聽到靖天在大吵大鬧…

靖天喊起上黎真係好野蠻唷!

到達心經簡林, 心肝冷靜下來, 仲肯自己落地走上幾步……

好鍾意呢隻"雞"…. 亦都因為佢, 靖天學識講個"雞字"

原來呢度係鳳凰山既始步點…. 真係好有衝動想行上去睇日出……

好靚既一個地方…. 假日來會扣一點分數, 太多人了!!!

靖天: 『色即是空, 空即是色… 爸B, 佛門清靜地, 唔好咁痴纏啦!』

到達心經簡林, 靖天還是選擇自己走上去!!!

靖天: 『鬼叫你窮呀, 頂硬上!!
媽咪話我要行七七四十九級樓梯先可以快高長大, 唔再俾人話我細細粒唔健康!』

時間越晏, 人越多… 太陽伯伯已經高高掛同我地招手….. 還是走人大吉為妙!
靖天回程時, 相當興奮啊!

我地逗留左數十分鐘, 就準備去坐巴巴到下一個景點 — 大澳!!!

(250)

Comments

comments