靖天生病了 Day 3 [15個月篇]
生病的第三天…..
踏入第3天晚上, 凌晨2時許, 靖天高燒了…..
09年4月16日, 星期四
以為又是咳到嘔, 咳到喊, 也睡不下…
誰知一會, 已呼呼著….
整晚咳的次數比早兩天明顯少了.. 也沒有咳到嘔…..
以為有覺好訓, 點知半夜心肝哭著坐起來…
一摸….. 好熱呀!!!!!! !!!! 
再探……. 102度……. 
先想, 是否該帶靖天入急症室?!
但看見心肝整個腰都俾包著大毛巾, 會否是因為這樣弄至高燒?!
然後, 即刻從雪櫃拿來退熱貼, 敷在靖天頭上
其實, 呢o的用黎呃父母錢既野, 真係信唔過…. 都唔記得呢個係贈品定執返黎… 用得唔好嘥…
繼而, 從雪櫃拿來凍水, 給靖天抹腳, 抹手, 希望可以降降溫….
思考左兩秒,
最後, 決定再給靖天喝一次退燒水…. 明知藥不能亂吃, 但那一刻也顧不得太多…
15分鐘後, 靖天燒退了一度….
再過15分鐘, 回到原來的100度…. (對, 是原來, 因為過去五天, 心肝的燒從沒有停下來!)
一直到天亮…. 都是99, 100, 99, 100的…..
天亮後喝了4安奶… 誰知一會又咳… 咳…..咳…. 然後, 又幫回吐2安…… 
短短數日, 心肝已激減2磅多…… 咁既瘦身大法, 不如用於媽咪身上, 是否更洽當?! 
早上婆婆接回靖天後… 細節也不想多說, 都是極度痴身, 扭計, 唔肯食藥, 唔多肯食野… 不過是日多加一項, 就是唔願訓…..
===============================================
覆診, 是必要的, 但今次, 究竟找個西醫覆診? 還是試一試中醫的威力?! 
問過爸B, 都是十五十六…..
問埋婆婆, 反而俾責罵一頓, …. (所以友人話, 靖天有婆婆湊真幸福… 靖天幸福, 那靖天媽媽呢?!) 
已經微燒五天不退… 咳繼續….. 那再吃西藥有何用?!
最終決定一試中醫, 準備好出發之際, 才發現不見車匙…..
朋友仔話我未有緣跟醫師會面….. 咁點算?!
死死氣, 自己食左兩粒敏感藥 (連日來的不夠睡, 爸B跟媽咪也開始見病了…….) , 沖個涼, 等爸B回來吃過飯就接回靖天了……
誰知爸B回來一找, 就找到車匙了…. 只怪自己不小心, 也不細心……
俾爸B說了兩句, 也終於按耐不住…. 大哭上來……
討厭靖天的扭文, 厭食, 生病…..
更討厭自己無能為力…… 找條車匙跟靖天出去睇醫生, 咁簡單既事都做不到…..
也難怪, 婆婆經常話我呢個媽咪無鬼用吧?!
(121)
鐵人亦會有被打倒既一刻。靖天媽媽都要小心身體呀。
要開車先搵唔到車匙，其實係一件小事，執筆忘字之嘛。靖天爸爸或者奶奶會比到壓力，不過唔好比事情破壞左大家既關係就得了。
記得有份高手提點過我，我都係第一次做人地個仔，暫時做左廿幾年，但係我父母都係第一次自己做人做到幾廿歲姐……
慢慢，我就明白到，人既修維係啟發及撞板而來既。
記住小心身體，唔好連靖天爸爸都病呀。
一急就亂.. 人之常情啊 !!
經過今次… … 再遇到緊急事情. 便會鎮定呢 !!
果個情況之下, 你一定又擔心又急又亂, 爸b同你媽又係既, 唔開解你幫你仲比說話你聽, 不過哭出黎都係好既, 至少發洩左自己既情緒, 好過屈住唔開心
靖天媽媽, 誰不曾忙中有錯? 唔好氣餒, 要保重身體!
自從嵐嵐出世後, 我都發覺自己short term memory差了訐多 (不過, 可能一直都係咁!!??), 明明剛剛放好嘅物件, 轉眼就忘掉放在哪兒, 尤其係喺趕時間嘅時候! 要開車找不到車匙, 趕緊開車駛離停車場但找不到車票/octopus card….
趕住用車, 卻忘了車匙………….
要不得…
謝謝有心, 其實我地一家三口都病了. 只係靖天較嚴重…… @.@
好鍾意你呢句”人既修維係啟發及撞板而來既。”
咁我估我既修為都好強, 因為我由細撞板撞到大…. 哈哈
應該是, 我成日都係咁啊!
通常做阿媽個個都係.. 亂, 又容易俾人話o個個呢……